ស្នាមជ្រួញតែងតែកើតមាននៅគ្រប់កន្លែងលើមុខ ប៉ុន្តែកន្លែងដែលកើតឡើងច្រើនជាងគេ គឺនៅចុងភ្នែក ថ្ងាស និងគែមមាត់ ។ ខាងក្រោមនេះ គឺជាវិធីការពារ ទប់ស្កាត់មិនឲ្យវាកើតមានយ៉ាងលឿនពេក ៖
– មិនត្រូវមើលរឿងភាគ មើលសៀវភៅ និងលេងFacebookច្រើននៅពេលយប់នោះទេ ព្រោះ វាអាចធ្វើឲ្យភ្នែកអ្នកនឿយហត់ ជាហេតុដែលងាយធ្វើឲ្យភ្នែកមានស្នាមជ្រួញ មានរង្វង់ភ្នែក ខ្មៅ និងមានស្នាមដក់ក្រោយភ្នែកខ្លាំង។ ដូចនេះ ត្រូវតែម៉ាស្សាភ្នែកឲ្យបានច្រើន នៅពេល ដែលមានអារម្មណ៍ថាហត់។
– ត្រូវតែលាបឡេការពារកម្តៅថ្ងៃនៅត្រង់កន្លែងមាត់ឲ្យបានសព្វ ព្រោះបើវាត្រូវកម្តៅថ្ងៃច្រើន វា នឹងងាយមានស្នាមជ្រួញខ្លាំងណាស់។
– ត្រូវតែលាបផលិតផលការពារស្បែកនៅលើថ្ងាសជារៀងរាល់យប់ ព្រោះវាជាកន្លែងដែល ងាយមានផ្នត់ដូចគ្នា។
– ចំណុចដែលសំខាន់ជាងគេ ក្នុងការថែរក្សាស្នាមជ្រួញ គឺត្រូវតែលាបឡេការពារកម្តៅថ្ងៃ នៅមុនពេលចេញក្រៅត្រូវពន្លឺថ្ងៃដ៏ខ្លាំង។
– មិនត្រូវគេងចំហៀងច្រើននោះទេ ត្រូវតែគេងឲ្យត្រង់ ព្រោះការគេងចំហៀងក៏អាចធ្វើឲ្យមាន ស្នាមជ្រួញដែរ ជាងនេះទៅទៀត ត្រូវតែរើសខ្នើយដែលទន់មកគេង នោះវាក៏អាចការពារមិន ឲ្យមានស្នាមជ្រួញដូចគ្នា។
– ត្រូវតែគេងឲ្យគ្រប់ មានន័យថាគេងឲ្យបាន៧ទៅ៩ម៉ោងក្នុងមួយថ្ងៃ ព្រោះបើគេងមិនគ្រប់ នោះយូរទៅមុខអ្នកនឹងមានស្នាមជ្រួញដោយមិនដឹងខ្លួន។
