សភាចិន បានអនុម័តច្បាប់សន្តិសុខ សម្រាប់ទីក្រុងហុងកុង នៅថ្ងៃអង្គារទី៣០ ខែមិថុនា ឆ្នាំ២០២០នេះ បើទោះបីជាមានការព្រមានពីអន្តរជាតិយ៉ាងណាក៏ដោយ។
ក្រុងប៉េកាំងបានស្នើច្បាប់សន្តិសុខកាលពីខែមុន ដើម្បឆ្លើយតបទៅនឹងការធ្វើបាតុកម្មទ្រង់ទ្រាយធំច្រើនលើកច្រើនសានៅក្នុងទីក្រុងហុងកុង។ ច្បាប់ថ្មីនឹងចាត់ការលើសកម្មភាពធ្វើឲ្យវឹកវរ ភេរវកម្ម ការផ្តាច់ខ្លួន និងការឃុបឃិតជាមួយបរទេស។
ច្បាប់ថ្មីសម្រាប់គ្រប់គ្រងហុងកុងនឹងចូលជាធរមានក្នុងពេលឆាប់ៗនេះ។
កាលពីថ្ងៃអាទិត្យកន្លងទៅ ប្រជាជនហុងកុងរាប់រយនាក់បានធ្វើការដើរជាក្បួនយ៉ាងស្ងៀមស្ងាត់តាមដងផ្លូវ ដើម្បីធ្វើការតវ៉ាប្រឆាំងទៅនឹងច្បាប់សន្តិសុខក្នុងរយៈពេលតែមួយថ្ងៃប៉ុណ្ណោះ។
អង់គ្លេសបានប្រគល់ទីក្រុងហុងកុងទៅឲ្យចិនវិញកាលពីថ្ងៃទី ១ ខែកក្កដា ឆ្នាំ ១៩៩៧ក្រោមកិច្ចព្រមព្រៀង ដែលផ្តល់ឲ្យហុងកុងមានប្រព័ន្ធដឹកនាំមួយសម្រាប់ខ្លួនឯង និងមានស្វ័យភាពកម្រិតខ្ពស់។
