ផ្លែឪឡឹក សម្បូរទៅដោយសារធាតុទឹក សរសៃ វីតាមីន ថែមទាំងមានសារធាតុអំបិល និងសារធាតុជាច្រើនទៀតដែលអាចផ្តល់អត្ថប្រយោជន៍យ៉ាងច្រើនចំពោះសុខភាព ៖
– ប្រឆាំងជំងឺមហារីក– កាត់បន្ថយសម្ពាធឈាមខ្ពស់ ជំនួយឈាម រំលាយកំណកឈាម
– កាត់បន្ថយការប្រឈមនឹងជំងឺបេះដូង
– ធ្វើឲ្យប្រព័ន្ធការងាររាងកាយរឹងមាំ
– ធ្វើឲ្យឆ្អឹងរឹងមាំ និងជួយបង្កើតថាមពលរាងកាយ
– ជួយសម្អាតតម្រងនោម
– គ្រប់គ្រងជាតិស្ករក្នុងរាងកាយ
– កម្ចាត់ជាតិពុលពីក្នុងរាងកាយ
– ទឹកឪឡឹកមានផ្ទុក Viagra ធម្មជាតិ។
អត្ថប្រយោជន៍ការទទួលទានឪឡឹកក្នុងអំឡុងពេលមានផ្ទៃពោះ ( ចៀសវាងទទួលទានច្រើនពេក ) ៖
– កាត់បន្ថយអាការៈក្រហាយទ្រូង ជាទូទៅស្ត្រីមានផ្ទៃពោះ តែងប្រឈមមុខនឹងបញ្ហា នៃ ការរំលាយអាហារដែលបណ្ដាលឲ្យមានអាការៈក្រហាយទ្រូង ឬច្រាលទឹកអាស៊ីតក្រពះ។ ផ្លែឪឡឹកមានប្រសិទ្ធភាពកម្ចាត់បញ្ហាទាំងនេះបា ដោយជួយក្នុងការសម្រួលដំណើរ ការនៃបំពង់អាហារ និងក្រពះ។ ការទទួលទានឪឡឹកអាចជួយធ្វើឲ្យបញ្ហាក្រហាយទ្រូង បាត់ទៅវិញយ៉ាងឆាប់រហ័ស ។
– កាត់បន្ថយការហើម ការហើមដៃ និងជើង តែងកើតឡើងជាទូទៅ អំឡុងពេលមាន ផ្ទៃពោះ។ បរិមាណជាតិទឹកខ្ពស់ក្នុងផ្លែឪឡឹក អាចកាត់បន្ថយការស្ទះក្នុងសរសៃឈាម និងសាច់ដុំ ដូច្នេះបញ្ហានៃការហើមត្រូវបានព្យាបាល។
– បំបាត់អាការៈចាញ់កូន ទទួលទានទឹកឪឡឹកស្រស់មួយកែវនៅព្រឹកព្រលឹម គឺល្អបំផុត អំឡុងពេលមានផ្ទៃពោះ។ ឪឡឹកជួយធ្វើឲ្យអារម្មណ៍ស្រស់ស្រាយ មានថាមពលពេញ មួយថ្ងៃ និងថែមទាំងជួយបំបាត់ កាត់បន្ថយអាការៈចាញ់កូនខ្លាំងផងដែរ ។
– ទប់ស្កាត់បញ្ហាខ្សោះជាតិទឹក ការខ្សោះ ឬខ្វះជាតិទឹកក្នុងរាងកាយជាមូលហេតុចម្បង មួយ ដែលបង្កឲ្យមានបញ្ហាទារកកើតមិនគ្រប់ខែ ឬសម្រាលមុនពេលកំណត់។ ស្ត្រីមាន ផ្ទៃពោះគួរទទួលទានទឹកឲ្យបានច្រើនគ្រប់គ្រាន់ដើម្បីទប់ស្កាត់បញ្ហាខ្សោះ ឬខ្វះជាតិទឹក ក្នុងរាងកាយ។ ឪឡឹកមានផ្ទុកជាតិទឹកដល់ទៅ ៩០ភាគរយ ដូច្នេះការទទួលទានវាជា វិធីដ៏ងាយ ហើយល្អបំផុតដើម្បីជៀសផុតពីបញ្ហាខ្សោះជាតិទឹក។
– សម្រាលអាការៈរមួលសាច់ដុំ រាងកាយនៃស្ត្រីមានផ្ទៃពោះ ឆ្លងកាត់ការផ្លាស់ប្ដូរប្រែប្រួល ច្រើន។ ការកើនទម្ងន់ និងអ័រម៉ូន អាចជាមូលហេតុបង្កឲ្យមានការឈឺចាប់សាច់ដុំ ក៏ ដូចជាឆ្អឹង។ ការរួមបញ្ចូលឪឡឹកក្នុងរបបអាហារ មានប្រសិទ្ធភាពជួយដោះស្រាយបញ្ហា នេះបាន។ – បន្សាបជាតិពុល ឪឡឹកមានផ្ទុកសារធាតុ diuretic ដែលជួយកម្ចាត់ជាតិពុល គ្រោះថ្នាក់ចេញពីរាងកាយ។ វាក៏ជួយជម្រុញមុខងារតម្រងនោម បន្សាបជាតិពុលក្នុង ថ្លើម និងកាត់បន្ថយកម្រិតជាតិអាស៊ីតអ៊ុយរិកក្នុងឈាមផងដែរ។
– បង្កើនថាមពល ឪឡឹកជាប្រភពដ៏ប្រសើរនៃជាតិរ៉ែល្អៗដូចជា វីតាមីន A វីតាមីន B1 វីតាមីន B6 ប៉ូតាស្យូម និងម៉ង់កាណែស ដែលជួយបង្កើនផ្ដល់ថាមពលតាមបែប ធម្មជាតិដល់រាងកាយ។ សារធាតុទាំងអស់នេះក៏ប្រសើរសម្រាប់ទារកក្នុងផ្ទៃផងដែរ ។
– ទប់ស្កាត់ជំងឺក្រឡាភ្លើង ឪឡឹកមានផ្ទុកកម្រិត lycopene ខ្ពស់ដែលជួយកាត់បន្ថយ ហានិភ័យនៃជំងឺក្រឡាភ្លើងអំឡុងពេលមានផ្ទៃពោះ។
អត្ថប្រយោជន៍ចំពោះសម្រស់ ៖
– ធ្វើឲ្យស្បែកភ្លឺ ជ្រលក់សំឡីជាមួយនឹងទឹកឪឡឹក ដែលលាយជាមួយទឹកឃ្មុំ រួចជូតវា ពេញផ្ទៃមុខ និងករ នោះបណ្ដាលឲ្យមានស្បែកភ្លឺថ្លា និងអារម្មណ៍ស្រស់ស្រាយ។
– កម្ចាត់មុនក្បាលខ្មៅ យកសាច់ឪឡឹកមកច្របាច់យកទឹក ហើយលាយជាមួយម្សៅ besan ( ប្រភេទម្សៅសម្រាប់យកទៅធ្វើអាហារ ដែលសម្បូរទៅដោយជាតិប្រូតេអ៊ីន ដែក និងfiber ) រួចលាបវាលើមុខ ហើយទុកវាចោល ពី២០ទៅ២៥នាទី រហូត ដល់វាស្ងួត សឹមលាងវាចេញ។ វាពិតជាជួយកម្ចាត់មុនក្បាលខ្មៅ និងធ្វើឲ្យមុខសភ្លឺ ជាងមុន។
– កាត់បន្ថយស្នាមខ្មៅដោយសារកម្តៅថ្ងៃ យកឪឡឹក និងត្រសក់ ដែលមានបរិមាណ ស្មើគ្នា រួចកិនលាយចូលគ្នា។ លាបវាលើមុខ រួចទុកចោលប្រហែល២០ នាទី។ អនុវត្ត រៀងរាល់ថ្ងៃក្នុងរយៈពេល១ខែ នឹងឃើញស្នាមខ្មៅ ដោយសារកម្តៅរលាយបាត់អស់ជា មិនខាន។
ផ្លែឪឡឹក ចំពោះក្មេងអាយុក្រោម ៣ឆ្នាំ មិនគួរឲ្យបរិភោគឡើយ ៖
– អាចងាយធ្វើឲ្យហើមពោះខ្លាំងណាស់
– ធ្វើឲ្យប្រព័ន្ធរំលាយអាហារដំណើរការមិនល្អ
– អាចធ្វើឲ្យក្រពះពិបាកទទួលយក ហើយបំលែងជាខ្លាញ់ ព្រោះផ្លែឪឡឹកផ្ទុកសារ ធាតុស្ករខ្ពស់
– បង្អាក់មិនឲ្យរាងកាយទទួលបានសារធាតុចិញ្ចឹមគ្រប់គ្រាន់។
