គ្រាប់រីករាយអាចផ្ដល់អត្ថប្រយោជន៍សំខាន់ៗ ចំពោះសុខភាព ៖
១. ជួយគ្រប់គ្រងកម្រិតជាតិស្ករក្នុងឈាម
ជាអាហារសម្រន់ដ៏ល្អបំផុតមួយសម្រាប់អ្នកជំងឺទឹកនោមផ្អែម ក៏ព្រោះគ្រាប់ធញ្ញជាតិនេះ ផ្ទុកសម្បូរទៅដោយប្រូតេអ៊ីន ព្រមទាំងជាតិខ្លាញ់ polyunsaturated និង monoun- saturated ដែលជួយបញ្ចុះកម្រិតកូឡេស្តេរ៉ូលមិនល្អ ហើយកាត់បន្ថយហានិភ័យនៃ បញ្ហាសុខភាពផ្សេងៗ ដែលអាចកើតឡើងដោយសារជំងឺទឹកនោមផ្អែម។ ម្យ៉ាងវិញទៀត គ្រាប់ផ្ការីករាយសម្បូរទៅដោយអាស៊ីតខ្លាញ់អូមេហ្គា ៣ និងជាតិសសៃ ដែលជួយគ្រប់ គ្រងកម្រិតនៃជាតិស្ករក្នុងឈាម។
២. ជាប្រភពដ៏ប្រសើរនៃសារធាតុចិញ្ចឹមសំខាន់ៗ
គ្រាប់រីករាយជាប្រភពដ៏ល្អបំផុតមួយនៃជាតិសរសៃ ប្រូតេអ៊ីន កាបូអ៊ីដ្រាត ខ្លាញ់ល្អ ប៉ូតា ស្យូម ផូស្វ័រ វីតាមីន A វីតាមីន B6 ទង់ដែង និងម៉ង់កាណែស។ គ្រាប់ធញ្ញជាតិនេះថែម ទាំងមានផ្ទុកកាឡូរីទាបទៀតផង។
៣. ជួយបញ្ចុះកម្រិតកូឡេស្តេរ៉ូលមិនល្អ
គ្រាប់រីករាយសម្បូរទៅដោយសារធាតុប្រឆាំងអុកស៊ីតកម្ម ដែលជួយការពារកោសិកាពីរ៉ាឌី កាល់សេរី និងបន្ថយកម្រិតនៃកូឡេស្តេរ៉ូលមិនល្អ។
៤. ជួយពង្រឹងសុខភាពភ្នែក
គ្រាប់រីករាយក៏ជាប្រភពដ៏ប្រសើរនៃសារធាតុ lutein និង zeaxanthin ដែលល្អសម្រាប់ ពង្រឹងសុខភាពភ្នែក។
៥. ល្អសម្រាប់ប្រព័ន្ធរំលាយអាហារ
គ្រាប់រីករាយសម្បូរទៅដោយជាតិសរសៃ ដែលល្អសម្រាប់ប្រព័ន្ធរំលាយអាហារ។
៦. ជួយឱ្យឆាប់គេងលក់
គ្រាប់រីករាយក៏មានផ្ទុកមេឡាតូនីន ដែលនឹងជួយឱ្យអ្នកឆាប់គេងលក់។ ការទទួលទាន គ្រាប់ធញ្ញជាតិនេះ មុនពេលចូលគេង អាចជួយដោះស្រាយបញ្ហាពិបាកគេងលក់។
សម្គាល់._ ចូរជ្រើសរើសគ្រាប់រីករាយគ្មានជាតិប្រៃ ឬអំបិល ហើយក៏មិនគួរទទួលទាន លើសពី ១ ក្ដាប់ដៃពេញក្នុងមួយថ្ងៃដែរ។
