នៅភូមិវត្តគរ ឃុំវត្តគរ ស្រុកសង្កែ ខេត្តបាត់ដំបង។ ឪពុករឈ្មោះ ឡៅ លីវ ជាកសិករ
ដាំពោតដ៏ចំណានម្នាក់ ហើយម្ដាយជាអ្នកកាត់ដេរ។
គ្រួសារនួន ជា ជាគ្រួសារមានពូជកាត់ខ្មែរ-ចិន ។ ឡៅ លីវ ជាជាតិពន្ធុចិនម្នាក់ ហើយ
ម្ដាយរបស់គាត់ជាប្អូនស្រីរបស់ជនអន្តោប្រវេសន៍ ដែលមកពីហ្សានតូ ហើយប្រពន្ធរបស់
គាត់ជាខ្មែរ។ កាលពីក្មេង គេដាក់សញ្ជាតិឲ្យ នួន ជា ពីរគឺខ្មែរ និងចិន។ នួន ជា បាន
ចាប់ផ្ដើមសិក្សានៅអាយុ៧ឆ្នាំ គាត់រៀនភាសាថៃ បារាំង និងខ្មែរ។
ក្នុងស.វ.ឆ្នាំ១៩៤០ នួន ជា បានសិក្សានៅឯសកលវិទ្យាល័យថាម ម៉ាសេត (Thammasat)
នៅទីក្រុងបាងកក ហើយនិងធ្វើការថែមម៉ោងសម្រាប់កិច្ចការបរទេសនៃក្រសួងថៃ។ គាត់
បានចាប់ផ្ដើមសកម្មភាពនយោបាយជាមួយគណបក្សកុម្មុយនីស្តស្យ៉ាមក្នុងទីក្រុងបាងកក។នួន ជា វិលត្រឡប់មកប្រទេសកម្ពុជានៅឆ្នាំ ១៩៥០ ហើយបានប្ដូរសមាជិកភាពរបស់ខ្លួន មកជាសមាជិកបក្សកុម្មុយនីស្ដឥណ្ឌូចិន។ នួន ជា បានចូលសិក្សាវគ្គហ្វឹកហ្វឺន នៅទីក្រុង
ហាណូយក្នុងឆ្នាំ ១៩៥៤ ហើយបានវិលត្រឡប់មកកម្ពុជាវិញ នៅឆ្នាំ១៩៥៥។
គាត់ត្រូវបានជ្រើសរើស ជាលេខាធិការបក្ស នៃគណបក្សកុម្មុយនីស្តកម្ពុជា នៅក្នុងខែកញ្ញា ឆ្នាំ១៩៦០។ ខុសពីអ្នកដឹកនាំជាច្រើននៅក្នុងរបបខ្មែរក្រហម នួន ជា មិនបានសិក្សានៅ
ទីក្រុងប៉ារីសទេ។
គាត់គឺជាអតីតអ្នកនយោបាយក្នុងរបបកុម្មុយនីស្តប្រទេសកម្ពុជា ហើយជាប្រធានអ្នកមនោ
គមន៍វិជ្ជា ក្នុងរបបខ្មែរក្រហម។ នៅក្នុងអង្គនីតិបញ្ញតិ្ត បានប្រកាសជាសាធារណៈ ការជួប
ប្រជុំរបស់តំណាងប្រជាជនកម្ពុជា លើកទីមួយនៅថ្ងៃទី១១ ដល់ថ្ងៃទី១៣ ខែមេសា ឆ្នាំ
១៩៧៦ នួន ជា ត្រូវបានជ្រើសរើសជាប្រធានគណៈកម្មាធិការឈរឈ្មោះបោះឆ្នោត។
ក្នុងរបបលិទ្ធិប្រជាធិបតេយ្យកម្ពុជា គេបានស្គាល់គាត់ជាសាធារណៈថាជាបងធំទីពីរ បន្ទាប់
ពីលោក ប៉ុល ពត ដែលជាអ្នកដឹកនាំក្នុងអំឡុងពេលការកាប់សម្លាប់ប្រជាជនកម្ពុជា ឆ្នាំ ១៩៧៥ ដល់ឆ្នាំ១៩៧៩ ។ គាត់ត្រូវបានដាក់ជាបេក្ខជននាយករដ្ឋមន្ត្រីនៅពេលដែល ប៉ុល ពត លាលែងពីតំណែងរយៈពេលមួយខែ ក្នុងករណីសុខភាពមិនល្អ។
ថ្ងៃទី១៩ ខែកញ្ញា ឆ្នាំ២០០៧ នួន ជា ត្រូវបានចាប់ខ្លួននៅក្នុងផ្ទះ នាទីក្រុងប៉ៃលិន ហើយ
បានបញ្ជូនទៅសាលាក្ដីកម្ពុជានៅទីក្រុងភ្នំពេញ ដែលជាកន្លែងដែលគាត់ត្រូវទទួលខុសត្រូវ
អំពីសង្គ្រាមឧក្រិដ្ឋកម្ម និងសង្គ្រាមប្រឆាំងមនុស្សជាតិ។ ចាប់តាំងពីពេលនោះមក គាត់ត្រូវ
បានឃុំឃាំង រង់ចាំឲ្យអង្គការសហប្រជាជាតិកាត់ទោស អំពីបទឧក្រិដ្ឋកម្មប្រឆាំងមនុស្ស
ជាតិ សម្រាប់តួនាទីរបស់គាត់ ក្នុងរបបវាលពិឃាត រួមជាមួយអតីតអ្នកដឹកនាំ នៃរបបខ្មែរ
ក្រហមបីរូបទៀត ដែលនៅរស់ មានដូចជា អៀង សារី ខៀវ សំផន និងអៀង ធីរិទ្ធ ។
លោកនួន ជា បានទទួលមរណភាពនៅមន្ទីរពេទ្យមិត្តភាពខ្មែរ-សូវៀត នៅល្ងាចថ្ងៃទី៤ ខែសីហា ឆ្នាំ២០១៩។
