STAR_KHMER / NOP NEM ណុប ណែម

លោកណុប​ណែម​​ ជា​អតីត​តារា​ភាព​យន្តជើង​ចាស់​​ពោរ​ពេញ​ដោយ​បទ​ពិសោធន៍​ និង​មាន​កេរ្តិ៍​ឈ្មោះ​បោះ​សម្លេ​ង​ក្នុង​ប្រទេស​កម្ពុជា កាល​ពី​អំឡុង​ទសវត្សរ៍​ទី​៦០​ និង​​ដើម​​ទសវត្សរ៍​​ទី​​៧០​។​ 

លោក​កើតក្នុង​ឆ្នាំ​១៩៣៦ ​នៅ​ភូមិ​ស្រែ​ខ្វាវ​ ឃុំ​ជាង​ទង ​ស្រុក​ត្រាំ​កក់​ ខេត្ត​តាកែវ​។ លោក​មាន​បងប្អូនបង្កើត​សរុប​៨នាក់ក្នុង​នោះ​មាន​ប្រុស​៥នាក់​ និង​ ស្រី​៣​នាក់។​ 

ឆ្នាំ១៩៦៥ លោកបានរៀបអាពាហ៍ពិពាហ៍ ជាមួយអ្នកស្រីគីម ណូវ៉ា តារាភាព​យន្តរួម​ជំនាន់​ដែល​មាន​រូប​សម្ផស្ស​ស្រស់​សោភា​  និង​មាន​កេរ្ដិ៍​ឈ្មោះល្បី​ល្បាញ​​ក្នុង​វិស័យ​សិល្បៈ​ភាពយន្ដ​​ដែរ ដោយទទួលបានកូនស្រីម្នាក់ ឈ្មោះណុប ពាលិកា។

បានបង្ហាញខ្លួនលើឆាកសំពត់សដំបូងក្នុងអំឡុងឆ្នាំ ១៩៥៩ តាមរយៈរឿង «សង្សារបងអើយ» របស់ផលិតករ ស៊ុន ប៊ុនលី។ ឃើញនូវសមត្ថភាពសម្តែងយ៉ាងល្អឥតខ្ចោះរបស់លោក ក្នុងឆ្នាំ  ១៩៦០ ផលិតករ ស៊ុន ប៊ុនលី បានសម្រេចឱ្យលោក« ណុប ណែម» សម្តែងជាតួអង្គសំខាន់ៗចំនួនពីររឿងទៀត  ដូចជា « ខ្មែរសាមគ្គីនារីកំសត់» និងរឿង «ការពារព្រហ្មចារីយ៍ស្រីទុរគត» ហើយចាប់តាំងពីពេលនោះ កេរ្តិ៍ឈ្មោះរបស់លោកក៏ចាប់ផ្តើមល្បីល្បាញរហូតមក។

តួ​ឯក​ស្រី​​ដែល​លោក​ធ្លាប់​សម្ដែង​ជាមួយ​មានដូចជា​ អ្នក​ស្រី​​ឌី សាវ៉េត  អ្នក​ស្រី​សាក់​ ស៊ី​ស្បោង​,អ្នក​ស្រី​កែវ​​ មន្ថា​  អ្នក​ស្រី​គីម ណូវ៉ា​  អ្នក​ស្រី​វីរៈ តារា   អ្នក​ស្រី​ទិត្យ​ វិជ្ជរ៉ាដានី។

នៅឆ្នាំ ១៩៦៣ ទទួលបានពានរង្វាន់អប្សរាមាសក្នុងឋានៈជាតួសម្តែង «បុរសឆ្នើមប្រចាំប្រទេសកម្ពុជា» ពីមហោស្រពទីក្រុងកែប។

ទេពកោសល្យដ៏លេចធ្លោរបស់លោក «ណុប ណែម» បានធ្វើឱ្យផលិតករបរទេសជនជាតិបារាំងឈ្មោះ «ម៉ាក ស្សេកាម៉ូស្ស» ចាប់អារម្មណ៍ហើយអញ្ជើញ ជាតួអង្គសំខាន់ម្នាក់ក្នុងរឿង «បក្សីឋានសួគ៌»។​ 

ឆ្នាំ១៩៦៨ លោកបានបើផលិតកម្មភាពយន្តខ្លួនឯង ឈ្មោះផលិតកម្ម ណុប ណែមភាពយន្ត ហើយបានផលិតរឿងទីមួយរបស់ខ្លួន គឺរឿង សំឡេងខ្លែងឯក រឿង ផ្កាយដុះកន្ទុយ នៅឆ្នាំ១៩៦៩  រឿងជីវិត ក្នុងភ្លើងស្រង្គាម ឆ្នាំ១៩៧២ រឿង កន្លង់បាក់ស្លាប ឆ្នាំ១៩៧៣ ។

រឿងសំឡេង ខ្លែងឯក របស់លោកទទួលបានពានរង្វាន់លេខ១ ជាអ្នកដឹកនាំរឿង ភាពយន្តល្អដាច់គេ  និងពានរង្វាន់ ជាតួប្រុសឆ្នើម ប្រចាំកម្ពុជា ផងដែរ ក្នុងមហោស្រពភាពយន្ត ជាតិលើកទី១ ឆ្នាំ១៩៦៩។

នៅឆ្នាំ ១៩៦៩ ព្រះករុណាព្រះបាទនរោត្តមសីហនុបានប្រោសព្រះរាជទានលោកឱ្យក្លាយជាគណប្រតិភូតំណាងជាតិកម្ពុជាក្នុងមហោស្រពភាពយន្តអន្តរជាតិលើកទី៦នាទីក្រុងម៉ូស្គូ សហភាពសូវៀត។

លោកធ្លាប់សម្តែងក្នុងរឿងព្រះមហាក្សត្រនិពន្ធ មានដូចជា រឿង វាសនាអកុសល រឿងឆាយាលើអង្គរ និងរឿង ផ្គរលាន់នៅកោះកុង។

ឆ្នាំ១៩៧០ លោកធ្លាប់ចូលរួម មហោស្រពភាពយន្តអាស៊ីប៉ាស៊ីហ្វិក នៅទីក្រុងហាណូយប្រទេសវៀតណាម។

ខែកញ្ញាឆ្នាំ១៩៧០ កងទព័ខ្មែរក្រហមចាប់ខ្លួន ខណះដែលលោកកំពុង់ថតភាពយន្តនៅម្តុំត្រាំខ្នារ ក្នុងខេត្តតាកែវនិងកំពង់ស្ពឺ។ កាលនោះ លោកពាក់សក្តិ២នៃកងពលធំលេខ១៣ របស់ទ្រង់នរោត្តមចន្ទរង្សុី ទីតាំងនៅខេត្តកំពង់ស្ពឺ។ 

លោក​ណុប​ណែម​មិន​ត្រឹម​តែ​ធ្លាប់​សម្ដែង​ខ្សែ​ភាព​យន្ត​នៅ​ក្នុង​ស្រុក​ប៉ុណ្ណោះ​ទេ តែ​លោក​ថែម​ទាំង​បាន​ចេញ​ទៅ​ថត​ភាព​យន្ត​ជា​លក្ខណៈ​​អន្តរជាតិ​ តាម​បណ្តា​ប្រ​ទេស​អឺរ៉ុប​ទៀត​ផង​។​​ខ្សែ​ភាព​យន្ត​ដែល​លោក​បាន​ចូល​រួម​សម្ដែងមាន​ប្រមាណ​៧២រឿង។

ថ្ងៃ១៧ មេសា ឆ្នាំ១៩៧៥ ខ្មែរក្រហមបានជម្លៀសលោក និងគ្រួសារទៅខេត្តតាកែវ ហើយលោកបានទៅរស់នៅភូមិកំណើតវិញ តែ៣ ខែ ក្រោយមក  ពួកខ្មែរក្រហម បានយកលោក អ្នកស្រីគីម ណូវ៉ា និងកូនស្រី ទៅឃុំឃំាង នៅមន្ទីរ កែប្រែក្រាំងតាច័ន្ទ ខេត្តតាកែវ ហើយមួយខែ ក្រោយមក លោក ភរិយា និងកូនស្រី ត្រូវខ្មែរ ក្រហមយកទៅសម្លាប់ និងកប់ក្នុងរណ្តៅរួមមួយ មានគ្នា១០នាក់ ។

លោកណុប ណែមជាអតីតតារាភាពយន្តជើងចាស់ពោរពេញដោយបទ

ពិសោធន៍និងមានកេរ្តិ៍ឈ្មោះបោះសម្លេងក្នុងប្រទេសកម្ពុជា កាលពីអំឡុង

ទសវត្សរ៍ទី៦០និងដើមទសវត្សរ៍ទី៧០។ លោកកើតក្នុងឆ្នាំ១៩៣៦ នៅភូមិស្រែ

ខ្វាវ ឃុំជាងទង ស្រុកត្រាំកក់ ខេត្តតាកែវ។ លោកមានបងប្អូនបង្កើត

សរុប៨នាក់ក្នុងនោះមានប្រុស៥នាក់ និង ស្រី៣នាក់។ចំណែកឯភរិយារបស់

គាត់គឺអ្នកស្រីគីម ណូវ៉ា ដែលជាតារាភាពយន្តរួមជំនាន់ដែលមានរូបសម្ផស្ស

ស្រស់សោភានិងមានកេរ្ដិ៍ឈ្មោះល្បីល្បាញក្នុងវិស័យសិល្បៈភាពយន្ដដែរ។ ជា

អកុសល លោកបានលាចាកលោកនៅក្នុងជំនាន់ប៉ុលពតគួរជាទីសោក

ស្ដាយ។

លោកណុប ណែម បានចូលប្រឡូកសិល្បៈភាពយន្តតាំងពីឆ្នាំ ១៩៦០ មកម្ល៉េះ

 តាមរយៈខ្សែភាពយន្តដំបូងគឺរឿងការពារព្រហ្មចារីយ៍ស្រីទុគ៌ត របស់

ផលិតកម្មនាគព័ន្ធភាពយន្ត របស់លោកស៊ុន ប៊ុនលី។ ក្រោយមក លោកបាន

បន្តសម្ដែងស្ទើរគ្រប់ផលិតកម្មដូចជា ផលិតកម្មវណ្ណច័ន្ទភាពយន្ដ របស់អ្នក

ស្រីវណ្ណ ច័ន្ទ ,ផលិតកម្មឥន្ទ្រទេវីភាពយន្តរបស់លោក ប៊ីវ ឆៃលាង,ផលិតកម្ម

រាជសីហ៍ភាពយន្ត,ផលិតកម្មសុរិយាភាពយន្ត,ផលិតកម្មរន្ទះពេជ្រភាពយន្ត

 របស់លោកលី ប៊ុនយីម,ផលិតកម្មសុវណ្ណគិរីភាពយន្ត របស់លោកហ៊ុយ

 គឹង,ផលិតកម្មប្រាសាទមាសភាពយន្ត របស់លោក សារ៉ាវុធ,ផលិតកម្ម

កងចក្រភាពយន្ត របស់លោកអ៊ួង កន្ធន់,ផលិតកម្មវិមានរដ្ឋភាពយន្ត របស់

លោកឈួន ឆៃ,ផលិតកម្មបក្សីឋានសួគ៌ភាពយន្ត របស់លោកអ៊ី វ៉ុងហែម

 ជាដើម ។ តួឯកស្រីដែលលោកធ្លាប់សម្ដែងជាមួយមានដូចជាអ្នក

ស្រីឌី_សាវ៉េត,អ្នកស្រីសាក់ ស៊ីស្បោង,អ្នកស្រីកែវ មន្ថា,អ្នកស្រីគីម ណូវ៉ា,អ្នក

ស្រីវីរៈ_តារា,អ្នកស្រីទិត្យ វិជ្ជរ៉ាដានី។ លោកណុប ណែមមិនត្រឹមតែធ្លាប់

សម្ដែងខ្សែភាពយន្តនៅក្នុងស្រុកប៉ុណ្ណោះទេ តែលោកថែមទាំងបានចេញ

ទៅថតភាពយន្តជាលក្ខណៈអន្តរជាតិតាមបណ្តាប្រទេសអឺរ៉ុបទៀតផង។ ខ្សែ

ភាពយន្តដែលលោកបានចូលរួមសម្ដែងមានប្រមាណ៧២រឿង រួមមាន៖

រឿងការពារព្រហ្មចារីយ៍ស្រីទុគ៌ត ១៩៦០

រឿងខ្មែរសាមគ្គីនារីកំសត់ ១៩៦១

រឿងកុំភ្លេចគុណម្ដាយកុំណាយប្រពន្ធស្មោះត្រង់ ១៩៦២

រឿងក្រញាំបិសាច ១៩៦២

រឿងl'oiseau de paradis ១៩៦២

រឿងបុប្ផាទល់ដែន ១៩៦៣

រឿងប្រហារដួងចិត្ត ១៩៦៣

រឿងចំប៉ាបាត់ដំបង ១៩៦៣

រឿងចិត្តម្ដាយ ១៩៦៣

រឿងកញ្ញាកូនភ្លោះ ១៩៦៣

រឿងភរិយាពីរ ១៩៦៣

រឿងភ្លើងជីវិត ១៩៦៣

រឿងវាសនាបុប្ផាក្រុងកែប ១៩៦៣

រឿងជាតិនេះខ្ញុំមានកម្ម ១៩៦៤

រឿងលាហើយដួងតារា ១៩៦៤

រឿងនរណាប្ដីអូន ១៩៦៤

រឿងពូជមួយត្រួយពីរ ១៩៦៤

រឿងប្រាសាទនាងខ្មៅ ១៩៦៤

រឿងព្រះគោព្រះកែវ ១៩៦៤

រឿងសង្សារឧត្តមដួងចិត្ត ១៩៦៤

រឿងស្រ្តីភ្នែកបី ១៩៦៤

រឿងទឹកហូរមិនត្រឡប់ ១៩៦៤

រឿងកម្មឯងព្រេងគេ ១៩៦៥

រឿងរំដួលជើងភ្នំ ១៩៦៥

រឿងសុបិន្តធីតា ១៩៦៥

រឿងនរណាជាឃាតករ ១៩៦៦

រឿងព្រោះតែស្រឡាញ់ ១៩៦៦

រឿងវិលវិញណាបង ១៩៦៦

រឿងបក្សីចាកមេឃ ១៩៦៧

រឿងដារ៉ាវិឆ័យម៉ាឡៃសុរិយា ១៩៦៧

រឿងលោហិតវាសនា ១៩៦៧

រឿងអ្នកតាឃ្លាំងមឿង ១៩៦៧

រឿងពិជ័យវង្សា ១៩៦៧

រឿងពុទ្ធិសែននាងកង្រី ១៩៦៧

រឿងស្អប់ជំពប់លើ ១៩៦៧

រឿងវាសនាអកុសល ១៩៦៧

រឿងអន្ទាក់ជីវិត ១៩៦៨

រឿងអាទិត្យវង្សាស៊ីសុរិយាវង្ស ១៩៦៨

រឿងសម្លេងខ្លែងឯក ១៩៦៨

រឿងបំណុលជីវិត ១៩៦៩

រឿងបិសាចភ្នំស ១៩៦៩

រឿងនាងនាគត្រាច់ចរ ១៩៦៩

រឿងនាងសុវណ្ណតែងអន ១៩៦៩

រឿងផ្កាថ្កុលមាស ១៩៦៩

រឿងផ្កាយដុះកន្ទុយ ១៩៦៩

រឿងព្រះជិនវង្ស ១៩៦៩

រឿងវាលស្រីស្រណោះ ១៩៦៩

រឿងព្រាយក្រឡាភ្លើង ១៩៧០

រឿងឬទ្ធិវង្ស ១៩៧០

រឿងពេជ្រសង្វារវង្ស ១៩៧១

រឿងថ្ងៃជួបថ្ងៃព្រាត់ ១៩៧១

រឿងបុប្ផាអង្គរ ១៩៧២

រឿងលាអូនទៅច្បាំង ១៩៧២

រឿងពេលដែលត្រូវយំ ១៩៧២

រឿងអនអើយស្រីអន ១៩៧២

រឿងផែនដីវិល ១៩៧២

រឿងព្រាត់ព្រោះអ្វី ១៩៧២

រឿងរិទ្ធីស័ក្ខព្រួញមាស ១៩៧២

រឿងចំណារព្រហ្មលិខិត ១៩៧៣

រឿងជីវិតក្នុងភ្លើងសង្រ្គាម ១៩៧៣

រឿងឆ្អែតចិត្ត ១៩៧៣

រឿងចោលសាច់ស្រវាឆ្អឹង ១៩៧៣

រឿងម៉ាក់ថឺង ១៩៧៣

រឿងភក្ដីស្នេហ៍ ១៩៧៣

រឿងប្ញទ្ធិជ័យ ១៩៧៣

រឿងសង្សារបីជាន់ ១៩៧៣

រឿងស៊ូរង់ចាំ ១៩៧៣

រឿងកន្លង់បាក់ស្លាប ១៩៧៤

រឿងផ្លូវបែកជាបី ១៩៧៤

រឿងស្រីស្រស់ទងវង ១៩៧៤

រឿងខ្លឹមច័ន្ទស្រណោះ (មិនទាន់បញ្ចាំង)

រឿងផ្កាយព្រះអង្គារ៍ (មិនទាន់បញ្ចាំង)