តុលាការ (លោក ហម ម៉េងសែ ប្រធានក្រុមប្រឹក្សារជំនុំជម្រះ និងជាអនុប្រធានសាលាដំបូងរាជធានីភ្នំពេញ ) បានប្រកាសសាលក្រមផ្តន្ទាទោសជនជាប់ចោទ៤នាក់ ទី១-ឈ្មោះ ឡាយ វណ្ណ:
(ដាក់ពន្ធនាគារ១៣ឆ្នាំ) ២-ឈ្មោះឡាយ ណារិទ្ធ
(ដាក់ពន្ធនាគារ១០ឆ្នាំ) ៣-ឈ្មោះម៉េន សាម៉ៃ
(ដាក់ពន្ធនាគារ២ឆ្នាំ) និង៤-ឈ្មោះ ជឹម វុធ ហៅថូត
(ដាក់ពន្ធនាគារ២ឆ្នាំ) នាព្រឹកថ្ងៃទី២ កញ្ញានេះ ពាក់ព័ន្ធសំណុំរឿងឃាតកម្ម
លើអ្នកស្រីមេម៉ាយកូន៣ នាង ចេវ សុវឌ្ឍនា ។
ជនរងគ្រោះឈ្មោះ ចេវ សុវឌ្ឍនា
ត្រូវគេប្រទះឃើញចងកស្លាប់ក្នុងបន្ទប់គេងរបស់នាង
នៅ ក្នុងផ្ទះជួលដ៏ធំមួយដែលលោក ឡាយ វណ្ណៈ
ជាអ្នកជួលឲ្យនៅក្នុងភូមិផ្សារតាកោរ សង្កាត់ រការក្នុង ក្រុងដូនកែវ
ខេត្តតាកែវ កាលពីល្ងាចថ្ងៃទី២៦ ខែមករា ឆ្នាំ២០១៨។ ភ្លាមៗ ករណីឃាតកម្មនេះ
ត្រូវសមត្ថកិច្ចសន្និដ្ឋានថា ជារឿងអត្តឃាត ព្រោះតែវិបត្តិស្នេហា
ប៉ុន្ដែក្រោយពីបើកការស្រាវជ្រាវ សមត្ថកិច្ចជំនាញរបស់នាយកដ្ឋានព្រហ្មទណ្ឌក្រសួងមហាផ្ទៃ បានរកឃើញថា ករណីខាងលើ
មិនមែនជារឿងអត្តឃាតឡើយ គឺជារឿងឃាតកម្ម ដោយមានអ្នកបញ្ជា
និងរៀបចំទុក។
ក្រោយពីបើកការស៊ើបអង្កេតសមត្ដកិច្ចជំនាញបាន ឃាត់ខ្លួនក្រុមជនជាប់ចោទទាំង៤នាក់ខាងលើបញ្ជូនទៅតុលាការចាត់ការតាមច្បាប់។
