បច្ចេកទេសនៃការចិញ្ចឹមក្ដាមថ្ម ៖
១. ការជ្រើសរើសទីតាំងសម្រាប់ចិញ្ចឹម
– អាចចិញ្ចឹមក្ដាមថ្ម នៅក្នុងស្រះ ឬបែនៅតំបន់ជិតសមុទ្រ
– ស្រះ ឬបែទឹកនៅតំបន់ព្រៃកោងកាង។
២.ការរៀបចំទ្រុងសម្រាប់ចិញ្ចឹម
– ការចិញ្ចឹមក្ដាមអាចត្រូវបានចិញ្ចឹមក្នុងទ្រុងប្រភេទទ្រុងជ័រក្រឡាដែលមានទំហំ ១ ម៉ែត្រ គុណ ១ ម៉ែត្រ ហើយដែលអាចចែកជា ៩ ផ្នែកស្មើគ្នា។
– ទ្រុងនីមួយៗ ត្រូវតែមានគម្របមួយ ដើម្បីការពារកុំឲ្យក្ដាមវាចេញ ។
– គន្លាតពីទ្រុងមួយទៅទ្រុងមួយប្រវែងប្រមាណ ១ ម៉ែត្រ។
– ក្នុងទ្រុងមួយអាចដាក់ក្ដាមបានចំនួន ១៨ ក្ដាម។
– ក្ដាមសំប៉ែតអាចស្តុកទុកក្នុងកម្រិតដង់ស៊ីតេខ្ពស់ (១៥ ក្តាម / ម៉ែត្រការ៉េ)។
៣.ការផ្ដល់ចំណី
– ចំណីរបស់ក្ដាមអាចជា ត្រី ខ្ចៅ ខ្យងសំបកទន់ និងអាហារសំណល់ផ្ទះបាយ សាច់សត្វ ជាដើម។
– ត្រូវដាក់ចំណីឲ្យក្ដាម ២ ដងក្នុងមួយថ្ងៃ គឺនៅពេលព្រឹក និងពេលល្ងាច។
– សម្រាប់ក្ដាមដែលមានអាយុពី ១០ ទៅ ១៥ ថ្ងៃ ត្រូវដាក់ចំណី ៥ ភាគរយនៃទម្ងង់ក្ដាម សរុបក្នុងទ្រុង។
៤.ការថែទាំ ត្រូវត្រួតពិនិត្យតាមកាលកំណត់ ជារឿយៗគួរ ៖
– ត្រូវសម្អាតកម្ទេចកម្ទីផ្សេងៗ ដើម្បីសម្រួលដល់ចរន្តទឹក ងាយស្រួលនឹងការពារការ បំផ្លាញទ្រុង។
– ត្រូវយកទ្រុងក្តាមទៅហាលឲ្យស្ងួត បន្ទាប់ពីប្រើរួច ដើម្បីទុកចិញ្ចឹមសាជាថ្មី
៥.ការប្រមូលផល ត្រូវធ្វើឡើងបន្ទាប់ពីរយៈពេល ៣-៨ ខែ ឬនៅពេលដែលក្តាមឡើង ដល់ទំហំ ៤០០ ក្រាមទៅ ៥០០ ក្រាម។
