ការទទួលទានទឹកក្នុងពេលពោះទទេ ផ្ដល់ប្រយោជន៍ល្អបំផុតចំពោះសុខភាព ៖
– សម្អាតរាងកាយ ការទទួលទានទឹកពេលពោះទទេ នឹងជួយសម្អាតពោះវៀន ដែល អាចបង្កើនការបឺតស្រូបជីវជាតិពីចំណីអាហារបានកាន់តែមានប្រសិទ្ធភាព។ វាក៏ជួយ ច្រោះជាតិពុលពីក្នុងខ្លួនផងដែរ។
– រក្សាស្បែកឲ្យមានសុខភាពល្អ ទឹកជួយបំបាត់ជាតិពុលពីក្នុងរាងកាយ ដែលជាហេតុ ជួយឲ្យស្បែកមានសុខភាពល្អ ភ្លឺថ្លា និងស្រស់ស្អាត។ ការទទួលទានទឹក ពេលពោះ ទទេ ផ្តល់ប្រយោជន៍ច្រើនដល់សុខភាព ប៉ុន្តែការបង្គ្រប់ជាតិទឹកក្នុងខ្លួនគ្រប់គ្រាន់កាន់ តែសំខាន់ទៅទៀត។ ក្រៅពីទទួលទានទឹកយ៉ាងហោចណាស់ ២ទៅ៣កែវ ក្រោយភ្ញាក់ ពីទទួលទានដំណេកភ្លាម នៅពេលព្រឹក ចូរព្យាយាមទទួលទាន ៨ ទៅ ១០កែវជារៀង រាល់ថ្ងៃផង។
– រក្សាពោះវៀនឲ្យមានសុខភាពល្អ ទទួលទានទឹកពេលពោះទទេនឹងជួយកែសម្រួល ដល់ចលនារបស់ពោះវៀន ដែលអាចបង្ការបញ្ហាក្រពះកិនមិនស្រួល ទល់លាមក និង ការបង្ករោគក្នុងពោះវៀនបាន។ រឿងនេះ នឹងជួយឲ្យពោះវៀនកាន់តែមានសុខភាពល្អ ថែមទៀត។
– ពង្រឹងដល់ប្រព័ន្ធភាពស៊ាំ ការទទួលទានទឹកច្រើនអាចជួយច្រោះជាតិពុលចេញ ពីរាងកាយ និងបង្ការការបង្ករោគកុំឲ្យរាលដាលពេញខ្លួនផង។ រឿងនេះ នឹងជួយពង្រឹង ដល់ប្រព័ន្ធភាពស៊ាំ និងរក្សារាងកាយពីការបង្ករោគជាច្រើនបាន។
– បង្កើនការរំលាយអាហារ អ្នកតមចំណីគួរតែព្យាយាមទទួលទានទឹកឲ្យបានច្រើន ដើម្បីបង្កើនការរំលាយអាហារ។ សង្វាក់រំលាយអាហារនឹងកើនឡើងបាន២៥ភាគរយ តាមរយៈការទទួលទានទឹក ពេលពោះទទេ។ កាលណារំលាយអាហារកាន់តែលឿន ការសម្រកទម្ងន់ក៏កាន់តែផ្តល់សុខភាពដែរ។
– ជួយសម្រកទម្ងន់ ការទទួលទានទឹកខណៈពេល ដែលតមចំណីអាចជួយដល់ការ សម្រកទម្ងន់ ដោយសារតែទឹកមិនមានកាឡូរីអ្វីទាំងអស់។ ការទទួលទានទឹកបាន ញឹកញាប់នឹងជួយឲ្យក្រពះឆ្អែត។ រឿងនេះ ក៏មិនបង្កជាផលវិបាកអវិជ្ជមានអ្វីដែរ ដោយសារតែការទទួលទានទឹកច្រើន ជួយបង្កើនការរំលាយអាហារ ដូច្នេះវាក៏ជួយ ដល់ការរំលាយជាតិខ្លាញ់កាន់តែលឿនថែមទៀត។
ទឹកត្រជាក់ ការផឹកទឹកត្រជាក់ម្ដងច្រើនៗ អាចបណ្តាលឲ្យទឹកចូលក្នុងខួរក្បាល ជាកត្តា បង្កឲ្យហើមខួរក្បាល។
