ឧកញ៉ា ស្រី សុធា ជាឪពុក មានតួនាទីជាប្រធានក្រុមប្រឹក្សាភិបាលក្រុមហ៊ុន 7NG និងឧកញ៉ា ស្រី
ចន្ធូ ជាកូនប្រុស មានតួនាទីជានាយកក្រុមហ៊ុន 7NG
ដែលមានដីពុះឡូត៌លក់ធំជាងគេ នៅតំបន់វិហារសួគ៌
ស្ថិតក្នុងស្រុកខ្សាច់កណ្ដាល ខេត្តកណ្ដាល
ត្រូវបានតំណាងអយ្យការអមសាលាដំបូងរាជធានីភ្នំពេញ
សម្រេចធ្វើការចោទប្រកាន់ពីបទឆបោកពាក់ ព័ន្ធទៅនឹងសំណុំរឿងព្រហ្មទណ្ឌចំនួន២
ដែលជនរងគ្រោះប្ដឹងចោទប្រកាន់ថា លក់ដីឲ្យ តែមិនមានដីឲ្យ ក្រោយប្រគល់លុយរួចហើយ។
ករណីខាងលើនេះ ចៅក្រមស៊ើបសួរ នៃសាលាដំបូងរាជធានីភ្នំពេញ
សម្រេចចេញដីកាចាប់ និងឃុំខ្លួនក្រុមជនត្រូវចោទទាំង២នាក់ខាងលើ
ដើម្បីបង្ការ ឬបញ្ចប់បទល្មើស កុំឲ្យកើតឡើងសាជាថ្មី
និងដើម្បីធានារក្សាជនត្រូវចោទទុកជូនតុលាការចាត់ការតាមនីតិវិធី។លួនទៅវិញ។
តំណាងអយ្យការអមសាលាដំបូងរាជធានីភ្នំពេញ បានបញ្ជាក់ថា ៖
ករណីទី១ យោងតាមដីកាសន្និដ្ឋានបញ្ជូលរឿងឲ្យស៊ើបសួរ លេខ៣៧៣ អ.យ.ក
ចុះថ្ងៃទី១៦ ខែសីហា ឆ្នាំ២០១៩ បានឲ្យដឹងថា លោក កែវ សុធា ព្រះរាជអាជ្ញា
នៃអយ្យការអមសាលាដំបូងរាជធានីភ្នំពេញ បានសម្រេចចោទប្រកាន់លើ ឧកញ៉ា
ស្រី សុធា ភេទប្រុស អាយុ៦១ឆ្នាំ មានតួនាទីជា
ប្រធានក្រុមប្រឹក្សាភិបាលក្រុមហ៊ុន 7NG និងឧកញ៉ា ស្រី ចន្ធូ ភេទប្រុស
អាយុ៣៨ឆ្នាំ ជានាយកក្រុមហ៊ុន 7NG ពីបទឆបោក
ប្រព្រឹត្តនៅរាជធានីភ្នំពេញ កាលពីអំឡុងឆ្នាំ២០០៨-២០១៩ យោងតាមមាត្រា
៣៩១ និងមាត្រា ៣៩២ នៃក្រមព្រហ្មទណ្ឌ។ លោក កែវ សុធា
ក្នុងនាមជាតំណាងអយ្យការ ក៏បានស្នើសុំឲ្យចៅក្រមស៊ើបសួរ
នៃសាលាដំបូងរាជធានីភ្នំពេញ សម្រេចចេញដីកាចាប់
និងឃុំខ្លួនក្រុមជនត្រូវចោទទាំង២នាក់ខាងលើ ដើម្បីបង្ការ
ឬបញ្ចប់បទល្មើស កុំឲ្យកើតឡើងសាជាថ្មី
និងដើម្បីធានារក្សាជនត្រូវចោទទុកជូនតុលាការចាត់ការតាមនីតិវិធី។
ដីកាដដែលនេះ បានបញ្ជាក់ថា កាលពីថ្ងៃទី១៨ ខែមីនា ឆ្នាំ២០០៨
ជនរងគ្រោះឈ្មោះ ឈុន ណាវី ភេទស្រី អាយុ៣៨ឆ្នាំ បានទិញដី
ទំហំ១ម៉ឺនម៉ែត្រការ៉េ (១ហិកតា) ដោយមានក្បាលដីប្រវែង៥០ម៉ែត្រ
គុណនិងបណ្តោយប្រវែង២០០ម៉ែត្រ ពីក្រុមជនត្រូវចោទទាំង២នាក់ខាងលើ
ប៉ុន្តែអស់រយៈពេលជាង១០ឆ្នាំ
មកហើយដែលជនរងគ្រោះមិនបានទទួលដីពីក្រុមហ៊ុន 7NG។
ចំណាត់ការរបស់អយ្យការអមសាលាដំបូងរាជធានីភ្នំពេញ សម្រេចចោទប្រកាន់
ឧកញ៉ា ស្រី សុធា និងឧកញ៉ា ស្រី ចន្ធូ ជានាយកក្រុមហ៊ុន 7NG នេះ
បន្ទាប់ពីពួកគេគេចវេសមិនព្រមចូលឆ្លើយបំភ្លឺតាមដីកាកោះហៅរបស់តំណាងអយ្យការ ចំនួន២លើករួចមកហើយ។
ករណីទី២ គឺ លោក ប្លង់ សុផល ព្រះរាជអាជ្ញារងអមសាលាដំបូងរាជធានីភ្នំពេញ នៅថ្ងៃទី២២ ខែសីហា ឆ្នាំ២០១៩ បានសម្រេចចោទប្រកាន់ ឧកញ៉ា ស្រី សុធា នាយកក្រុមហ៊ុន 7NG និង ឧកញ៉ា ស្រី ចន្ធូ អ្នកចាត់ការទូទៅក្រុមហ៊ុន 7NG ពីបទឆបោក ពាក់ព័ន្ធការលក់ដីឡូតិ៍ ចំនួន៧ឡូតិ៍ យោងតាមពាក្យបណ្តឹងរបស់ឈ្មោះ ស៊ិន សុភ័ក្ត្រ។
ករណីទី២ គឺ លោក ប្លង់ សុផល ព្រះរាជអាជ្ញារងអមសាលាដំបូងរាជធានីភ្នំពេញ នៅថ្ងៃទី២២ ខែសីហា ឆ្នាំ២០១៩ បានសម្រេចចោទប្រកាន់ ឧកញ៉ា ស្រី សុធា នាយកក្រុមហ៊ុន 7NG និង ឧកញ៉ា ស្រី ចន្ធូ អ្នកចាត់ការទូទៅក្រុមហ៊ុន 7NG ពីបទឆបោក ពាក់ព័ន្ធការលក់ដីឡូតិ៍ ចំនួន៧ឡូតិ៍ យោងតាមពាក្យបណ្តឹងរបស់ឈ្មោះ ស៊ិន សុភ័ក្ត្រ។
យោងតាមដីកាសន្និដ្ឋានបញ្ជូនរឿងឲ្យស៊ើបសួរ ចុះថ្ងៃទី២២ ខែសីហា
ឆ្នាំ២០១៩ ចេញដោយលោកព្រះរាជអាជ្ញារង ផ្លង់ សុផល
បានសម្រេចចោទប្រកាន់ឧកញ៉ា ស្រី សុធា និងឧកញ៉ា ស្រី ចន្ធូ ពីបទឆបោក
ប្រព្រឹត្តនៅរាជធានីភ្នំពេញ កាលពីថ្ងៃទី២៩ ខែមករា ឆ្នាំ២០០៨
រហូតមកដល់ឆ្នាំ២០១៩ តាមមាត្រា៣៧៧ និងមាត្រា៣៧៨ នៃក្រមព្រហ្មទណ្ឌ។ទាំងសំណុំររឿងទី១ និងសំណុំរឿងទី២ ស្រដៀងគ្នា
គឺក្រុមហ៊ុនលក់ដីឲ្យអតិថិជនរាប់ឆ្នាំមកហើយ
តែពេលអតិថិជនត្រូវការដីដែលខ្លួនបានទិញ
បែរជាក្រុមហ៊ុនគ្មានដីឲ្យអតិថិជនទៅវិញ៕
