លោក រ៉ូឌ្រីកូ ឌូតឺតេ គឺជាប្រធានាធិបតីទី១៦
របស់ប្រទេសហ្វីលីពីន ដែលកំពុងកាន់អំណាចសព្វថ្ងៃ
ហើយមានឈ្មោះល្បីរន្ទឺទូទាំងពិភពលោក
ព្រោះសម្ដីត្រង់ៗ និងកាយវិការគ្មានញញើតរបស់លោក ទោះបីជួបមេដឹកនាំធំប៉ុណ្ណា
ឬមានកម្មវិធីអ្វីក៏ដោយ
គឺលោកធ្វើខ្លួនសាមញ្ញជានិច្ច។ ជាក់ស្ដែង
មានរូបភាពមួយសន្លឹក ដែលល្បីល្បាញ និងបង្ហោះតគ្នាជាច្រើនដង
ដែលរូបនោះបង្ហាញពីលោក
ឌូតឺតេ យកជើងដាក់លើតុ មុខកាមេរ៉ាអ្នកកាសែតជាច្រើនរូប។ ទោះបែបនេះក្ដី
ក្រោយលោកនិយាយមួយឃ្លា
ទើបគ្រប់គ្នាប្ដូរចិត្តទៅជាគោរពវិញ។
តាមពិតរូបភាពមួយសន្លឹកនេះ បានថតតាំងពីពេលលោកនៅកាន់តំណែងជាអភិបាលក្រុងដាវ៉ៅ ក្នុងឱកាសសន្និសីទកាសែតមួយ ដែលមានកាមេរ៉ាជាច្រើនកំពុងចាប់យករូបភាព និងសួរសំនួរ ទាក់ទងនឹងអំពើពុករលួយ
ស្រាប់តែលោក រ៉ូឌ្រីកូ ឌូតឺតេ
លើកជើងឡើងដាក់លើតុ ព្រមទាំងនិយាយថា «ស្បែកជើងខ្ញុំពាក់នេះថោកទេ ហើយខ្ញុំមិនពាក់ទាំងស្រោមជើងទៀត»។ ប្រធានា ធិបតីហ្វីលីពីន បង្ហាញបែបនេះ
ព្រោះចង់បញ្ជាក់ថា ការរស់នៅបែបសាមញ្ញរបស់មន្ត្រី ជាវិធីបំបាត់អំពើពុករលួយក្នុងរង្វង់រដ្ឋាភិបាល។
លោក ឌូតឺតេ បានអះអាងថា លោកមិនដែលពាក់ព័ន្ធអំពើពុករលួយណាមួយទេ ចាប់តាំងពីបម្រើការងាររាជការជាង២០ឆ្នាំ
តាំងពីធ្វើជា ព្រះរាជអាជ្ញា
ចៅហ្វាយរងក្រុង ចៅហ្វាយក្រុង សមាជិកសភា។ ក្នុងតំណែងទាំងនេះ
ច្បាស់ណាស់ថាជាកន្លែងស្រួលរកលុយ
ប្រព្រឹត្តិអំពើពុករលួយ យកលុយក្រោមតុ ធ្វើសទៅជាខ្មៅ
តែលោក ឌូតឺតេ
បាននិយាយថា សច្ចាដាច់ខាត មិនយកលុយខ្មៅមកដាក់ខ្លួនឡើយ។ លោកថែមទាំងរំលឹកទៀតថា
ធ្លាប់មានគេសូកលោក ប៉ុន្តែលោកបានបដិសេធមិនទទួល។
លោក ឌូតឺតេ បាននិយាយថា ប្រសិនបើលោកប្រព្រឹត្តអំពើពុករលួយ លោកប្រាកដជារស់នៅក្នុងផ្ទះដ៏ស្កឹមស្កៃ
នៃតំបន់ក្រុង។ ប៉ុន្តែដោយសារលោកតែងបដិសេធ
មិនទទួលយកលុយកង្វក់ទាំងនោះ
ទើបធ្វើឲ្យលោកមានផ្ទះតែមួយ។ បុរសវ័យ ៧២ឆ្នាំរូបនេះបាននិយាយពេលកំពុងកាន់តំណែងជាអភិបាលក្រុងថា៖ “ឪពុកខ្ញុំជាចៅហ្វាយក្រុង Davao… ខ្ញុំក្លាយជាអភិបាលក្រុង
Davao ក៏ដោយសារឈ្មោះរបស់គាត់… ខ្ញុំនឹងមិនបំផ្លាញឈ្មោះនេះទេ”។
លោក ឌូតឺតេ បាននិយាយទៀតថា ត្រឹមតំណែងជាអភិបាលក្រុង លោកអាចរកប្រាក់មកផ្គត់ផ្គង់ជីវិតច្រើនជាងភាពសាមញ្ញធម្មតានេះទៅ ទៀត។
“ប្រាក់ខែ
បូកទាំងលុយផ្សេងទៀត ជាចៅហ្វាយក្រុង
វាលើសពីគ្រាន់ហើយ។ លោក ឌូតឺតេ និយាយ។ ពេលនោះ លោកថែមទាំងនិយាយទៀតថា
បើលោកបានធ្វើប្រធានាធិបតី
គឺគ្មានថ្ងៃជាប់គុក ដោយសារពុករលួយចាយលុយរដ្ឋនោះទេ។
គួរបញ្ជាក់ថា ជីវិតដ៏សាមញ្ញ ព្រមទាំងសម្ដីដ៏មុតស្រួច
បាននាំឲ្យលោក រ៉ូឌ្រីកូ ឌូតឺតេ
មានប្រជា ប្រិយភាពជាប់ជាប្រធានាធិបតីទី១៦ របស់ប្រទេសហ្វីលីពីននៅថ្ងៃទី៣០
ខែមិថុនា ឆ្នាំ២០១៦។ ក្រោយឡើងកាន់តំណែងភ្លាម លោក ឌូតឺតេ ចាប់ផ្ដើមធ្វើកំណែទម្រង់លើវិស័យជាច្រើន ជាពិសេស សង្គ្រាមជាមួយក្រុមជួញដូរគ្រឿងញៀនយ៉ាងកក្រើក រហូតសម្លាប់មនុស្សអស់ជាច្រើននាក់
មានទាំងអភិបាលក្រុងផង។
សកម្មភាពនេះ
ក៏បានធ្វើឲ្យពិភពលោកព្រួយបារម្ភលើបញ្ហាសិទ្ធិមនុស្សផងដែរ ព្រោះតែការសម្លាប់គ្មានប្រណី ប៉ុន្តែប្រជាជនហ្វីលីពីនជាច្រើនបានសាទរចំពោះចំណាត់ការខាងលើ។
លោក ឌូតឺតេ ថែមទាំងធ្លាប់និយាយទៀតថា ប្រសិនបើកូនប្រុសរបស់លោក
មានពាក់ព័ន្ធនឹងការជួញដូរគ្រឿងញៀន
លោកនឹងបញ្ជាឲ្យគេបាញ់សម្លាប់កូននោះភ្លាម ដោយមិនយល់ថាជាសាច់ញាតិឡើយ។
ថ្មីៗនេះ ស្រាប់តែមានពាក្យបណ្ដឹងប្រឆាំងនឹងលោក
ឌូតឺតេ លើចំណាត់ការគ្រឿងញៀន ដោយចោទថាលោកប្រព្រឹត្តអំពើឧក្រិដ្ឋកម្មប្រឆាំងមនុស្សជាតិ សម្លាប់មនុស្សប្រមាណជិត
៤ពាន់នាក់ ក្នុងសង្គ្រាមគ្រឿងញៀន។
ឆ្លើយតបនឹងតុលាការឧក្រិដ្ឋកម្មអន្តរជាតិ ICC លោក ឌូតឺតេ
បានបញ្ជាក់ថា ឲ្យ ICC ស៊ើបតាមចិត្តចុះ ហើយបើឃើញកំហុស
មិនចាំបាច់ចាប់លោកដាក់ពន្ធនាគារទេ
ព្រោះលោកនឹងបដិសេធទាំងអស់រាល់ការប្រកាន់ គឺមានតែបាញ់សម្លាប់លោកចោលតែម្ដង។
លោកបញ្ជាក់បែបនេះ ដោយសារអះអាងថា
មិនដែលបញ្ជាឲ្យប៉ូលិសបាញ់សម្លាប់ជនសង្ស័យទេ គឺដោយសារជនសង្ស័យទាំងនោះតដៃ ទើបបណ្ដាលឲ្យមានការបង្ហូរឈាមជារឿយៗ។
លោក រ៉ូឌ្រីកូ ឌូតឺតេ គឺជាមេធាវី និងជាអ្នកនយោបាយហ្វីលីពីនដែលជាប់ប្រធានាធិបតីទី១៦ របស់ប្រទេសហ្វីលីពីន។
ដោយឡើងកាន់តំណែងនៅអាយុ ៧១ឆ្នាំ លោក ឌូតឺតេ គឺជាមនុស្សចាស់ជាងគេក្នុងពេលទទួលតំណែងប្រធានាធិបតីហ្វីលីពីន។ កំណត់ត្រាចាស់កាលពីមុនគឺលោក
Sergio Osmeña ដែលឡើងកាន់តំណែងនៅអាយុ
៦៥ ឆ្នាំ។ លោក ឌូតឺតេ
បានសិក្សាផ្នែកវិទ្យាសាស្ត្រនយោបាយនៅមហាវិទ្យាល័យហ្វីលីពីន ដែលបញ្ចប់ការសិក្សានៅឆ្នាំ១៩៦៨ មុនពេលលោកបានទទួលសញ្ញាប័ត្រពីមហាវិទ្យាល័យ
San Beda ក្នុងឆ្នាំ ១៩៧២
។ បន្ទាប់មកលោកធ្វើការជាមេធាវី
និងជាព្រះរាជអាជ្ញាសម្រាប់ទីក្រុងដាវ៉ៅ រហូតក្លាយជាអភិបាលក្រុងបន្តពីឪពុករបស់លោក និងបន្តជាប់ឆ្នោតជាប្រធានាធិបតីហ្វីលីពីនក្នុងការបោះឆ្នោតថ្ងៃ ទី៩
ខែឧសភា ឆ្នាំ២០១៦៕
