ដើម្បីរួចផុតពីបញ្ហាឈឺខ្នង គួរចៀសវាង ៖ ១. គេងលើពូកចាស់ ពូកល្អមួយអាចរក្សាគុណភាពត្រឹមពី ៨ ទៅ ១០ ឆ្នាំប៉ុណ្ណោះ។ ប្រសិនបើមិនបានផ្លាស់ប្ដូរពូកថ្មីសោះក្នុងអំឡុងពេលច្រើនជាង ១០ ឆ្នាំ នោះឆ្នឹងកងខ្នង ប្រាកដជាមិនអាចទទួលបានការទប់ទ្រស្របតាមតម្រូវការឡើយ។ ជាលទ្ធផលអាការឈឺ ខ្នងនឹងលេចឡើង។ ដើម្បីជាការប្រសើរ ចូរផ្លាស់ប្ដូរពូកចាស់ចេញដោយជំនួសមកវិញនូវ ពូកថ្មីដែលមិនរឹងពេក ឬទន់ពេក។ ២. ស្ពាយកាតាបធ្ងន់ៗពេក ទម្លាប់ស្ពាយកាតាបធ្ងន់ៗពេក គឺមិនល្អសោះចំពោះសុខភាព ឆ្អឹងខ្នង។ សូម្បីតែសន្លាក់ត្រង់-ក និងស្មាក៏នឹងទទួលរងផលប៉ះពាល់ដែរ។ ៣. ការអង្គុយពេញមួយថ្ងៃ ការចំណាយពេលអង្គុយច្រើនក្នុងមួយថ្ងៃៗអាចប្រឈមនឹង ហានិភ័យនៃបញ្ហាសុខភាព គ្រោះថ្នាក់ដល់អាយុជីវិតបាន។ អង្គុយផ្ដល់សម្ពាធដល់ឆ្អឹង ខ្នងច្រើនជាងឈរ។ ម្យ៉ាងវិញទៀត ទម្លាប់នេះក៏អាចបណ្ដាលឱ្យសាច់ដុំខ្នងចុះខ្សោយ ដោយសារភាពអសកម្មផងដែរ។ ការអង្គុយយូរៗពេកក្នុងមួយថ្ងៃ អាចធ្វើឲ្យអ្នកប្រឈម នឹងហានិភ័យនៃបញ្ហាសុខភាពជាច្រើន រួមបញ្ចូលទាំងអាការៈឈឺខ្នង ជំងឺធាត់ជ្រុល ឈឺសន្លាក់ ពុកឆ្អឹង លើសឈាម ជំងឺធ្លាក់ទឹកចិត្ត និងជំងឺបេះដូង។ ៤. ស្ត្រេសពេក សាច់ដុំត្រង់ក និងខ្នងក៏រងភាពតានតឹងផងដែរនៅពេលស្ត្រេស។ ជា លទ្ធផលហានិភ័យនៃអាការឈឺចាប់រោយក និងឆ្អឹងខ្នងក៏កើនឡើងខ្ពស់។ ៥. មិនធ្វើលំហាត់ប្រាណសោះ ការហាត់ប្រាណជួយបង្កើនការលូតលាស់ នៃសាច់ដុំដែល ចាំបាច់សម្រាប់ទ្រទ្រង់ខ្នង។ ពេលមិនបានហាត់ប្រាណគ្រប់គ្រាន់ នោះអាការឈឺខ្នងនឹង លេចឡើង។ ការមិនហាត់ប្រាណសោះ ក៏ជះឥទ្ធិពលដល់សុខភាពសន្លាក់គួរឱ្យកត់ សម្គាល់ ដោយលំហូរឈាមទៅកាន់សន្លាក់ត្រូវបានកាត់បន្ថយ ។ ខណៈនេះ សន្លាក់នឹង ត្រូវខ្វះការផ្គត់ផ្គង់នូវអុកស៊ីហ្ស៊ែន ព្រមទាំងសារធាតុចិញ្ចឹមគ្រប់គ្រាន់ដើម្បីរក្សាភាពរឹងមាំ សុខភាពល្អ។ ការហាត់ប្រាណទៀងទាត់ ឬរាងកាយមានភាពសកម្មពិតជាអាចជួយទប់ ស្កាត់បញ្ហាសន្លាក់បានយ៉ាងប្រសើរ។
