សាលាឧទ្ធរណ៍បានចេញដីកាសម្រេចដោះលែង លោក ថោង សារ៉ាត់ និងបក្ខពួកចំនួន៣នាក់ទៀត ឱ្យនៅក្រៅឃុំជាបណ្តោះអាសន្ន លើកលែងតែឈ្មោះ សៀង វាសនា ដែលជាជនដៃដល់ដែលត្រូវបន្តស្ថិតនៅក្នុងឃុំ ក្រោយជាប់ពន្ធនាគារជិត៥ឆ្នាំ ពាក់ព័ន្ធករណីបាញ់សម្លាប់ឧកញ៉ា អ៊ឹង ម៉េងជឺ ថៅកែស៊ីម៉ង់ត៍សញ្ញាត្បូងពេជ្រ នៅមុខហាងលក់ផ្លែឈើ ឡោ តិចសេង ស្ថិតនៅផ្លូវលេខ២៧៤ សង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ កាលពីវេលាម៉ោង៧យប់ ថ្ងៃទី២២ ខែវិច្ឆិកា ឆ្នាំ២០១៤ ខណៈពេលលោកឧកញ៉ាចុះពីរថយន្តស៊េរីទំនើប ម៉ាកឡិចស៊ីស ៥៧០ ពណ៌ខ្មៅ ដើម្បីទៅទិញផ្លែឈើ។
ពាក់ព័ន្ធករណីបាញ់សម្លាប់នេះ សាលាដំបូងរាជធានីភ្នំពេញ កាលពីរសៀលថ្ងៃទី២៦ ខែមីនា ឆ្នាំ២០១៩ កន្លងទៅ បានប្រកាសសាលក្រមផ្តន្ទាទោសលោក ថោង សារ៉ាត់ និងអង្គរក្ស៤នាក់ដាក់ពន្ធនាគារអស់មួយជីវិត។
ពាក់ព័ន្ធករណីបាញ់សម្លាប់នេះ សាលាដំបូងរាជធានីភ្នំពេញ កាលពីរសៀលថ្ងៃទី២៦ ខែមីនា ឆ្នាំ២០១៩ កន្លងទៅ បានប្រកាសសាលក្រមផ្តន្ទាទោសលោក ថោង សារ៉ាត់ និងអង្គរក្ស៤នាក់ដាក់ពន្ធនាគារអស់មួយជីវិត។
