ក) វារីអគ្គិសនី
1) វារីអគ្គិសនី គិរីរម្យទី១ ជាគម្រោងវារីអគ្គិសនីទី១ របស់ប្រទេសកម្ពុជា ដែលបានស្តារ ឡើងវិញនៅឆ្នាំ២០០២ មានអានុភាពផលិតអគ្គិសនីបាន១២មេហ្កាវ៉ាត់ មានទុនវិនិ យោគ ២៦លានដុល្លា។ វារីអគ្គិសនីនេះ មានទីតាំងគម្រោងស្ថិតនៅស្ទឹងច្រាល មាន ទំនប់ស្ថិតក្នុងស្រុកភ្នំស្រួច ខេត្ដកំពង់ស្ពឺ និងស្ថានីយវារីអគ្គិសនី ស្ថិតក្នុងស្រុកកំពង់ សីលា ខេត្តព្រះសីហនុ។
2) វារីអគ្គិសនីកំចាយ នៅខេត្តកំពត ជាគម្រោងវារីអគ្គិសនីទី២ របស់កម្ពុជា មាន អានុភាពផលិតអគ្គិសនី ១៩៤.១ មេហ្កាវ៉ាត់ ដែលបានដាក់ឱ្យដំណើរការនៅក្នុងឆ្នាំ ២០១១ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
3) វារីអគ្គិសនីគិរីរម្យទី៣ ជាគម្រោងវារីអគ្គិសនីទី៣របស់កម្ពុជា មានអានុភាពផលិត អគ្គិសនី១៨មេហ្កាវ៉ាត់ និងជាគម្រោងដែលបានដាក់ឱ្យដំណើរការនៅក្នុងឆ្នាំ២០១៣ មានទីតាំងស្ថិតនៅតាមដងស្ទឹងពង្រួល ដែលជាដៃមួយរបស់ព្រែកកំពង់សោម ក្នុងឃុំ ដងព្រែក ស្រុកស្រែអំបិល ខេត្តកោះកុង។
4) វារីអគ្គិសនីស្ទឹងអាតៃ ជាវារីអគ្គិសនីទី៤របស់កម្ពុជា មានអានុភាពផលិតអគ្គិសនី១២០ មេហ្កាវ៉ាត់ ដែលបានដាក់ឱ្យដំណើរការនៅក្នុងឆ្នាំ២០១៤ ។ វារីអគ្គិសនីនេះ មានទីតាំង ក្នុងតំបន់ត្រីកោណ ស្ថិតនៅភូមិសាស្ត្រខេត្តកំពង់ស្ពឺ ខេត្តកោះកុង និងខេត្តពោធិ៍សាត់ (ក្នុងឃុំអូរសោម ស្រុកវាលវែង ខេត្តពោធិ៍សាត់)។
5) វារីអគ្គិសនីស្ទឹងឫស្សីជ្រុំក្រោម ជាវារីអគ្គិសនីទី៥ របស់កម្ពុជា មានអានុភាពផលិត អគ្គិសនី៣៣៨មេហ្កាវ៉ាត់ និងបានដាក់ឱ្យដំណើរការនៅក្នុងឆ្នាំ២០១៥។ វារីអគ្គិសនីស្ទឹង ឫស្សីជ្រុំក្រោម មានទីតាំងគម្រោងនៅឃុំបាក់ខ្លង ស្រុកមណ្ឌលសីមា ខេត្តកោះកុង។
វារីអគ្គិសនីឬស្សីជ្រុំក្រោម ស្ថិតនៅជួរភ្នំក្រវ៉ាញ ក្នុងឃុំប៉ាក់ខ្លង ស្រុកមណ្ឌលសីមា ខេត្ត កោះកុង។ ទំនប់មានប្រវែង ៣២២ម៉ែត្រ និងកម្ពស់៥៨ម៉ែត្រ មានអនុភាព ៣៣៨មេហ្គា វ៉ាត ។ ខ្សែបញ្ជូន ២៣០គីឡូវុល មានប្រវែង១៥,៥គីឡូម៉ែត្រ ។ បញ្ជូនពីស្ថាននីយ៍ឬស្សី ជ្រុំក្រោមទៅខ្សែបញ្ជូនរបស់គម្រោងវារីអគ្គិសនីតាតៃ រួមបញ្ចូលនៅស្ថានីយ៍វារីអគ្គិសនីអូ សោម បន្តបញ្ជូនភ្ជាប់ទៅបណ្តាញភ្នំពេញ-កំពង់ឆ្នាំង-ពោធិ៍សាត់-បាត់ដំបង សម្រាប់ ចែកចាយប្រើប្រាស់ទូទាំងប្រទេស ។ ស្ថានីយវារីអគ្គីសនីឬស្សីជ្រុំបានដំណើរការសាង សង់ ដោយក្រុមហ៊ុនចិនឈ្មោះCHINAHUDIAN HONGKONG CO,LT កាលពី ថ្ងៃទី២៨ខែ ធ្នូឆ្នាំ២០១០។
វារីអគ្គិសនីស្ទឹងឫស្សីជ្រុំក្រោម ជាការវិនិយោគរបស់ក្រុមហ៊ុន China Huadian Cor - poration របស់ប្រទេសចិន ក្រោមរូបភាព“សាងសង់-ដំណើរការ-ផ្ទេរ ”(BOT)ក្នុងទឹក ប្រាក់វិយោគចំនួន ៤៩៥,៧៦លានដុល្លាអាមេរិក មានអនុភាព ៣៣៨ មេហ្កាវ៉ាត់ ដែល អាចផលិតថាមពលអគ្គិសនីប្រចាំឆ្នាំជាមធ្យមប្រមាណជាង១.០២០ លានគីឡូវ៉ាត់ម៉ោង មានរយៈពេលសម្បទាន៣៥ឆ្នាំ ក្នុងនោះ៥ឆ្នាំសម្រាប់ដំណើរការសាងសង់ និង៣០ឆ្នាំ សម្រាប់ដំណើរការធ្វើអាជីវកម្ម។ ថ្លៃអគ្គិសនីលក់ឱ្យក្រុមហ៊ុនអគ្គិសនីកម្ពុជាស្មើនិង៧,៣៥ សេនដុល្លាអាមេរិក ក្នុងមួយគីឡូវ៉ាត់ម៉ោង ។
6) វារីអគ្គិសនីស្ទឹងតាតៃ ជាវារីអគ្គិសនីទី៦ ដែលមានទីតាំងស្ថិតនៅក្នុងឃុំប្ញស្សីជ្រុំ និង ឃុំតាតៃ ស្រុកថ្មបាំង ខេត្តកោះកុង មានកម្លាំងថាមពល២៤៦មេហ្កាវ៉ាត់ បានសម្ពោធ ដាក់ឱ្យដំណើរការជាផ្លូវការនៅថ្ងៃទី២៣ ខែធ្នូ ឆ្នាំ២០១៥ ក្រោមអធិបតីភាពសម្តេច តេជោ ហ៊ុន សែន នាយករដ្ឋមន្ត្រីនៃកម្ពុជា បន្ទាប់ពីផ្តើមសាងសង់កាលពីដើមឆ្នាំ ២០១១ ដោយក្រុមហ៊ុនសារជីវកម្មចិន ចំណាយថវិកាប្រមាណ ៥៤០លានដុល្លា។
7) វារីអគ្គិសនីសេសានក្រោម២
គឺជាវារីអគ្គីសនីធំជាងគេនៅព្រះរាជាណាចក្រកម្ពុជា មានទីតាំងស្ថិតនៅលើដងទន្លេសេសាន នៃស្រុកសេសាន ខេត្តស្ទឹងត្រែង ផ្តល់ ថាមពលអានុភាព
៤០០មេហ្គាវ៉ា ជាការវិនិយោគរួមគ្នារវាងក្រុមហ៊ុនចំនួនបី គឺ ក្រុមហ៊ុន Huaneng Lancang River Hydropower Inc. ក្រុមហ៊ុនរ៉ូយ៉ាល់គ្រុប និងក្រុមហ៊ុន EVN
International Joint Stock Company(EVNI) ដោយប្រើទុន វិនិយោគសរុបជិត
៨០០ លានដុល្លាអាមេរិក តាមវិធីសាស្ត្រសាងសង់-ដំណើរការ-ផ្ទេរ (BOT) មានរយៈពេលសម្បទាន
៤៥ឆ្នាំ ក្នុងនោះ
រយៈពេល ៥ឆ្នាំសម្រាប់ដំណើរ ការសាងសង់ និង៤០ឆ្នាំសម្រាប់ធ្វើអាជីវកម្ម។
វារីអគ្គិសនីសេសានក្រោម២ សាងសង់នៅលើផ្ទៃដីទំហំ
៣,៦ ម៉ឺនហិកតា មាន
កម្ពស់សរុប ៨០ម៉ែត្រ ក្នុងនោះ ៧៥ម៉ែត្រជាកម្ពស់សម្រាប់ទប់ទឹក និង៥ម៉ែត្រទៀត
សម្រាប់ការពារហានិភ័យពីកម្រិតកម្ពស់ទឹកខ្ពស់ជ្រុល តួទំនប់ទាំងស្រុងមានប្រវែង
៦,៥គីឡូម៉ែត្រដែលជាទំនប់វែងជាងគេក្នុងទ្វីបអាស៊ី
មានសមត្ថភាពផ្ទុកទឹក២,៧២
ពាន់លានម៉ែត្រគូប និងមានទួរប៊ីន ៨គ្រឿង ដែលក្នុងទួរប៊ីននីមួយៗមានកម្លាំង
អានុភាព ៥០មេហ្គាវ៉ាត់ ។ សមត្ថភាពផលិតថាមពលអគ្គិសនីរបស់ស្ថានីយនេះ
មានចំនួនស្មើនឹង ១ភាគ៥
នៃសមត្ថភាពផលិតថាមពលអគ្គិសនីសរុបរបស់ប្រទេស
កម្ពុជា។ ក្រៅពីប្រើប្រាស់នៅខេត្តស្ទឹងត្រែង អគ្គិសនីបានមកពីស្ថានីយវារីអគ្គិសនី
សេសាន្តក្រោម២ ចែកចាយបន្តទៅខេត្តក្រចេះ កំពង់ចាម និងភ្នំពេញ។
8) វារីអគ្គិសនី អូសោម
9) វារីអគ្គិសនីស្ទឹងពោធិ៍សាត់មួយ ស្ថិតនៅឃុំប្រម៉ោយ ស្រុកវាលវែង ខេត្តពោធិ៍សាត់ ដែល អាចផលិតថាមពល បាន៨០មេហ្គាវ៉ាត់ និងគម្រោងវារីអគ្គិសនី ១១ ផ្សេងទៀត។
ខ) អគ្គិសនីធ្យូងថ្ម
1) អគ្គិសនីដុតធ្យូងថ្មទី១ អនុភាព១០០មេហ្កាវ៉ាត់
2) អគ្គិសនីដុតធ្យូងថ្មទី២ អនុភាព២៧០មេហ្កាវ៉ាត់
គ) ស្ថានីយអគ្គិសនីដើរដោយពន្លឺព្រះអាទិត្យ ស្ថិតនៅតាមបណ្តោយផ្លូវជាតិលេខ៥ ក្នុងស្រុក ក្រគរ ខេត្តពោធិ៍សាត់ ដែលអាចផលិតថាមពល បាន៦០មេហ្គាវ៉ាត់។
