ផ្ទះបុរាណសសរ១០០ ស្ថិតក្នុងភូមិកោះកណ្តុរ ឃុំឆ្លូង ស្រុកឆ្លូង ខេត្តក្រចេះ ប្រក់ក្បឿងស្រការលេញ មានអាយុកាលជាង១០០ឆ្នាំ ជាផ្ទះរោងឌឿងរបស់ថៅកែឈើដ៏ធំកាលជំនាន់នោះ។
ថ្ងៃទី២៤ខែមិថុនាឆ្នាំ២០២០ ក្រសួងវប្បធម៌ និងវិចិត្រសិល្បៈបានសុំទិញផ្ទះនេះ ក្នុងតម្លៃ៨ពាន់ដុល្លា ហើយរុះរើ និងសាងសង់ឡើងវិញ នៅវត្តរកាកណ្តាល ស្ថិតក្នុងក្រុងក្រចេះ ព្រោះផ្ទះនេះទ្រុឌទ្រោមម្ចាស់សព្វថ្ងៃ ត្រូវរុះរើដើម្បីយកដីសង់ផ្ទះថ្មី ចែកដល់កូនចៅ។
