អ្នកស្លាប់ដោយវីរុសកូរ៉ូណា មានចំនួន៥១៨នាក់ក្នុងរយៈពេល ២៤ម៉ោង_អាមេរិក
ក្នុងរយៈពេល ២៤ម៉ោង អាមេរិក មានអ្នកស្លាប់ថ្មី ដោយវីរុសកូរ៉ូណា ចំនួន៥១៨នាក់: វ៉ាស៊ីនតោន ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី៣០ ខែមីនា ឆ្នាំ២០២០ថា សាកលវិទ្យាល័យ Johns Hopkins University ចេញផ្សាយនូវទិន្នន័យ កាលពីថ្ងៃអាទិត្យថា នៅក្នុងកំណត់ត្រា សហរដ្ឋអាមេរិក មានអ្នកស្លាប់ថ្មីដោយវីរុសកូរ៉ូណា ចំនួន៥១៨នាក់ ក្នុងរយៈពេល២៤ម៉ោងកន្លងមកនេះ ។ នៅក្នុងតួលេខបង្ហាញ ក្នុងកំណត់ត្រា គឺខ្ពស់ជាង កាលពីមួយថ្ងៃមុន ដែលបានកើនឡើង៤៥៣នាក់ ដែលនាំឲ្យតួលេខសរុប នៃអ្នកស្លាប់គិតចាប់តាំងពីផ្ទុះឡើងមានរហូតដល់ ២.៤០៩នាក់ហើយ ។ តួលេខបានបង្ហាញថា ចំនួននៃអ្នកករណីអ្នកឆ្លងជំងឹ បានកើនឡើងដល់២១.៣៣៣ករណីក្នុងរយៈពេល១ថ្ងៃ ។ ជាមួយគ្នានេះដែរ សរុបករណីឆ្លង ១៣៦.៨៨០នាក់ សហរដ្ឋមានតួលេខខ្ពស់ជាងគេបំផុត នៅទូទំាងពិភពលោក ដោយនាំមុខអ៊ីតាលី ចិន និងអេស្ប៉ាញ ៕ ប្រែសម្រួលដោយ៖ ម៉ៅ បុប្ផាមករា
Michael Bublé - Haven't Met You Yet [Official Music Video]
Michael Bublé - Haven't Met You Yet [Official Music Video]
ជំងឺកូវីដ-១៩_អ្នកស្លាប់ជាង២ម៉ឺននាក់-អ្នកឆ្លងជាង ៤០ម៉ឺននាក់
ចំនួនអ្នកស្លាប់កើនឡើងជាង ២ម៉ឺននាក់ និងឆ្លងជាង ៤០ម៉ឺននាក់ដោយជំងឺកូវីដ-១៩ ទូទាំងពិភពលោក: ហ្សឺណែវ៖ ចំនួនអ្នកស្លាប់ ដោយសារមេរោគឆ្លងវីរុសកូរ៉ូណា ឬកូវីដ-១៩ បានកើនឡើងលើសពី ២០.០០០ នាក់ និងការឆ្លងច្រើនជាង ៤០០.០០០ ករណី ដែលត្រូវបានបញ្ជាក់កាលពីថ្ងៃពុធ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន ក្យូដូជប៉ុន។ ចំនួនអ្នកស្លាប់សរុបពីមេរោគកូវីដ-១៩ បានកើនឡើងទ្វេដងក្នុងរយៈពេល ៥ ថ្ងៃចាប់តាំងពីចំនួនអ្នកស្លាប់ បានកើនឡើងដល់ ១០,០០០ នាក់កាលពីថ្ងៃសុក្រ ដែលបង្ហាញពីល្បឿន នៃការរីករាលដាលនៃវីរុសនេះ មិនទាន់មានការថយចុះនៅឡើយ។ អឺរ៉ុបនៅតែបន្តជាតំបន់ ដែលរងការវាយប្រហារ ដោយវីរុសនេះយ៉ាងខ្លាំង ដោយប្រទេសអ៊ីតាលី និងអេស្បាញបានរាយការណ៍ អំពីចំនួនអ្នកស្លាប់ខ្ពស់បំផុត នៅលើពិភពលោក៕ ដោយ៖ ឈូក បូរ៉ា
គិតត្រឹមថ្ងៃពុធ អ្នកស្លាប់ដោយសារវីរុសកូរ៉ូណានៅអ៊ីតាលីកើនដល់ជាង៧.៥០០នាក់
គិតត្រឹមថ្ងៃពុធ អ្នកស្លាប់ដោយសារ វីរុសកូរ៉ូណា នៅអ៊ីតាលី កើនឡើងដល់ជាង៧.៥០០នាក់: រ៉ូម៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៦ ខែមីនា ឆ្នាំ២០២០ថា ក្រុមអាជ្ញាធរអ៊ីតាលី បានឲ្យដឹងនៅថ្ងៃពុធថា វីរុសកូរ៉ូណា បានសម្លាប់ពលរដ្ឋអស់៧.៥០៣នាក់ នៅក្នុងប្រទេសអ៊ីតាលី ទន្ទឹមនឹងនេះដែរ ចំនួននៃអ្នកឆ្លងជំងឺនេះ ត្រូវបានគេបញ្ជាក់ថា មានរហូតដល់៧៤.៣៨៦ករណីហើយ ។ នាយកដ្ឋានការពារជនស៊ីវិល បានឲ្យដឹងថា បញ្ហាលម្អិត សកម្មភាព នៃការឆ្លងបានកើនឡើង៣.៤៩១ករណី ដែលជាតួលេខប្រចាំថ្ងៃ ដែលនាំឲ្យការឆ្លងសរុបដល់៥៧.៥២១ករណី គិតចាប់ពីជំងឺបានផ្ទុះឡើង នៅតំបន់ភាគខាងជើង កាលពីថ្ងៃទី២១ ខែកុម្ភៈ ។ ចំនួនបន្ថែមត្រូវបានគេបញ្ជាក់ថា បានកើនឡើង៥.២១០ករណី ទន្ទឹមនឹងនេះដែរ មានអ្នកស្លាប់ថ្មី៦៨៣នាក់ ដែលបានចុះក្នុងបញ្ជីការធៀបនឹងថ្ងៃអង្គារ ។ យោងតាមការបញ្ជាក់ ដោយនាយកដ្ឋាន ការពារជនស៊ីវិល បានឲ្យដឹងថា ស្ថានភាពនៃការឆ្លងរាលដាលបានងើបឡើងវិញ ដែលតម្រូវឲ្យប្រទេសត្រូវស្ថិតក្នុងការហ៊ុព័ទ្ធរហូតដល់ថ្ងៃទី០៣ ខែមេសា ៕ ប្រែសម្រួលដោយ៖ ម៉ៅ បុប្ផាមករា
នាយករដ្ឋមន្ត្រីអង់គ្លេស Johnsonមានផ្ទុកកូរ៉ូណា
Breaking News:នាយករដ្ឋមន្ត្រីអង់គ្លេស Johnsonមានផ្ទុកកូរ៉ូណា: បរទេស៖ អត្ថបទដែលទើបនឹង ត្រូវបានចេញផ្សាយដោយBBC នៅថ្ងៃសុក្រទី២៧មិនានេះ បានធ្វើឲ្យគ្រប់គ្នាមានការភ្ញាក់ផ្អើលជា ទីបំផុតនៅពេលដែលនាយករដ្ឋមន្ត្រីអង់គ្លេសលោកBoris Johnson ត្រូវបានគេរកឃើញថាមានផ្ទុកកូរ៉ូណា។ កិច្ចប្រជុំមួយដែលត្រូវបាន ធ្វើឡើងកាលពីព្រឹកមិញរវាងក្រុមមន្ត្រីជាន់ខ្ពស់អង់គ្លេសគឺត្រូវបាន ធ្វើឡើងដោយវិដេអូខណៈដែលលោកនាយករដ្ឋមន្ត្រី កំពុងចាប់ផ្តើមរក្សាខ្លួនដាច់ដោយឡែកប៉ុន្តែតាមការអះអាង លោកនឹងមិនបោះបង់ការងាររបស់ខ្លួនហើយនឹងនៅតែ បន្តការងារទំនួលខុសត្រូវក្នុងស្ថានភាពបច្ចុប្បន្ន។ អ្វីដែលកំពុងធ្វើឲ្យគ្រប់គ្នាមានការ ព្រួយបារម្ភនោះគឺថារាល់មន្ត្រីជាន់ខ្ពស់រួមទាំងសមាជិកសភា ជាច្រើននាក់ផងក៏នឹងអាចមានឆ្លងមេរោគដ៏កាចសាហាវនេះផងដែរ៕ ប្រែសម្រួល៖ស៊ុនលី
ផ្អាក សេវារថយន្តក្រុង និងកាណូត សាធារណៈ
រដ្ឋបាលរាជធានី សម្រេចផ្អាក សេវារថយន្តក្រុង និងកាណូត សាធារណៈ ដើម្បីទប់ស្កាត់ ការរីករាលដាល ជំងឺកូវីដ១៩: ភ្នំពេញ៖ ដើម្បីរួមចំណែក ជាមួយរាជរដ្ឋាភិបាល និងក្រសួងសុខាភិបាល ក្នុងការទប់ស្កាត់ ការចម្លង ការរីករាលដាល មេរោគកូវីដ១៩ នៅរាជធានីភ្នំពេញ រដ្ឋបាលរាជធានីភ្នំពេញ នៅថ្ងៃទី២៦ ខែមីនា ឆ្នាំ២០២០នេះ បានសម្រេចផ្អាក ការផ្តល់សេវា រថយន្តក្រុង សាធារណៈ (city bus) និងសេវាកាណូតសាធារណៈ (Taxi Boat) ចាប់ពីថ្ងៃនេះ រហូតដល់ស្ថានភាពកូវីដ១៩ បានធូរស្បើយឡើងវិញ។
កម្ពុជា មានអ្នកផ្ទុកវីរុសកូវីដ១៩ ២នាក់បន្ថែមទៀត សរុបទាំងអស់ ៩៨ករណី
ក្រសួងសុខាភិបាល រកឃើញអ្នកឆ្លង កូវីដ១៩ចំនួន ២ករណីបន្ថែម ទៀត: ក្រសួងសុខាភិបាល រកឃើញអ្នកឆ្លង កូវីដ១៩ចំនួន ២ករណីបន្ថែម ទៀត
ជំងឺខ្លាញ់រុំថ្លើម
ជំងឺខ្លាញ់រុំថ្លើមអាចត្រូវបានចែកចេញជា ២ ប្រភេទ គឺ ៖
1. ប្រភេទបង្កឡើងដោយជាតិអាកុល ឬគ្រឿងស្រវឹងដែលកើតឡើងចំពោះអ្នកដែល ទទួលទានគ្រឿងស្រវឹងច្រើនពេក និង
2.ប្រភេទមិនបង្កឡើងដោយជាតិអាល់កុល ឬគ្រឿងស្រវឹង ច្រើនកើតចំពោះអ្នក ដែលអង្គុយយូរៗពេកក្នុងមួយថ្ងៃៗ ឬអ្នកធាត់ជ្រុល។
បញ្ហាខ្លាញ់រុំថ្លើម គឺជាមូលហេតុចម្បងបំផុតមួយនៃជំងឺខ្សោយថ្លើម ហើយអាចវិវត្តទៅជាជំងឺក្រិនថ្លើម ឬជំងឺរលាកថ្លើម។ ប៉ុន្តែមិនថាអ្នកកំពុងជួបប្រទះបញ្ហាខ្លាញ់រុំថ្លើមប្រភេទណានោះទេ អ្នកអាចកែប្រែ ឬទប់ស្កាត់ស្ថានភាពមុននឹងឈានដល់ដំណាក់កាលធ្ងន់ធ្ងរបាន ដោយគ្រាន់តែជ្រើសរើស និងរក្សាឲ្យបាននូវរបបអាហារត្រឹមត្រូវមួយដូចខាងក្រោម ៖
១. រមៀត ជាប្រភពដ៏ប្រសើរនៃសារធាតុប្រឆាំងអុកស៊ីតកម្មច្រើនប្រភេទដែលអាចទប់ស្កាត់ បញ្ហាខ្លាញ់រុំថ្លើម។ ការទទួលទានអាហារលាយជាមួយរមៀតក៏ជួយបង្កើនសុខភាពប្រព័ន្ធ រំលាយអាហារផងដែរ។
២. ត្រីជាប្រភពដ៏ប្រសើរនៃជាតិប្រូតេអ៊ីនចាំបាច់ដែលជួយបង្កើនសមត្ថភាពជាលិកាថ្លើមក្នុង ការជួសជុសការខូតខាត និងស្ដារភាពល្អប្រសើរនៃសុខភាពថ្លើមឡើងវិញ។
៣. សាច់មាន់ ក៏ជាប្រភពដ៏ល្អបំផុតមួយនៃជាតិប្រូតេអ៊ីន ដែលមានប្រយោជន៍ណាស់ សម្រាប់អ្នកមានបញ្ហាខ្លាញ់រុំថ្លើម មិនថាប្រភេទអ្វីក៏ដោយ។ ដើម្បីជាការប្រសើរអ្នកគួរ ជ្រើសរើសទទួលទានសាច់ទ្រូង និងជៀសវាងស្បែកមាន់ ដោយវាមានផ្ទុកជាតិខ្លាញ់ និង កូឡេស្តេរ៉ូលខ្ពស់ដែលមិនល្អចំពោះថ្លើមកំពុងមានបញ្ហា។
៤. សាច់គ្មានខ្លាញ់ ប្រភេទនៃអាហារដទៃទៀតដែលអ្នកជំងឺខ្លាញ់រុំថ្លើម គួរដាក់បញ្ចូល ក្នុងរបបអាហារប្រចាំថ្ងៃ គឺប្រូតេអ៊ីន។ ហើយសាច់ជាប្រភពដ៏ប្រសើរនៃប្រូតេអ៊ីន ប៉ុន្តែ ទោះជាយ៉ាងណាប្រសិនបើអ្នកកំពុងជួបប្រទះបញ្ហាខ្លាញ់រុំថ្លើម ចូរជៀសវាងការទទួល ទានសាច់ខ្លាញ់ និងស្បែក។ ដើម្បីទទួលទានជាតិប្រូតេអ៊ីនគ្រប់គ្រាន់ ការជ្រើសរើស ទទួលទានសាច់គ្មានខ្លាញ់ គឺប្រសើរបំផុតសម្រាប់អ្នកជំងឺខ្លាញ់ក្នុងថ្លើម។
៥. ស៊ុត ស៊ុតមានផ្ទុកសម្បូរទៅដោយជាតិប្រូតេអ៊ីនគុណភាពខ្ពស់ ដែលជួយបង្កើន សមត្ថភាពជាលិកាថ្លើម ក្នុងការជួសជុសស្ដារភាពល្អប្រសើរឡើងវិញ។ ហើយស៊ុត ក៏ ជាប្រភព នៃកូឡេស្តេរ៉ូលល្អដែលជួយកម្ចាត់
កូឡេស្តេរ៉ូលមិនល្អផងដែរ។
៦. បន្លែផ្លែឈើ ក្រៅពីមានផ្ទុកសម្បូរទៅដោយសារធាតុចិញ្ចឹម វីតាមីន និងជាតិរ៉ែសំខាន់ៗ ហើយនោះ បន្លែផ្លែឈើក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្ម ដែលជួយ ជំរុញពង្រឹងប្រព័ន្ធភាពស៊ាំ នៃរាងកាយប្រយុទ្ធប្រឆាំងនឹងមេរោគបាក់តេរី ដែលបង្កឱ្យ ថ្លើមទទួលរងការរលាក។ បន្លែបៃតងនិងផ្លែឈើមិនត្រឹមតែប្រសើរ ជួយដោះស្រាយបញ្ហា ខ្លាញ់រុំថ្លើមប៉ុណ្ណោះទេ ប៉ុន្តែល្អសម្រាប់សុខភាពរាងកាយទាំងមូលតែម្ដង។ ដូច្នេះចូរ ព្យាយាមទទួលទានបន្លែផ្លែឈើឱ្យបានច្រើន។
៧. គ្រាប់ធញ្ញជាតិ អាហារផ្សេងទៀតដែលអ្នកជំងឺខ្លាញ់រុំថ្លើម គួររួមបញ្ចូលក្នុងរបបអាហារ ប្រចាំថ្ងៃ គឺគ្រាប់ធញ្ញជាតិ។ មិនត្រឹមតែជួយការពារប្រឆាំងទៅ នឹងជំងឺខ្លាញ់រុំថ្លើម ប៉ុណ្ណោះទេ ប៉ុន្តែគ្រាប់ធញ្ញជាតិមានផ្ទុកសម្បូរទៅដោយអាស៊ីតខ្លាញ់អូមេហ្គា ៣ ជាតិ សរសៃសារធាតុប្រឆាំងអុកស៊ីតកម្ម ជាតិរ៉ែ និងវីតាមីនដែលចាំបាច់សម្រាប់សុខភាពរាង កាយទាំងមូល។ ការទទួលទានគ្រាប់ធញ្ញជាតិ អាចជួយកាត់បន្ថយហានិភ័យនៃជំងឺ សរសៃឈាមបេះដូង ក៏ដូចជាកម្ចាត់ចោលនូវរាល់ជាតិពុល និងជាតិខ្លាញ់មិនល្អចេញពី ថ្លើមផងដែរ។ ទោះជាយ៉ាងណាអ្នកមិនគួរទទួលទានច្រើនជាងមួយក្ដាប់ដៃពេញ ក្នុង មួយថ្ងៃឡើយ។
៨. សណ្ដែកសៀង ក៏ជាប្រភពដ័ល្អមួយនៃជាតិប្រូតេអ៊ីន ហើយសណ្ដែកសៀងក៏មាន ប្រសិទ្ធភាពទប់ស្កាត់ការប្រមូលផ្ដុំនៃជាតិខ្លាញ់ក្នុងថ្លើមផងដែរ។
៩. ខ្ទឹមស ក៏មានប្រសិទ្ធភាពជួយទប់ស្កាត់ជាតិខ្លាញ់ មិនឲ្យប្រមូលផ្ដុំក្នុងថ្លើមបានយ៉ាង ប្រសើរផងដែរ។
១០. ក្រូចឆ្មារ ការទទួលទានក្រូចឆា្មរ ឬទឹកក្រូចឆ្មារ គឺជាគន្លឹះដ៏ងាយ ប៉ុន្តែមានប្រសិទ្ធភាព ខ្ពស់បំផុតមួយ ជួយទប់ស្កាត់ហានិភ័យនៃបញ្ហាខ្លាញ់រុំថ្លើម។ នោះក៏ព្រោះតែផ្លែឈើនេះ មានផ្ទុកសម្បូរទៅដោយវីតាមីន C ជំរុញការផលិត glutathione របស់ថ្លើមដើម្បីសម្រួល ដល់ដំណើរការ មុខងារកាន់តែល្អប្រសើរ។
១១. ខ្លាញ់មិនឆ្អែត មិនមែនខ្លាញ់ទាំងអស់សុទ្ធតែអាក្រក់ចំពោះសុខភាពឡើយ ដូចជា ប្រភេទខ្លាញ់មិនឆ្អែត ដែលចាំបាច់សម្រាប់រក្សាសុខភាពរាងកាយទាំងមូល ។ អាហារ ដែលមានផ្ទុកជាតិខ្លាញ់មិនឆ្អែត មានដូចជាគ្រាប់ពូជ គ្រាប់ធញ្ញជាតិ និងសូម្បីតែប្រេង អូលីវដែលពង្រឹងសុខភាពបេះដូង រួមបញ្ចូលទាំងមុខងារខួរក្បាល។ នេះហើយជាមូល ហេតុប្រសិនបើកំពុងជួបប្រទះបញ្ហាខ្លាញ់រុំថ្លើម អ្នកគួររួមបញ្ចូលអាហារមានជាតិខ្លាញ់ មិនឆ្អែតក្នុងរបបអាហារប្រចាំថ្ងៃ។
សម្គាល់ ៖ ក្រៅពីរក្សាបាននូវរបបអាហារល្អហើយនោះ ដើម្បីរក្សាបាននូវសុខភាពថ្លើម ប្រសើរអ្នកក៏គួរព្យាយាមធ្វើលំហាត់ប្រាណ ឈប់ជក់បារី រក្សាទម្ងន់ត្រឹមត្រូវ គេងឱ្យបានគ្រប់គ្រាន់ មិនទប់នោមយូរ និងកាត់បន្ថយ ឬផ្អាកការទទួលទានគ្រឿងស្រវឹងផងដែរ៕
កម្ពុជា មានអ្នកផ្ទុកវីរុសកូវីដ១៩ ២នាក់បន្ថែមទៀត សរុបទាំងអស់ ៨៦ករណី
ក្រសួងសុខាភិបាល រកឃើញ អ្នកឆ្លងកូវីដ១៩ ២ករណីទៀត សរុបកើន ៨៦ករណី ក្នុងនោះ ២ករណីជាសះស្បើយ: ភ្នំពេញ៖ យោងតាមនាយកដ្ឋាន ប្រយុទ្ធនឹងជំងឺឆ្លង (CDC) បានបង្ហោះលើបណ្ដាញ សង្គមហ្វេសប៊ុក នៅថ្ងៃទី២៣ មីនានេះ ក្រសួងសុខាភិបាល រកឃើញអ្នកឆ្លងជំងឺកូវីដ១៩ ចំនួន ២ករណីទៀត នៅខេត្តកំពង់ចាម និងកោះកុង ធ្វើឲ្យចំនួនអ្នកឆ្លងសរុបកើនដល់ ៨៦ករណី ។ នាយកដ្ឋានប្រយុទ្ធនឹងជំងឺឆ្លង បន្ថែមថា រហូតពេលនេះបានព្យាបាល អ្នកឆ្លងកូវីដ១៩ ជាសះស្បើយចំនួន ២នាក់ហើយ គឺជនជាតិចិនម្នាក់ និងជនជាតិអង់គ្លេសម្នាក់ ។ ជាមួយគ្នានោះដែរ ពុំទាន់រកឃើញភ័ស្តុតាងដែលបញ្ជាក់ថា មានការឆ្លងក្នុងសហគមន៍នៅឡើយទេ តែលទ្ធភាពនឹងអាចកើតមានឡើង ៕
រយៈពេល៣ថ្ងៃជាប់គ្នាគ្មានករណីឆ្លងជំងឺកូវីដ១៩ សូម្បីម្នាក់ នៅទីក្រុងវូហាន
រយៈពេល៣ថ្ងៃជាប់គ្នា នៅទីក្រុងវូហាន គ្មានករណី ឆ្លងជំងឺកូវីដ១៩ សូម្បីម្នាក់: វូហាន៖ គ្មានករណីឆ្លងថ្មី ដែលត្រូវបានគេអះអាងថា មានជំងឺកូរ៉ូណា (COVID-១៩) ត្រូវបានគេរាយការណ៍ កាលពីថ្ងៃសុក្រ នៅទីក្រុងវូហាន នោះទេ ដែលជាថ្ងៃទី ៣ នៃរបាយការណ៍សូន្យ (គ្មានអ្នកឆ្លង) នៅតំបន់ ដែលជាចំណុចកណ្តាល នៃការរីករាលដាល នៅក្នុងការប្រយុទ្ធរយៈពេលមួយខែ ជាមួយវីរុសដ៏សាហាវនេះ។ យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២១ ខែមីនា ឆ្នាំ២០២០ បានឱ្យដឹងថា គណៈកម្មការសុខាភិបាលខេត្ដហ៊ូប៉ី បាននិយាយថា ករណីដែលបានបញ្ជាក់ សរុបនៃជំងឺកូវីដ១៩ នៅទីក្រុង វូហាន និងខេត្តហ៊ូប៉ី នៅតែមានចំនួន ៥០.០០៥ នាក់ និង ៦៧.៨០០ នាក់ ដដែល គិតត្រឹមថ្ងៃព្រហស្បតិ៍។ នៅខេត្ត ហ៊ូប៉ី បានឃើញអ្នកស្លាប់ថ្មី ៧ នាក់ ក្នុងនោះ ៦ នាក់នៅវ៉ូហាន៕ ប្រែសម្រួលៈ ណៃ តុលា
ចៅក្រមសាលាឧទ្ធរណ៍ តំបន់ទាំង៣_20200320
ព្រះមហាក្សត្រ ត្រាស់បង្គាប់ តែងតាំងចៅក្រម សាលាឧទ្ធរណ៍ តំបន់ទាំង៣ចំនួន ១៨ រូប: ភ្នំពេញ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជាកាលពីថ្ងៃទី១៩ ខែមីនា ឆ្នាំ២០២០បានចេញព្រះរាជក្រឹត្យ ត្រាស់បង្គាប់ តែងតាំងចៅក្រម សាលាឧទ្ធរណ៍តំបន់ ខេត្តត្បូងឃ្មុំ ខេត្តបាត់ដំបង និងខេត្តព្រះសីហនុ ចំនួន ១៨ រូប។
អ៊ីតាលី មានអ្នកស្លាប់ដោយសារមេរោគកូវីដ១៩ ច្រើនជាងនៅចិន
អ្នកស្លាប់ ដោយសារមេរោគកូវីដ១៩ នៅអ៊ីតាលី មាន ៣.៤០៥ នាក់ និងអ្នកឆ្លងមាន ៤១.០៣៥នាក់ ច្រើនជាងអ្នកស្លាប់នៅចិន: BBC៖ មេរោគកូវីដ១៩ បានសម្លាប់មនុស្ស នៅប្រទេសអ៊ីតាលីច្រើន ជាងប្រទេសដទៃទៀត បន្ទាប់ពីការស្លាប់នៅអ៊ីតាលី បានកើនឡើងដល់ទៅ ៤២៧ នាក់ក្នុងមួយថ្ងៃ។ ចំនួនអ្នកស្លាប់ពេលនេះ មានដល់ទៅ ៣.៤០៥ នាក់ ដែលចំនួននេះ គឺច្រើនជាងនៅប្រទេសចិន ទីកន្លែងដែលវីរុសនេះ មានដើមកំណើត កាលពីឆ្នាំមុន។ យោងតាមសារព័ត៌មាន BBC ចេញផ្សាយនៅថ្ងៃទី២០ ខែមីនា ឆ្នាំ២០២០ បានឱ្យដឹងថា មានសេចក្តីរាយការណ៍ថា មានមនុស្សស្លាប់ចំនួន ៣.២៤៥ នាក់នៅក្នុងប្រទេសចិន ប៉ុន្តែគេនៅមានចម្ងល់ទាក់ទង នឹងភាពដែលអាចជឿ ជាក់បាននៃទិន្នន័យអ្នកស្លាប់ នៅក្នុងប្រទេសចិននេះ ។ ការបិទប្រទេសទាំងមូល ដែលបានដាក់ចេញ កាលពីថ្ងៃទី ១២ ខែមីនានៅប្រទេសអ៊ីតាលី ត្រូវបានពង្រីកហួស កាលបរិច្ឆេទដើម នៅថ្ងៃទី២៥ មីនា។ ជនជាតិអ៊ីតាលីស្ទើរតែទាំងអស់ ត្រូវបានគេប្រាប់ឱ្យស្នាក់នៅក្នុងផ្ទះ ។ ទោះបីមានវិធានការទាំងនេះក៏ដោយ ក៏ចំនួនករណីថ្មី និងមរណភាព នៅក្នុងប្រទេសនេះ នៅតែបន្តកើនឡើងដដែល។ មានករណីឆ្លងវីរុសកូរ៉ូណា ឬកូវីដ១៩ នេះចំនួន ២២០.០០០ ករណី […]
COVID-19 : មានប្រទេស ១៥២ អ្នកឆ្លងជាង ១៦៧.០០០នាក់
WHO៖ សរុបមានប្រទេស ១៥២ ហើយដែលឆ្លងវីរុសកូរ៉ូណា និងមានអ្នកឆ្លងរោគ ទូទាំងពិភពលោកជាង ១៦៧.០០០នាក់: ហ្សឺណែវ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៧ ខែមីនា ឆ្នាំ២០២០ថា អង្គការសុខភាពពិភពលោក ហៅកាត់ (WHO) បានចេញរបាយការណ៍ អំពីស្ថានភាពប្រចាំថ្ងៃថា សរុបទៅមានប្រទេសចំនួន ១៥២ហើយ និងតំបន់ជាច្រើនបាន ត្រូវគេរាយការណ៍មកថា បានបញ្ជាក់ថាបានឆ្លងជំងឺ COVID-19 ចំនួន១៦៧.៥១១ករណី គិតត្រឹមព្រឹកថ្ងៃចន្ទ ដោយបានកើនឡើង ១៣.៩០៣ករណី បើធៀបនឹងថ្ងៃមុន ។ សរុបតូលេខនៃអ្នកស្លាប់ នៅទូទាំងពិភពលោក ដែលបានឆ្លងជំងឺ COVID-19 បានកើនឡើងពី៨៦២នាក់ដល់ ៦.៦០៦នាក់ នៅក្នុងរយៈពេល២៤ គិតត្រឹមម៉ោង ១០និង០០នាទី ម៉ោងក្នុងស្រុកកាលពីថ្ងៃចន្ទ ។ ក្រៅពីប្រទេសចិន ត្រូវបានគេរាយការណ៍មានករណី ១៣.៨៧៤នាក់ ដែលនាំឲ្យចំនួននៃអ្នកឆ្លងរោគដល់ទៅ ៨៦.៤៣៤នាក់ ក្នុងចំណោមអ្នកជំងឺដែលបានស្លាប់ ៣.៣៨៨នាក់ ។ គិតត្រឹមថ្ងៃចន្ទ នៅក្នុងតំបន់អឺរ៉ុប មានផ្ទុះជំងឺ COVID-19 ប្រមាណ៥៦.០០០ករណី ហើយត្រូវបានគេរាយការណ៍ថា មានប្រទេសជាង៥០ និតំបន់ជាច្រើន ។ ប្រទេសក្នុងតំបន់អឺរ៉ុបភាគច្រើន រងនូវផលប៉ះពាល់មានជាង ២.០០០ករណី រួមមានអ៊ីតាលី អេស្ប៉ាញ […]
ថ្នាំ Favipiravir មានប្រសិទ្ធភាពព្យាបាលប្រឆាំងនឹងជំងឺកូវីដ១៩
មន្រ្តីជំនាញ សុខាភិបាលចិន៖ ថ្នាំ Favipiravir មានប្រសិទ្ធភាព ព្យាបាលប្រឆាំង នឹងជំងឺឆ្លង មេរោគកូវីដ១៩: ប៉េកាំង៖ ប្រទេសចិន បានបញ្ចប់ការស្រាវជ្រាវ ទៅលើថ្នាំ Favipiravir ដែលជាថ្នាំប្រឆាំងវីរុស ដែលបានបង្ហាញ ពីប្រសិទ្ធភាពព្យាបាលល្អ ប្រឆាំងនឹងជំងឺឆ្លងមេរោគ COVID-19 ។ យោងតាមទី ភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី១៧ ខែមីនា ឆ្នាំ២០២០ បានឱ្យដឹងថា លោក Zhang Xinmin ប្រធានមជ្ឈមណ្ឌលជាតិ អភិវឌ្ឍន៍ជីវបច្ចេកវិទ្យាចិន ក្រោមឱវាទ ក្រសួងវិទ្យាសាស្រ្ត និងបច្ចេកវិទ្យា បាននិយាយនៅក្នុងសន្និសីទ កាសែតថា ថ្នាំ Favipiravir ដែលជាថ្នាំព្យាបាល ជំងឺផ្តាសាយ ដែលត្រូវបានអនុម័ត អោយប្រើប្រាស់ក្នុងប្រទេស ជប៉ុន ក្នុងឆ្នាំ ២០១៤ ដោយមិនបានបង្ហាញ ពីផលប៉ះពាល់ អវិជ្ជមានណាមួយ នៅក្នុងការសាកល្បងព្យាបាលនោះទេ។ អ្នកជំងឺជាង ៨០ នាក់ បានចូលរួមក្នុងការសាកល្បងព្យាបាល នៅមន្ទីរពេទ្យប្រជាជនទី ៣ ទីក្រុង Shenzhen ភាគខាងត្បូងខេត្ត Guangdong ប្រទេសចិន ក្នុងនោះមានអ្នកជំងឺ ៣៥ នាក់លេបថ្នាំ […]
កម្ពុជា មានអ្នកផ្ទុកវីរុសកូវីដ១៩ ១២នាក់ បន្ថែមទៀត
រកឃើញអ្នកឆ្លងជំងឺកូវីដ១៩ ១២ករណីទៀត លើជនជាតិខ្មែរ និងខ្មែរឥស្លាម: ភ្នំពេញ ៖ ក្រសួងសុខាភិបាល រកឃើញអ្នកមានមេរោគ COVID-19 ចំនួន១២នាក់បន្ថែមទៀត ដោយក្នុងនោះជនជាតិខ្មែរឥស្លាម ចំនួន១១នាក់ មកពីចូលរួមបុណ្យបែបសាសនា នៅប្រទេសម៉ាឡេស៊ី និងម្នាក់ទៀត ជាជនជាតិខ្មែរមកពីក្រុងបាងកក ប្រទេសថៃ ។ ដោយរហូតមកដល់ពេលនេះកម្ពុជា មានអ្នកផ្ទុកមេរោគCOVID-19 ចំនួន២៤នាក់ ហើយគិតដល់ព្រឹកថ្ងៃទី១៧ ខែមីនា ឆ្នាំ២០២០នេះ៕
យកសណ្ឋាគារ Great Duke ជាមន្ទីរពេទ្យសម្រាប់ពិនិត្យ ថែទាំ និងព្យាបាលជំងឺកូវីដ១៩
ក្រសួងសុខាភិបាល សម្រេចយកសណ្ឋាគារ Great Duke ជាមន្ទីរពេទ្យសម្រាប់ពិនិត្យ ថែទាំ និងព្យាបាលជំងឺកូវីដ១៩: ភ្នំពេញ ៖ ក្រសួងសុខាភិបាល សម្រេចប្រើប្រាស់ សណ្ឋាគារ Great Duke (អតីតសណ្ឋាគារអាំងទែ កុងតឺណង់តាល់) ជាមន្ទីរពេទ្យ សម្រាប់ពិនិត្យ ថែទាំ និងព្យាបាលជំងឺ COVID-19 ៕
ចិន ផ្ដល់សារធាតុ Detection Reagent ប្រឆាំងជំងឺកូវីដ១៩ ដល់កម្ពុជា
សារធាតុ Detection Reagent ប្រឆាំងជំងឺកូវីដ១៩ សម្រាប់ ២ពាន់នាក់ ជាជំនួយរបស់ចិន នឹងមកដល់កម្ពុជាយប់នេះ: ភ្នំពេញ៖ តាមការប៉ាន់ស្មានទុកមុន នារាត្រីថ្ងៃទី១៧ មីនានេះ សារធាតុDetection Reagent ជំងឺ COVID-19 សម្រាប់មនុស្ស ២០០០នាក់ ដែលជាជំនួយរបស់ ភាគីចិន ផ្ដល់ជូនចំពោះភាគីកម្ពុជា នឹងមកដល់រាជធានីភ្នំពេញ តាមជើងហោះហើរ ហើយជំនួយសារធាតុទាំងនេះ នឹងត្រូវបានទទួលដោយក្រសួងសុខាភិបាល នៃប្រទេសកម្ពុជា។ យោងតាមហ្វេសប៊ុក ស្ថានទូតចិនប្រចាំកម្ពុជា បានឲ្យដឹងថា ប្រទេសចិននឹងបន្តផ្តល់ជំនួយ ជាសម្លៀកបំពាក់ការពារ ម៉ាសវេជ្ជសាស្រ្ត និងសម្ភារៈផ្សេងទៀតជាបន្តបន្ទាប់ និងព្រមទាំងខិតខំផ្តល់ជាកម្លាំង ជំរុញគាំទ្រក្នុងកិច្ចទប់ស្កាត់នឹងជម្ងឺវីរុស ជូនចំពោះភាគីកម្ពុជា ។ សូមរំលឹកថា គិតត្រឹមថ្ងៃទី១៧ មីនានេះ ក្រសួងសុខាភិបាលកម្ពុជា បានរកឃើញអ្នកឆ្លងជំងឺកូវីដ១៩ ១២ករណីបន្ថែមទៀត ក្នុងនោះនៅបន្ទាយមានជ័យ ២ករណី ភ្នំពេញ ២ករណី កំពង់ឆ្នាំង ២ករណី បាត់ដំបង ៤ករណី កំពត២ ករណី និងត្បូងឃ្មុំ ១ករណី ដែលកម្ពុជាមានអ្នកឆ្លងជំងឺនេះ កើនដល់ ២៤នាក់ ៕
បិទខារ៉ាអូខេ និងរោងភាពយន្តទាំងអស់
ក្រសួងសុខាភិបាល ប្រកាសបិទខារ៉ាអូខេ និងរោងភាពយន្តទាំងអស់ នៅកម្ពុជា ជាបណ្តោះអាសន្ន ដើម្បីទប់ស្កាត់ ជំងឺកូវីដ១៩: ភ្នំពេញ៖ ដោយបានគោការណ៍ ដ៏ខ្ពស់ខ្ពស់ ពីសម្ដេចតេជោ ហ៊ុនសែន នាយករដ្ឋមន្រ្តី ក្រសួងសុខាភិបាល សូមធ្វើការប្រកាសបិទ ខារ៉ាអូខេនិងរោងភាពយន្តទាំងអស់ នៅទូទាំងប្រទេស ជាបណ្ដោះអាសន្នសិន ដោយសារជួបនូវវិបត្តិរីករាលដាលខ្លាំង ពីជំងឺកូវីដ១៩ ចាប់ពីថ្ងៃទី១៧ ខែមីនា ឆ្នាំ២០២០នេះតទៅ រហូតដល់បានធូរស្រាលនៃកូវីដ១៩៕ សូមបញ្ជាក់ថា គិតមកដល់ពេលនេះ កម្ពុជាបានរកឃើញអ្នកផ្ទុក ជំងឺកូវីដ១៩ ចំនួន២៤នាក់ហើយ ដោយសុទ្ធតែជាជំងឺនាំចូលពីបរទេស ៕
បិទការប្រគុំតន្រ្តីនៅតាមទីសាធារណ:ទូទាំងប្រទេស
ក្រសួងសុខាភិបាលសម្រេច បិទការប្រគុំតន្រ្តីនៅតាមទីសាធារណ:ទូទាំងប្រទេស: ក្រសួងសុខាភិបាលសម្រេច បិទការប្រគុំតន្រ្តីនៅតាមទីសាធារណ:ទូទាំងប្រទេស
ចិនថា អាមេរិកគឺជាអ្នកនៅពីក្រោយកូរ៉ូណា
ចិនមានទាំងភស្តុតាងផង ជឿជាក់ថា អាមេរិកគឺជាអ្នក នៅពីក្រោយកូរ៉ូណា: បរទេស៖ នៅថ្ងៃសុក្រទី១៣ ខែមីនានេះ ក្រោយពេលដែលមនុស្សរាប់ម៉ឺននាក់ បានឆ្លងវិរុសកូរ៉ូណា និងច្រើនពាន់នាក់បានស្លាប់រួចមកនោះ មន្ត្រីជាន់ខ្ពស់មួយរូបរបស់ប្រទេសចិន បូករួមទាំងភស្តុតាងមួយចំនួនផង កំពុងដាក់ការចោទប្រកាន់ចំៗ ទៅលើអាមេរិកថា តាមពិតជាអ្នកដែលបានរៀបចំផែនការ និងស្ថិតនៅពីក្រោយវិរុស ដ៏កាចសាហាវនេះ។ ក្នុងសេចក្តីថ្លែងការណ៍មួយ កាលពីថ្ងៃព្រហស្បតិ៍ លោកអ្នកនាំពាក្យ របស់ក្រសួងការបរទេសចិន លោកLijian Zhao បានអះអាងថា យោធាអាមេរិក គឺជាអ្នកនាំមេរោគដ៏សាហាវនេះ មកកាន់ទីក្រុងវូហានតាំងតែពីដំបូង។ ក្នុងនោះផងដែរ លោកក៏បានបង្ហោះសារ និងវិដេអូមួយផង។ លោក Zhao បានដាក់ចេញជាសំណួរជាច្រើន ទៅកាន់អាមេរិក ដើម្បីសុំការឆ្លើយបំភ្លឺ ប្រសិនបើអាមេរិកមិនមែន ជាអ្នកបង្កបញ្ហានេះមែនទេនោះ។ លោកបានដាក់សង្ស័យថា ការឆ្លងបានចាប់ផ្តើមដំបូង ក្នុងគ្រាដែលអត្តពលិក ដែលមានប្រភពមកពីក្រុមយោធាអាមេរិក ចំនួន៣០០នាក់ បានមកចូលរួមការប្រកួតកីឡាករយោធា នាទីក្រុងវូហាន នាពេលកន្លងទៅនោះ៕ ប្រែសម្រួល៖ស៊ុនលី
ត្រៀមកញ្ចប់ថវិកាពី៨០០-២០០០លានដុល្លារ ទប់ទល់ឥទ្ធិពលជំងឺកូវីដ១៩
រាជរដ្ឋាភិបាលកម្ពុជា ត្រៀមកញ្ចប់ ថវិកាពី៨០០-២០០០លានដុល្លារ ទប់ទល់ឥទ្ធិពល ជំងឺកូវីដ១៩ រយៈពេលវែង: ភ្នំពេញ ៖ សម្ដេចតេជោ ហ៊ុនសែន នាយករដ្ឋមន្រ្តីកម្ពុជា បញ្ជាក់ថា រាជរដ្ឋាភិបាលកម្ពុជា បានត្រៀមកញ្ចប់ ថវិកាចំនួន ៨០០-២០០០លានដុល្លារ រួចជាស្រេច បើក្នុងករណីកម្ពុជា ជួបនូវវិបត្តិកូវីដ ១៩ រយៈពេលវែង ។ ក្នុងពិធី ប្រគល់សញ្ញាបត្រ ជូននិស្សិត នៃវិទ្យាស្ថានវ៉ាន់ដា នៅថ្ងៃទី១០ ខែមិនា ឆ្នាំ២០២០ នាមជ្ឈមណ្ឌលកោះពេជ្រ សម្ដេចបានថ្លែងថា ” រាជរដ្ឋាភិបាលបម្រុងទុកថវិកា តាមសេណារីយោ ទី១ឬទី២ ដោយទី១បើសិនជាចេញសេណារីយោ វិបត្តិអូសប្រឡាយរយៈពេល៦ខែ គឺត្រៀមបម្រុង ថវិកាប្រមាណ៨០០លានដុល្លារ ដើម្បីស្រោចស្រង់សេដ្ឋកិច្ច ហើយបើវាទៅដល់១ឆ្នាំ យើងក៏បានប៉ាន់ស្មានថា បើសិនជាវាកើតឡើងដល់១ឆ្នាំ តើកំណើនសេដ្ឋកិច្ច របស់យើង ធ្លាក់នៅប៉ុណ្ណា! ហើយយើងត្រូវប៉ះប៉ូវ ទំហំទឹកប្រាក់ប៉ុណ្ណា! ចឹងវាស្ថិតនៅក្នុងចន្លោះ ពី៨០០លានដុល្លារទៅ ២០០០ពាន់លានដុល្លារ ដែលយើងត្រៀមបម្រុង” ។ ទាក់ទងជាមួយបញ្ហាកូវីដ១៩នេះ សម្ដេចសង្ឃឹមថា ពិភពលោក នឹងខិតខំដោះស្រាយបញ្ហានេះ ឲ្យបានទាន់ពេលវេលា ។ ក្នុងឱកាសនោះដែរ សម្ដេចបញ្ជាក់ថា […]
ROAD_KHMER NATIONAL ROAD ផ្លូវជាតិនៅកម្ពុជា
ផ្លូវជាតិលេខ១ ពីភ្នំពេញ ទៅដល់ក្រុងបាវិតនៃខេត្តស្វាយរៀង (ព្រំដែនកម្ពុជា-វៀតណាម)
ផ្លូវជាតិលេខ២ ពីភ្នំពេញ ទៅដល់ភ្នំដិននៃខេត្តតាកែវ (ព្រំដែនកម្ពុជា-វៀតណាម)
ផ្លូវជាតិលេខ៣ ពីភ្នំពេញ ទៅដល់ក្រុងកំពតនៃខេត្តកំពត
ផ្លូវជាតិលេខ៤ ពីភ្នំពេញ ទៅដល់ក្រុងព្រះសីហនុនៃខេត្តព្រះសីហនុ
ផ្លូវជាតិលេខ៥ ពីភ្នំពេញ ទៅដល់ក្រុងបាត់ដំបងនៃខេត្តបាត់ដំបង
ផ្លូវជាតិលេខ៥៥ ឈ្មោះក្រៅផ្លូវការ«បុប្ផាលាក់ខ្លួន»សម្ពោធបើកឱ្យប្រើប្រាស់ជាផ្លូវការនៅថ្ងៃ ចន្ទ ទី៩ ខែមីនា ឆ្នាំ២០២០ មាន ប្រវែងសរុប ១៨២,១៦គីឡូម៉ែត្រ តភ្ជាប់ពីពោធិ៍សាត់ -វាលវែង ដល់ថ្មដា (ព្រំដែនកម្ពុជា- ថៃ) ជាប់នឹងខេត្តត្រាតនៃប្រទេសថៃ បានសាងសង់ ស្របតាមបទដ្ឋានបច្ចេកទេសកម្រិត ៣ របស់សាធារណរដ្ឋប្រជាមានិតចិន មានទទឹងតួ ផ្លូវសរុប ៩ម៉ែត្រ ក្រាលកៅស៊ូពីរស្រទាប់ (DBST) ទទឹង៨ម៉ែត្រ ព្រម ទាំងមាន បំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោល សុវត្ថិភាពផងដែរ។ គម្រោងនេះចំណាយថវិកាសរុបប្រមាណ ១៣២,៨០លានដុល្លារ សហរដ្ឋអាមេរិក ដែលជាហិរញ្ញប្បទានពីរដ្ឋាភិបាលនៃសាធារណរដ្ឋប្រជាមានិតចិន រួម ជាមួយថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការ បោសសម្អាតគ្រាប់មីន យុទ្ធភណ្ឌមិនទាន់ផ្ទុះ និងសាងសង់ដោយក្រុមហ៊ុនសាជីវកម្ម ស្ពានថ្នល់ចិន(CRBC) ត្រួតពិនិត្យបច្ចេកទេសសាងសង់ ដោយក្រុមហ៊ុនទីប្រឹក្សា បច្ចេកទេសក្វាងចូវ វ៉ានអាន និងបានប្រើប្រាស់រយៈពេលសាងសង់ចំនួន៣៨ខែ គិត ចាប់ពីខែមីនា ឆ្នាំ២០១៥ ដល់ខែឧសភា ឆ្នាំ២០១៨។
ផ្លូវជាតិលេខ៦ ពីភ្នំពេញ ទៅដល់ក្រុងប៉ោយប៉ែតនៃខេត្តបន្ទាយមានជ័យ(ព្រំដែនកម្ពុជា-ថៃ)
ផ្លូវជាតិលេខ៧ ពីភូមិស្គន់ ឃុំសូទិព្វ ស្រុកជើងព្រៃ ទៅដល់ត្រពាំងក្រៀលនៃខេត្ត ស្ទឹងត្រែង(ព្រំដែនកម្ពុជា-ឡាវ)
ផ្លូវជាតិលេខ៨ ពីព្រែកតាមាក់ទៅដល់ក្រែកនៃខេត្តត្បូងឃ្មុំ(ព្រំដែនកម្ពុជា-វៀតណាម)
ផ្លូវជាតិលេខ៩ ពីក្រុងស្ទឹងត្រែងទៅដល់កំពង់ប្រណាកនៃខេត្តព្រះវិហារ
ផ្លូវជាតិលេខ១០ រៀបពិធីបើកការដ្ឋានសាងសង់នៅថ្ងៃចន្ទ ទី៩ ខែមីនា ឆ្នាំ២០២០ មាន ប្រវែងសរុបចំនួន១៩៨,៧១គីឡូម៉ែត្រ តភ្ជាប់ពីសំឡូត- វាលវែង-អូរសោម ដល់កោះកុង នឹងត្រូវសាងសង់ស្របតាមបទដ្ឋានបច្ចេកទេសកម្រិត៣របស់សាធារណរដ្ឋប្រជាមានិត ចិន មានទទឹងតួផ្លូវសរុបចំនួន៩ម៉ែត្រ ជាប្រភេទផ្លូវចាក់បេតុងកៅស៊ូ (AC) ព្រមទាំងមាន បំពាក់ផ្លាកសញ្ញាចរាចរណ៍ គំនូសចរាចរណ៍ បង្គោលគីឡូម៉ែត្រ និងបង្គោលសុវត្ថិភាព ផងដែរ។គម្រោងនេះចំណាយថវិកាសរុបប្រមាណ១៨៨,៣៨លានដុល្លារ សហរដ្ឋអាមេរិក ដែលជាហិរញ្ញប្បទានពីរដ្ឋាភិបាលនៃសាធារណរដ្ឋប្រជាមានិតចិន រួមជាមួយថវិកា បដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាត គ្រាប់មីន យុទ្ធភណ្ឌមិនទាន់ផ្ទុះ សាងសង់ដោយក្រុមហ៊ុនសាជីវកម្មស្ពានថ្នល់ចិន ត្រួត ពិនិត្យបច្ចេកទេសសាង សង់ដោយក្រុមហ៊ុនទីប្រឹក្សាបច្ចេកទេសក្វាងចូវ វ៉ានអាន និង គម្រោងចំណាយពេលសាងសង់ចំនួន ៤៨ខែ គិតចាប់ពីខែធ្នូ ឆ្នាំ២០១៩ ដល់ខែធ្នូ ឆ្នាំ ២០២៣។
FISH_ត្រីមានមាត់ និងឆ្មេញដូចមនុស្ស
ត្រីចម្លែក មានមាត់ និងឆ្មេញសស្គុះដូចមនុស្ស មានភ្នែកនៅលើខ្នង មានស្នាមឆ្នូតពណ៌ត្នោតកាត់ទទឹងពាក់កណ្តាលខ្លួន និងពណ៌ក្រហមកាត់ពាក់កណ្តាលបណ្តោយពោះ ទៅកាន់ផ្នែកខាងលើមាត់របស់វា ។
LEADER_Muhyiddin Yassin
ក្រោយការសម្រេចចិត្តជ្រើសរើសពីព្រះមហាក្សត្រ លោក Muhyiddin Yassin អតីតរដ្ឋមន្រ្តីក្រសួងមហាផ្ទៃ បានធ្វើសច្ចាប្រណិធានចូលកាន់តំណែងនៅវិមានជាតិ ក្នុងទីក្រុង គូឡាឡាំពួរ នាថ្ងៃអាទិត្យ ទី១ ខែមិនា ឆ្នាំ២០២០ ជានាយករដ្ឋមន្រ្តីរបស់ប្រទេសម៉ាឡេស៊ី ជំនួសលោក មហាធៀរ មហាម៉េដ ដែលបានលាលែងតំណែងដោយមានវិបត្តិនយោបាយ រយៈពេលមួយសប្តាហ៍បន្ទាប់ពីការដួលរលំនៃអតីតសម្ព័ន្ធភាពកាន់អំណាច ។
Subscribe to:
Posts (Atom)
-
ខេត្តត្បូងឃុំ បានបង្កើតឡើងតាមព្រះរាជក្រឹត្យ នស/រកត/១២១៣/១៤៤៥ ចុះថ្ងៃទី៣១ ខែធ្នូ ឆ្នាំ២០១៣ ហើយចេញប្រកាសនៅដើមខែមករ...
