តំបន់រ៉ាមសានៃដងទន្លេមេគង្គខេត្តស្ទឹងត្រែងគឺជាកន្លែងដែលមានទេសភាពស្រស់ស្អាតមួយក្នុងខេត្តស្ទឹងត្រែង ដែលមាន ផ្ទះអ្នកភូមិ ដំណាំ ទូកនេសាទជាច្រើនតាមដងទន្លេ កោះតូចៗ ព្រៃលិចទឹកទាក់ទាញដ៏ស្រស់ស្អាត។ តំបន់នេះស្ថិតនៅភាគខាងជើងក្រុង ដោយធ្វើដំណើរឆ្លងស្ពានសេកុងតាមផ្លូវជាតិលេខ៧សំដៅព្រំដែនកម្ពុជាឡាវ មិនដល់២០នាទីនឹងឃើញសញ្ញាផ្លូវចូលរមណីយដ្ឋាននៅខាងឆ្វេងដៃជាច្រើនកន្លែង។
អ្នកភូមិបានបង្កើតរមណីយដ្ឋានមួយនៅលើកោះ ឈ្មោះកោះហាន ក្នុងឃុំកោះស្នែង ស្រុកបុរីអូរស្វាយសែនជ័យ ដែលជាស្រុកបង្កើតថ្មីជាប់ព្រំដែនកម្ពុជាឡាវ។ ពេលថ្ងៃ មានទូកកៃយ៉ាកសម្រាប់ជិះមើលព្រៃលិចទឹក មើលហ្វូងសត្វស្លាប ឡើងភ្នំទស្សនារូបសំណាក់ថ្មពាក់ព័ន្ធរឿងព្រេង។ ពេលយប់ មានតង់លើវាលខ្សាច់ មានភ្នក់ភ្លើង អាចដុតត្រី ស្តាប់សំឡេងសត្វយំ។
