លោក នួន ប៉ុក ហៅ ស៊ុន ប្រុស កើតឆ្នាំ ១៩៧៦ បានទទួលការប្រកាសចូលកាន់តំណែងនៅថ្ងៃទី២៣ ខែមីនា ឆ្នាំ២០១៦ ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ជំនួសលោក ហ៊ុន ភី ប្រធានមន្ទីរចាស់ដែលត្រូវចូលនិវត្តន៍ ។
នៅថ្ងៃទី១ ខែមីនា ឆ្នាំ២០១៨ លោក នួន ប៉ុក ផ្លាស់ប្តូរជំនួសដោយដាក់លោក ចេង ស្រុង ជាប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ។
នាល្ងាចថ្ងៃទី ១ ខែ មីនា ឆ្នាំ ២០២០ លោក នួន ប៉ុក អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ ត្រូវបានអង្គភាពប្រឆាំងអំពើពុករលួយឃាត់ខ្លួន នៅខេត្តព្រះសីហនុ យកទៅរាជធានីភ្នំពេញ ពាក់ព័ន្ធការប្រព្រឹត្តអំពើពុករលួយ កាលនៅកាន់តំណែង។
នៅល្ងាចថ្ងៃទី០៤ ខែមីនា ឆ្នាំ ២០២០ អង្គភាពប្រឆាំងអំពើពុករលួយបានបញ្ជូនលោក នួន ប៉ុក អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ទៅកាន់សាលាដំបូងរាជធានីភ្នំពេញពីបទរំលោភអំណាច បំពានធនធានធម្មជាតិ និងផ្តល់ឯកសារក្លែងក្លាយដល់អាជ្ញាធរ។
នៅល្ងាចថ្ងៃទី០៤ ខែមីនា ឆ្នាំ ២០២០ អង្គភាពប្រឆាំងអំពើពុករលួយបានបញ្ជូនលោក នួន ប៉ុក អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ទៅកាន់សាលាដំបូងរាជធានីភ្នំពេញពីបទរំលោភអំណាច បំពានធនធានធម្មជាតិ និងផ្តល់ឯកសារក្លែងក្លាយដល់អាជ្ញាធរ។
នៅរសៀលថ្ងៃទី១៧ ខែវិច្ឆិកា ឆ្នាំ២០២០ ចៅក្រមសាលាដំបូងរាជធានីភ្នំពេញប្រកាសសាលក្រមសម្រេចឲ្យជនជាប់ចោទ នួន ប៉ុក ជាប់ពន្ធនាគារ៧ឆ្នាំ និងពិន័យប្រាក់បង់ចូលថវិការដ្ឋចំនួន១០០លានរៀល និងរឹបអូសអចលនទ្រព្យចំនួន៣កន្លែង ទុកជាទ្រព្យសម្បត្តិរដ្ឋ។
