ការទទួលទានដំណេកបានគ្រប់គ្រាន់ នឹងធ្វើឲ្យម្តាយមានសុខភាពល្អ និងធ្វើឲ្យកូនក្នុងពោះមានសុខភាព និងលូតលាស់បានល្អផងដែរ ៖
ក្នុងដំណាក់កាលដំបូងនៃគភ៌ គួរទទួលទានដំណេកឲ្យបានចាប់ពី៨ ដល់៩ម៉ោងក្នុងមួយយប់។ ប៉ុន្តែក្នុងដំណាក់កាលនេះ ជាពេលដែលចាញ់កូនខ្លាំង ហើយទទួលទានអាហារមិនសូវចូល ទទួលទានដំណេកមិនសូវលក់។ ដូចនេះ ក្នុងដំណាក់កាលនេះ ទទួលទានដំណេកលើសពី៩ម៉ោងបាន ។
ក្នុងដំណាក់កាលកណ្តាលនៃគភ៌ ស្មារតីអ្នកម្តាយប្រែជាល្អ ប្រែជាទទួលទានអាហារបានច្រើនជាងមុន។ ដូចនេះ អ្នកម្តាយអាចទទួលទានដំណេកពី៦ដល់៧ម៉ោង ក្នុងមួយយប់។
ដល់ដំណាក់កាលចុងក្រោយនៃគភ៌ ជាពេលដែលទទួលទានដំណេកមិនសូវបាន ហើយអាចនឹងចាប់ផ្តើមបត់ជើងតូចច្រើន រមួលក្រពើ ព្រមទាំងមានអាការជាច្រើនទៀត ដែលរំខានដល់ការទទួលទានដំណេក។ ទោះបីជាយ៉ាងណា ក៏ត្រូវតែចូលទទួលទានដំណេកមុនម៉ោង១០ ហើយទទួលទានដំណេកឲ្យបានយ៉ាងតិច៥ម៉ោងក្នុងមួយយប់ ទើបមិនប៉ះពាល់ដល់កូនក្នុងផ្ទៃ។
