ជាតារាចម្រៀង តារាសម្តែង និងសាស្ត្រាចារ្យអក្សរសាស្ត្រខ្មែរ កើតនៅថ្ងៃទី១ ខែមករា ឆ្នាំ១៩៨០។ តារារូបនេះចាប់ផ្តើមប្រឡូកសិល្បៈតាំងពីអាយុ ៣ឆ្នាំ អាចច្រៀងទាំងបទសម័យ បុរាណ និងប្រពៃណីបែបភ្លេងការ។ នៅថ្ងៃទី ២០ ខែ តុលា ឆ្នាំ២០១៣ ខណៈពេលដែលនាង និងម្តាយដើរចេញពីហាងមួយខាងត្បូងផ្សារដើមគ ក្នុងរាជធានីភ្នំពេញ ក៏ត្រូវទទួលរងការបាញ់ប្រហារ បណ្ដាលឲ្យម្តាយរបស់តារាចម្រៀងរូបនេះរងរបួសធ្ងន់ និងបានស្លាប់នៅមន្ទីរពេទ្យកាល់ម៉ែត ចំណែករូបអ្នកនាងរងរបួសធ្ងន់ត្រូវបានសង្គ្រោះភ្លាមៗផងដែរ។ សព្វថ្ងៃ កញ្ញាទូច ស៊ុននិច ស្ថិតក្នុងពិការភាព មិនអាចកម្រើកដៃជើងបាន គឺអង្គុយតែលើរទេះរុញ កំពុងរស់នៅរដ្ឋកាលីហ្វ័រនីញ៉ា សហរដ្ឋអាមេរិក ជាមួយក្រុមគ្រួសារ។
