ផ្លែស៊ីរីមានអត្ថប្រយោជន៍ដ៏ប្រសើរ ចំពោះសុខភាព ប៉ុន្តែកុំទទួលទានច្រើនហួសពេក ៖
១.ជួយប្រឆាំងការរលាកក្នុងរាងកាយ
ផ្លែស៊ីរីមានផ្ទុកសម្បូរទៅដោយសារធាតុប្រឆាំងនឹងការរលាក ដែលជួយកាត់បន្ថយទប់
ស្កាត់បញ្ហារលាកសន្លាក់ ។
២.ពង្រឹងប្រព័ន្ធភាពស៊ាំរាងកាយ
ផ្លែស៊ីរីជាប្រភពដ៏ប្រសើរនៃវីតាមីន B2 B3 B6 C វីតាមីន K រួមទាំងជាតិកាល់ស្យូម
Folate ប៉ូតាស្យូម ម៉ាញ៉េស្យូម ជាតិទង់ដែង និងម៉ង់កាណែស ដែលសុទ្ធសឹងតែ
ជាសមាសធាតុ
ជួយពង្រឹងប្រព័ន្ធភាពស៊ាំនៃរាងកាយ ប្រយុទ្ធប្រឆាំងនឹងមេរោគឆ្លង។
៣.បង្កើនថាមពល
ផ្លែស៊ីរី អាចផ្ដល់នូវថាមពលបន្ថែមភ្លាមៗ តាមបែបធម្មជាតិគួរឲ្យភ្ញាក់ផ្អើល ក៏ព្រោះតែ
វាមានផ្ទុកបរិមាណនៃជាតិគ្លុយកូស
និងជាតិស្ករក្នុងផ្លែឈើ fructose ។
៤.គ្រប់គ្រងជំងឺទឹកនោមផ្អែម
ផ្លែស៊ីរី មានផ្ទុកសម្បូរទៅដោយជាតិសរសៃ
ដែលធ្វើឲ្យវាក្លាយជាជម្រើសនៃផ្លែឈើ ឬ
អាហារសម្រន់ដ៏សាកសមសម្រាប់អ្នកជំងឺទឹកនោមផ្អែម ។ លំហូរឈាមអាចស្រូបយក
ជាតិស្ករបានយឺតៗប៉ុណ្ណោះពីផ្លែស៊ីរី ដូច្នេះ បញ្ហាជាតិស្ករក្នុងឈាមកើនឡើងខ្ពស់នឹង
ត្រូវបានទប់ស្កាត់ ។
៥.កាត់បន្ថយកម្រិតកូឡេស្តេរ៉ូលមិនល្អ
ផ្លែស៊ីរី ក៏មានផ្ទុកនូវសារធាតុ
pectin ដែលធ្វើឲ្យវាក្លាយជាផ្លែឈើ មានប្រយោជន៍បំផុត
ជួយក្នុងការកាត់បន្ថយកម្រិតនៃកូឡេស្តេរ៉ូល ។
៦.ប្រយុទ្ធប្រឆាំងនឹងរ៉ាឌីកាល់សេរី
ផ្លែស៊ីរី ជាប្រភពដ៏សម្បូរបែបនៃជាតិទង់ដែង វីតាមីន C និងវីតាមីន K ដែលដើរតួជា
សារធាតុប្រឆាំងអុកស៊ីតកម្ម ជួយការពារកោសិកាមិនឲ្យទទួលរងការបំផ្លាញពីសំណាក់
រ៉ាឌីកាល់សេរី ។ គួរបញ្ជាក់ផងដែរថា រ៉ាឌីកាល់សេរី គឺជាមូលហេតុចម្បងបំផុតដែលបង្ក
ជំងឺគួរឲ្យព្រួយបារម្ភផ្សេងៗ ។
៧.សុខភាពបេះដូង
ផ្លែស៊ីរី មានផ្ទុកសម្បូរទៅដោយជាតិសរសៃ dietary fiber
ដែលល្អបំផុតសម្រាប់រក្សា ក៏
ដូចជាបង្កើនពង្រឹងសុខភាពបេះដូងដោយជាតិសរសៃជួយកាត់បន្ថយកម្រិតកូឡេស្តេរ៉ូល
មិនល្អ។
៨.ប្រឆាំងនឹងប្រតិកម្មអាឡែកស៊ី
ផ្លែស៊ីរី
ជាផ្លែឈើមានប្រសិទ្ធភាពប្រយុទ្ធប្រឆាំងទប់ស្កាត់ប្រតិកម្មអាឡែកស៊ី នោះក៏ព្រោះ
តែបើប្រៀបធៀបនឹងផ្លែឈើដទៃទៀត គឺស៊ីរី មិនងាយបង្កប្រតិកម្មណាមួយពេលទទួល
ទានឡើយ ។
៩.ទប់ស្កាត់ជំងឺពុកឆ្អឹង
ផ្លែស៊ីរី
មានផ្ទុកសម្បូរទៅដោយសារធាតុ boron ដែលមានប្រសិទ្ធភាពរក្សាជាតិកាល់
ស្យូមក្នុងរាងកាយ ដូច្នេះបញ្ហានៃជំងឺពុកឆ្អឹងត្រូវបានកាត់បន្ថយ និងទប់ស្កាត់។
១០.កាត់បន្ថយសម្ពាធឈាម
ផ្លែស៊ីរី
ជាប្រភពដ៏ប្រសើរនៃ quercetin
ដែលជាសារធាតុប្រឆាំងអុកស៊ីតកម្ម មានវត្តមាន
ក្នុងសំបកផ្លែឈើនេះ។ សារធាតុ
quercetin ជួយកាត់បន្ថយសម្ពាធឈាម និងថែមទាំង
ទប់ស្កាត់ជំងឺមហារីកផងដែរ។
