តម្រងនោម អាចហៅថា ក្រលៀន ឬវក្កំ មាននាទីច្រោះជាតិពុល និងជាតិទឹកដែលលើសចេញពីក្នុងឈាម ដើម្បីបង្កើតជាទឹកនោមនិងបញ្ចេញចោលក្រៅរាងកាយ។មូលហេតុនៃការខ្សោយតម្រងនោមគឺបណ្ដាលមកពីជំងឺលើសសម្ពាធឈាម និងទឹកនោមផ្អែម។
អាការៈដែលអាចបញ្ជាក់ថាមានបញ្ហាជំងឺតម្រងនោម
– តែងមានអារម្មណ៍នឿយហត់ ព្រោះជាតិពុលដែលមាននៅក្នុងក្រលៀនគ្របដណ្តប់ លើក្រលៀនទាំងស្រុង ជាហេតុធ្វើឱ្យវាមិនអាចដំណើរការបានល្អ នោះអ្នកនឹងឆាប់ ហត់ ចូលចិត្តទទួលទានដំណេក ហើយអស់កម្លាំងទៀតផង។
– មករដូវតិច ហើយឆាប់អស់ ព្រោះការមករដូវនេះក៏ទាក់ទងនឹងក្រលៀនដែរ បើវា មានជាតិពុលច្រើន ជាហេតុមិនអាចបញ្ចេញឈាមកង្វក់ទាំងនេះអស់បាន។
– អាចកើតមានមុននៅក្រោមចង្កាច្រើន ព្រោះចង្កា គឺជាកន្លែងដែលក្រលៀនគ្រប់គ្រង ដូចនេះ បើវាមានជាតិពុល នោះចង្កានឹងកើតមុនច្រើនជាមិនខាន។
– មានអាការៈហើម ព្រោះជាតិពុលស្ថិតនៅក្នុងក្រលៀន ដែលមិនអាចបញ្ចេញមក ក្រៅបាន ពេលផ្ទុកកាន់តែយូរ កាន់តែច្រើន នឹងធ្វើឱ្យហើម។
ជំងឺតម្រងនោម
គន្លឹះបង្ការការខ្សោយតម្រងនោម
១. គ្រប់គ្រងជាតិស្ករក្នុងឈាម
ជំងឺទឹកនោមផ្អែមធ្វើឲ្យប្រឈមខ្លាំងនឹងជំងឺបេះដូង និងខ្សោយតម្រងនោម។ ហេតុដូច្នេះ
ហើយត្រូវតែគ្រប់គ្រងជាតិស្ករឲ្យបានល្អជានិច្ចនៅពេលមានជំងឺទឹកនោមផ្អែម។
២. គ្រប់គ្រងសម្ពាធឈាម
ការលើសសម្ពាធឈាមអាចប្រឈមកាន់តែខ្លាំងនឹងជំងឺបេះដូង ព្រមទាំងការខ្សោយ
តម្រងនោម។
៣. រក្សាទម្ងន់ឲ្យមានសុខភាពល្អ
ការធាត់ជ្រុលអាចធ្វើឲ្យប្រឈមកាន់តែខ្ពស់នឹងជំងឺជាច្រើន ដែលទាក់ទងនឹងការខ្សោយ
តម្រងនោមដូចជា ជំងឺទឹកនោមផ្អែមនិងលើសសម្ពាធឈាមតែម្តង។
៤. ទទួលទានអាហារដែលផ្តល់សុខភាពដល់បេះដូង
របបអាហារដែលផ្តល់សុខភាពដល់បេះដូង គឺមានជាតិស្ករ និងខ្លាញ់ទាប តែសម្បូរជាតិ
សរសៃ ដូចជា គ្រាប់ធញ្ញជាតិ បន្លែ និងផ្លែឈើ។
៥. បន្ថយការទទួលទានប្រៃ
ការទទួលទានប្រៃពេកជាប់ទាក់ទងនឹងការលើសសម្ពាធឈាម។
៦. ទទួលទានទឹកឲ្យបានគ្រប់គ្រាន់
ការខ្សោះជាតិទឹក នឹងបន្ថយលំហូរឈាមទៅតម្រងនោម ដែលជាហេតុនាំឲ្យមានការ
ខូចខាតតម្រងនោម ។
៧. កាត់បន្ថយគ្រឿងស្រវឹង
គ្រឿងស្រវឹងនឹងបង្កើនសម្ពាធឈាមបាន ។ កាឡូរីដែលលើសដោយសារគ្រឿងស្រវឹង
អាចធ្វើឲ្យឡើងទម្ងន់ទៀតផង។
៨. កុំជក់បារី
ការជក់បារី នឹងបន្ថយលំហូរឈាមទៅតម្រងនោម ដែលអាចបំផ្លាញមុខងារតម្រងនោម
បាន។
៩. កាត់បន្ថយការទទួលទានថ្នាំបំបាត់ការឈឺចាប់ដែលគ្មានវេជ្ជបញ្ជាត្រឹមត្រូវ
ការប្រើថ្នាំប្រភេទ Nonsteroidal Anti-inflammatory Drugs (NSAIDs) ដូចជា
Ibuprofen និង Naproxen កម្រិតខ្ពស់ អាចបន្ថយលំហូរឈាមទៅតម្រងនោម ដែល
ជាលក្ខណៈគ្រោះថ្នាក់ដល់តម្រងនោមបាន។
១០. បន្ថយស្រ្តេស
ការបន្ថយស្រ្តេស និងការថប់អារម្មណ៍អាចបញ្ចុះសម្ពាធឈាម និងផ្តល់ផលល្អដល់
តម្រងនោមបាន។
១១. ហាត់ប្រាណទៀងទាត់
ការហាត់ប្រាណ ដូចជា ការហែលទឹក ដើរ និងរត់ អាចបន្ថយភាពស្រ្តេស គ្រប់គ្រង
ជំងឺទឹកនោមផ្អែម និងលើសសម្ពាធឈាម ព្រមទាំងរក្សាទម្ងន់ឲ្យមានសុខភាពល្អ។
គន្លឹះធ្វើឲ្យតម្រងនោមមានសុខភាពល្អឡើងវិញ
– គួរតែពិសារទឹកឲ្យបានច្រើន ព្រោះទឹកអាចជួយរក្សាតម្រងនោមឲ្យដំណើរការល្អ។
ដូចនេះ តម្រងនោមនឹងឆាប់រឹងមាំវិញជាមិនខាន។
– គួរតែហាត់ប្រាណ ដោយអាចទៅសួរច្បារ រួចបន្ធូរអារម្មណ៍ ដោយដកដង្ហើមចេញចូល
ស្រូបយកខ្យល់អាកាសបរិសុទ្ធ នោះវានឹងផ្តល់ប្រយោជន៍ដល់តម្រងនោមជាខ្លាំង។
– អាចហាត់ប្រាណឲ្យទៀងទាត់ ព្រោះការហាត់ប្រាណអាចជួយការពារតម្រងនោមឲ្យ
មានសុខភាពល្អ។
– គួរតែគេងឲ្យគ្រប់ម៉ោង ដោយគួរតែចូលគេងពីព្រលប់ ទើបអាចការពារតម្រងនោមឲ្យ
វិលត្រឡប់មកសុខភាពល្អវិញ។ គេងមិនគ្រប់ ហើយតែងតែចូលគេងយប់ជ្រៅ នោះវា
នឹងប៉ះពាល់ដល់តម្រងនោមជាខ្លាំង។
– អាចត្រដុសដៃទាំងសងខាងឲ្យក្តៅ រួចយកមកដាក់លើចង្កេះផ្នែកខាងក្រោយ ត្រដុះ
ចុះឡើយ ដោយមួយថ្ងៃធ្វើចំនួនពីរដង គឺធ្វើនៅពេលព្រឹក និងពេលល្ងាច នោះតម្រង
នោមនឹងមានសុខភាពល្អខ្លាំង។
– គួរតែកាត់បន្ថយការរួមភេទ ព្រោះនៅពេលរួមភេទច្រើនពេក ក៏អាចធ្វើឲ្យតម្រងនោម
ងាយទ្រុឌទ្រោមបាន។
– គួរតែកាត់បន្ថយពិសាថ្នាំ មិនថាថ្នាំចិន ឬបារាំងទេ ព្រោះថ្នាំទាំងនោះសុទ្ធតែងាយប៉ះ
ពាល់ដល់តម្រងនោមដោយមិនដឹងខ្លួន។
