នៅយប់ថ្ងៃទី២១ ខែមិថុនា ឆ្នាំ២០១៩ តាមរយៈ Comment នៅលើផេកហ្វេសប៊ុកផ្លូវការ របស់លោក ដួង តារា សម្តេចតេជោ ហ៊ុន សែន
នាយករដ្ឋមន្ត្រី បានបញ្ជាក់ថា «សុំកុំប្រកែកគ្នា និងចោទប្រកាន់គ្នា
ពីរឿងលោក ថៃ នរៈសត្យា ត្រូវដកចេញពីដំណែង។
ក្នុងឋានៈជានាយករដ្ឋមន្ត្រី
ខ្ញុំមិនមានការចាំបាច់សួរយោបល់អ្នកណាទាំងអស់ លើការដកតំណែងនេះ។
ការដកតំណែងរបស់គាត់ គឺចង់ឲ្យថ្នាក់ដឹកនាំក្រសួងវប្បធម៌
មានភាពស្អាតស្អំ ។ ពួកអ្នកប្រពន្ធច្រើន ត្រូវបានដកចេញជាបន្តបន្ទាប់
និងបន្តដកចេញនៅពេលខាងមុខ។ នេះជាអភិក្រមទី៥គឺការ(វះកាត់)»។
សម្តេចតេជោ ហ៊ុន សែន ក៏បាន Comment នៅលើហ្វេសប៊ុក របស់លោក ថៃ នរសត្យា
ដែលមានខ្លឹមសារថា «ការដកលោក ថៃ នរសត្យា មិនពាក់ព័ន្ធជាមួយលោក ដួង
តារា ទេ។ សុំកុំភាន់ច្រឡំលើរឿងនេះ»។
យប់ថ្ងៃទី ១៩ ខែមិថុនាឆ្នាំ ២០១៩ ថៃ នរសត្យា ជារដ្ឋលេខាធិការ នៃក្រសួងវប្បធម៌ និងវិចិត្រសិល្បៈ បានសរសេររៀបរាប់ពីដំណើរជីវិតរបស់លោកជាមួយអតីតប្រពន្ធដើមរបស់ លោក ដែលបានលែងលះគ្នា១០ឆ្នាំរួចហើយ ក្នុងន័យបកស្រាយឲ្យមហាជនទូទៅបានដឹងជាសាធារណៈពីជម្លោះមួយនេះ។
តាមរយៈសំណេររបស់លោកបានបញ្ជាក់ថា ខ្ញុំខ្ពើមរអើមណាស់ជម្លោះ
ខ្ញុំខ្ពើមមនុស្សប្រើ ល្បិចរករឿងទម្លាក់កំហុសលើគេ
ដើម្បីបិទបាំងភាពអាក្រក់ជួរជាតិរបស់ខ្លួនឯង
ហើយខ្ញុំក៏មិនបន្ទោសអ្នកហៃអើដែរ
ព្រោះគ្នាស្តាប់សម្លេងរងាវតែម្ខាង មើលទៅហាក់លង់ក្នុងដ្រាម៉ា
នៃអ្នកនិពន្ធណាស់ ! ខ្ញុំខ្ពើម តែខ្ញុំចាំបាច់បំភ្លឺខ្លះវិញ
ព្រោះតែហាមឃាត់ស្រីនោះមិនបាន ដើម្បីឲ្យមហាជន លោកបានឃើញនូវចំណុច
គួរឲ្យខ្ពើមជាច្រើនដែលកំពុង បិទបាំងលាក់ពួន នៅក្នុងជ្រុងម្ខាងទៀត
នៃជង្រុកពុតត្បុតរបស់នាង។ ខ្ញុំបានអរគុណរួចហើយ
ដល់ប្រព័ន្ធផ្សព្វផ្សាយ អេឡិចត្រូនិច ទាំងអស់់ដែលបាន
យករឿងរ៉ាវជីវិត៧០ឆ្នាំរបស់ខ្ញុំនេះ ទៅបង្ហាញជូនដល់
ពីភពលោកទាំងមូលឲ្យបានដឹង បើទោះបីជាពិតខ្លះ
និងមិនពិតជាច្រើនយ៉ាងណាក៏ដោយចុះ ព្រោះថានៅក្នុងលោកនេះ
គឺវាមានតែពីរហ្នឹងឯង គឺ ពិត real និង ក្លែងក្លាយឬមិនពិត fake។
មិនអីទេ មុខរបរជាអ្នកកាសែត គឺអីចឹងហើយ ហើយខ្ញុំក៏ធ្លាប់ជា
ចាងហ្វាងកាសែតឡូកាល់ និងជាអគ្គនាយក
នៃប្រព័ន្ធផ្សព្វផ្សាយដ៏ធំមួយដែរ។ ខ្ញុំចងចាំយ៉ាងជាប់លាប់នូវ
ប្រសាសន៍របស់មេខ្ញុំ ដែលខ្ញុំគោរពស្រឡាញ់បំផុតគាត់ថា ”
អាមនុស្សខ្លះ បើដេញទាន់ហើយ មិនជាន់កែងវាទេ
វានៅតែថាឯងដេញវាមិនទាន់ដដែល ” គឺហេតុផលនេះហើយ
ដែលខ្ញុំសម្រេចចិត្ត” ជាន់កែងតែម្តងដើម្បីបង្ហាញតថភាព។
តាមរយៈខ្លឹមសារទាំងស្រុងរបស់លោកថៃ នរសត្យា លើកឡើងថា “អាណិតកូនៗណាស់
Silence is over” ។
“ប៉ុន្មានថ្ងៃនេះខ្ញុំត្រូវរងការវាយប្រហារពីសំណាក់ស្រីកំណាចម្នាក់ជាអតីតភរិយា
ដែលដាច់អហង្ការបានប្តឹងសុំលែងលះខ្ញុំតាមផ្លូវច្បាប់ជាស្ថាពរជាងដប់ឆ្នាំហើយ
គឺតាំងពីអំឡុងឆ្នាំ ២០០៨ ដែលកាលនោះ
លោកប្រធានគណ:មេធាវីនៃរាជរដ្ឋាភិបាល ឃី តិច លោកបានដឹងច្បាស់
ព្រោះស្រីនោះបានទៅពឹងពាក់នៅស្ថាប័ននេះ
ព្រមទាំងគំរាមដោយត្រង់ៗកាលពីពេលនោះថា
នឹងធ្វើឲ្យខ្ញុំអស់ទាំងការងារ និងទាំងជីវិតនយោបាយ ។ ដោយអំណាចច្បាប់
ខ្ញុំបានចាកចេញមករស់នៅតាមសមត្ថភាពដែលខ្ញុំអាច
ខ្ញុំខំដោយលំបាកលំបិនណាស់អស់ជាច្រើនឆ្នាំ
ជាមួយភរិយាក្រោយទើបសាងបានដោយលំបាកនូវជម្រកដ៏ធួនល្មមមួយនៅដាច់ស្រយាលឯជាយក្រុង។ខ្ញុំបានរៀបចំកម្មវិធីឡើងផ្ទះនោះទៅតាមលទ្ធភាពស្តួចស្តើងរបស់ខ្ញុំ
តែបែរជាស្រីកំណាចនោះផុសបរិហារកេរ្តិ៍ខ្ញុំបំភ័ន្តមតិមហាជន
ឲ្យមើលមកខ្ញុំនេះដូចជាមនុស្សអាវាសែ
ដែលទើបដើរចោលក្រុមគ្រួសារអីចឹង។
ឃើញដូចនេះខ្ញុំក៏បានពិភាក្សាជាមួយកូនៗទាំងអស់ចង់សរសេរបកពីរឿងនាងនោះដើម្បីកុំឲ្យងងើលក្នុងការឈ្លានពានខ្ញុំមិនលើកលែងជារហូតមកពេក
ព្រោះយើងបានលែងលះគ្នាតាមផ្លូវតុលាការ”ច្បាប់រដ្ឋ”ជាង១០ឆ្នាំហើយ
តែកូនៗខ្ញុំគាត់សុំខ្ញុំថាកុំអាលអី
បើប៉ាសរសេរសុំត្រឹមផ្ញើចូលឆាតគាត់សិនចុះ
ដើម្បីកុំឲ្យគាត់យល់ថាគាត់ perfect ពេក
ហើយចេះតែមានគំនិតបំផ្លាញគេមិនឈប់ដូចនេះ។
ខ្ញុំបានសរសេរហើយផ្ញើចូលឆាតនាងនោះ
តែនាងមិនត្រឹមតែមិនយកទៅពិចារណាទេ គឺថែមទាំងឆាតមកជេរប្រមាថខ្ញុំ
ដូចទម្លាប់ដែលនាងធ្លាប់តែកៀបសង្កត់មើលងាយខ្ញុំ ដូចកាលពីមុន(ខ្ញុំមានសម្លេងជេរប្រមាថនេះ) ហើយបន្ត ចេតនាអាក្រក់ជាមួយបនភឿនក្នុងការបំផ្លាញ់ខ្ញុំថែមទៀត ឥតដកដៃតាមចរិតអាក្រក់របស់ គាត់។
ខ្ញុំធន់ទ្រាំរងការប្រមាថក្រោយការលែងលះច្រើនឆ្នាំ
មិនបើកកាយអីទេ ព្រោះអាណិត កូនដែលនៅតូចៗ
តែពេលនេះកូនៗខ្ញុំគេធំដឹងក្តីអស់ហើយ
ដូចនេះដើម្បីកុំឲ្យយល់ច្រឡំមកលើខ្ញុំខ្លាំងពេក
ខ្ញុំសុំបង្ហាញជូននូវសំណេររបស់ខ្ញុំទៅនាងនោះដូចខាងក្រោម។
” បើមិនបិទមាត់ទេ កុំថាខ្ញុំខ្វះការយោគយល់ ៉។
ខ្ញុំសម្រេចចិត្តនឹងនិទានរឿងល្បិចកលនៃអំពើផិតក្បត់ដ៏សាហាវរបស់ស្រីអំនួតម្នាក់
ដែលចេះតែបំផ្លាញច្រើនជាងកសាង។
ខ្ញុំនឹងបកបង្ហាញសាធារណជនក្នុងឲ្យពួកគេបានដឹងតាំងពី ក ដល់ អ ។
ពីប្រុសសហាយទាំងមកពីអាមេរិក ទាំងនៅខ្មែរ ទាំងអាម្នាក់នៅតាខ្មៅ
ទាំងអាម្នាក់ដែលខ្ញុំទៅធាក់ទ្វារចាប់បានរួមគ្នានៅបន្ទប់លេខ 14
នៃផ្ទះសំណាក់មួយនៅត្រើយម្ខាង។
ចាប់បានប៉ុណ្ណឹងហើយគ្មានញិនអីបន្តិចគឺហ៊ានជេបញ្ចោរខ្ញុំនៅចំពោះមុខប្រុសសាហាយដែលកំពុងភ័យស្លន់នោះទៀត
ម្នាក់នោះខ្ញុំស្គាល់ទាំងប្រពន្ធរបស់គេទៀត
ប្រពន្ធម្នាក់នេះគោរពរាប់អានខ្ញុំណាស់
ហើយគឺប្រពន្ធម្នាក់នោះឯងដែលតេមកប្រាប់ខ្ញុំពីការលួចជួបគ្នានេះ។
គឺបង្ហាញទាំងអស់ រាប់ទាំងអាសង្ហារឈ្មោះ ដួង តារា
ដែលល្បីថាពូកែខាង IT ម្នាក់ថែមទៀត
ដែលវានេះមានទំនាក់ទំនងគ្នាស្អិតរមួតរាប់ឆ្នាំមកហើយ
ហើយទើបតែមានការងារ និងមានប្រពន្ធមិនជាយូរប៉ុន្មាននេះ។
គឺវានោះហើយដែលឃុបឃិតជាមួយស្រីនោះនាំដល់ការបំផ្លាញ villa
របស់កូនៗខ្ញុំ
ឲ្យក្លាយជាផ្ទះការ៉ាអូខេ…បន្ទាប់មកក៏គឺវានេះទៀតដែរ
ដែលទើបនឹងមានមុខមានមាត់មានលុយ
ជាអ្នកនៅពីក្រោយការកម្ទេចវីឡានេះឲ្យទៅជាផ្ទះល្វែងទៀត។
ដោយវាជាម្ចាស់លុយក្នុងការជួយឲ្យស្រីនោះវាយផ្ទះវីឡាចោលដើម្បីធ្វើជាផ្ទះល្វែងនោះ
វាមានអាទិភាពជ្រើសរើសយកអាល្វែងកណ្តាលទៀតផង ឥឡូវកំពុងដាក់លក់។
និយាយពីការហិនហោចការបញ្ចាំផ្ទះវីឡានៅធនាគារ Acleda ជាមួយ
អង្គរជុំកាត់ដេរ យកលុយមកចាយវាយមិនដឹងមុខ រហូតដល់វ័ណ្ឌក
ត្រូវធនាគារបង្ខំអនុវត្តនិតិវិធីធនាគារ
ក៏មកអង្វរខ្ញុំឲ្យលក់ដីជាទីស្រឡាញ់របស់ខ្ញុំមួយកន្លែងនៅកំពង់សោម
ឲ្យទៅម្ចាស់ផ្សារទំនើប Samudara តម្លៃបាន៣១ម៉ឺនដុល្លារ
ដោយសន្យាថាឲ្យតែខ្ញុំព្រមលក់ដីខ្ញុំបន្តិចជាប់ថែម
ដើម្បីយកប្លង់ផ្ទះមកវិញទុកឲ្យកូនៗនៅគេឈប់ប៉ះពាល់ផ្ទះនេះទៀតហើយ។
ស្រីម្នាក់នោះប្រើល្បិចអោនលំទោនដាក់ខ្ញុំដោយសន្យាជាមួយខ្ញុំថា
មិនកាន់ប្លង់ផ្ទះនោះទៀតទេទុកឲ្យខ្ញុំកាន់ការពារចុះ
ប៉ុន្តែគ្រាន់តែបានប្ល្ង់ផ្ទះនោះមកដល់ដៃវិញ
ក៏យកទៅទុកធ្វើមិនដឹងទៅ ! មិនដឹងថាក្រោយមក
ប្លង់នេះត្រូវដាក់បញ្ចាំនៅកន្លែងណាទៀតដែរ
ព្រោះឃើញតែខ្វះតែរហូត។ និយាយពីលុយលក់ដីផ្ទះនៅកំពង់សោមនោះវិញ
គឺគ្រាន់តែបានលុយភ្លាមស្រីល្បិចនោះបានទារយក១ម៉ឺនភ្លាមយ៉ាងតក់ក្រហល់ដោយនិយាយថាមានការត្រូវដោះស្រាយជាបន្ទាន់ផ្សេងទៀតភ្លាម
។ ក្រោយពីខ្ញុំឲ្យលុយ១ម៉ឺននោះទៅ
ភាពហ៊ឹកហ៊ាក់ក៏ត្រឡប់មកវិញភ្លាម
ដោយឃើញបនភឿនពួកគេជិះពេញៗឡានដោយទឹកមុខរីករាយភ្លាមដែរ។
ចំណែកលុយ៣០ម៉ឺន ខ្ញុំមានភារកិច្ចត្រូវយកទៅទូទាត់ជាមួយធនាគារ
អេស៊ីលីដា ជ្រោយចង្វារដើម្បីលោះប្លង់ផ្ទះ villa
នោះមកវិញនិងត្រូវចេញជំនួសចំណែករបស់អង្គរជុំថែមទៀត
ដោយហេតុថាស្រីម្ចាស់ផ្ទះនេះវាថ្លៃថ្នូរពេក
ដែលសូម្បីតែការយកប្លង់ផ្ទះរបស់ខ្លួនឯងទៅបញ្ចាំធនាគារចំនួន
២០ម៉ឺននោះ ក៏គេមិនទទួលដែរ ព្រោះក្រេឌីតវាឡើងកប់ពេក
ដូចនេះត្រូវពឹងពាក់ទៅលើអ្នកមេអណ្តើក co-between ម្នាក់ទៀតគឺអង្គរជុំ
ដោយព្រមឲ្យគេបន្ថែមពីលើ ១០ម៉ឺនទៀត សារុបទាំងស្រីនោះយក
និងមេអណ្តើកយកបន្ថែមគឺ ៣០ម៉ឺនដុល្លា USA
ដូចនេះលុយនោះខ្ញុំមិនបានប៉ះពាល់សូម្បីតែមួយសេនឡើយ ។
សូមសាធារណៈជនលោកមេត្តាពិចារណារកហេតុផលដោយអធ្យាស្រ័យផងចុះថា ”
បើគង់តែនិងវ៉ៃបំផ្លាញ villa ធុនមធ្យមដ៏ល្អច្រឡឹងមួយនេះចោល
ហើយសង់ផ្ទះល្វែងដូចសព្វថ្ងៃដដែល
តើចាំបាច់ទេដែលសុំអង្វរខ្ញុំឲ្យលក់ដីនៅកំពង់សោមយកមកសង្គ្រោះវាដើម្បីវាយចោលហើយសង់ជាផ្ទះល្វែងជាមួយអាសំណព្វចិត្ត
ដួង តារា ដែលក្រោយសងើហើយវាពុះយកល្វែងកណ្តាលនោះធ្វើអី
បើវាត្រូវរលាយតែទាំងពីរអ៊ីចឹងនោះ ? តើជាភាពងងើល អំនួត អត្តនោម័ត
ល្ងង់ ឬឆ្លាតខ្លាំង
ដែលវ៉ៃផ្ទះធំចោលទៅធ្វើជាផ្ទះល្វែងបានតែ៣ល្វែង ហើយឲ្យ ដួង តារា
យកអាល្វែងកណ្ដាលអីចឹងនោះ? ។ អំពើរបៀបអីក៏នាងនោះអាចធ្វើបានដែរ
រាប់ទាំងការប្រមាថមកលើក្រុមគ្រួសារខ្ញុំ
និងអំពើហឹង្សាគ្មានគតិមកលើរូបខ្ញុំឥតឈប់ឈរ
ដែលកូនៗរបស់ខ្ញុំធ្លាប់បានឃើញដោយផ្ទាល់ភ្នែកនូវរឿងខ្លះនៃករណីនេះ
ហើយថ្មីៗនេះគំរាមសម្លាប់ខ្ញុំថែមទៀត ខ្ញុំមានសម្លេង។ .
ខ្ញុំមិនមែនដើរចោលផ្ទះដូចការបរិហារនោះទេ
ខ្ញុំត្រូវបង្ខំចិត្តចាកចេញដោយអំណាចសាលក្រមតុលាការ
ព្រោះតែការប្តឹងសុំលែងលះរបស់ស្រីនោះ
ទោះបីជាខ្ញុំខំសម្រុះសម្រួលយ៉ាងណាក៏មិនព្រមដាច់ខាត
ព្រោះតែកំពុងជក់សូរក្នុងការចង់លែងខ្ញុំ ដើម្បីសេរីភាព
និងគោលបំណងមួយ ឬច្រើនជាងនេះ។ តាមផ្លូវច្បាប់
នាងនោះអស់សិទ្ធិពាក់ព័ន្ធគ្នាជាមួយខ្ញុំ
តាមសាលដីការតុលាការនៃប្រទេសផង និងតាមបំណងដែលស្រីនោះចង់បានផង
ដូចនេះការបរិហារកេរ្តិ៍ខ្ញុំ គឺជាបទល្មើសព្រហ្មទណ្ឌ
ចំណែកឯការកសាងគ្រួសារ និងសំបុកទ្រមុំថ្មីរបស់ខ្ញុំ
វាជាសតិរបស់មនុស្សជាតិ ដោយហេតុថា “សត្វត្រូវមានសំបុក
មនុស្សត្រូវមានផ្ទះ”…..
ខ្ញុំខ្ពើមរអើមណាស់ជម្លោះ
ខ្ញុំខ្ពើមមនុស្សប្រើល្បិចរករឿងទម្លាក់កំហុសលើគេដើម្បីបិទបាំងភាពអាក្រក់ជួរជាតិរបស់ខ្លួនឯង
ហើយខ្ញុំក៏មិនបន្ទោសអ្នកហៃអើដែរ
ព្រោះគ្នាស្តាប់សម្លេងរងាវតែម្ខាង មើលទៅហាក់លង់ក្នុងដ្រាម៉ា
“Drama” នៃអ្នកអ្នកនិពន្ធណាស់ ! ខ្ញុំខ្ពើម
តែខ្ញុំចាំបាច់បំភ្លឺខ្លះវិញព្រោះតែហាមឃាត់ស្រីនោះមិនបាន
ដើម្បីឲ្យមហាជនលោកបានឃើញនូវចំណុចគួរឲ្យខ្ពើមជាច្រើនដែលកំពុង
បិទបាំងលាក់ពួននៅក្នុងជ្រុងម្ខាងទៀតនៃជង្រុកពុតត្បុតរបស់នាង។
ខ្ញុំបានអរគុណរួចហើយដល់ប្រព័ន្ធផ្សព្វផ្សាយ អេឡិចត្រូនិច
ទាំងអស់់ដែលបានយករឿងរ៉ាវជីវិត៧០ឆ្នាំរបស់ខ្ញុំនេះ
ទៅបង្ហាញជូនដល់ពីភពលោកទាំងមូលឲ្យបានដឹង បើទោះបីជាពិតខ្លះ
និងមិនពិតជាច្រើនយ៉ាងណាក៏ដោយចុះ
ព្រោះថានៅក្នុងលោកនេះគឺវាមានតែពីរហ្នឹងឯង គឺ ពិត real និង
ក្លែងក្លាយឬមិនពិត fake។ មិនអីទេ មុខរបរជាអ្នកកាសែតគឺអីចឹងហើយ
ហើយខ្ញុំក៏ធ្លាប់ជាចាងហ្វាងកាសែតឡូកាល់
និងជាអគ្គនាយកនៃប្រព័ន្ធផ្សព្វផ្សាយដ៏ធំមួយដែរ។
ខ្ញុំចងចាំយ៉ាងជាប់លាប់នូវ ប្រសាសន៍របស់មេខ្ញុំ
ដែលខ្ញុំគោរពស្រឡាញ់បំផុតគាត់ថា ”
អាមនុស្សខ្លះបើដេញទាន់ហើយមិនជាន់កែងវាទេ
វានៅតែថាឯងដេញវាមិនទាន់ដដែល ” គឺហេតុផលនេះហើយ
ដែលខ្ញុំសម្រេចចិត្ត”ជាន់កែងតែម្តងដើម្បីបង្ហាញតថភាព ” ចិត្តវិទ្យានៃរបបអ្នកនាំពាក្យ
គឺមិននាំរឿងទេ ! ៉
តែវគ្គសិក្សាជាទ្រឹស្តី បទមូលដ្ឋាននៃអ្នកនៃពាក្យបានបង្ហាញថា ”
បើចង់រម្ងាប់ព័ត៌មានក្លែងក្លាយត្រូវប្រតិកម្ម រហ័សដោយពត៌មាន ”
Kill the fake News is push out the Real News”។
សូមបញ្ជាក់ មានសារព័ត៌មានជាច្រើនបានចុះផ្សាយពីដំណើររឿងថា
កាលពីពេលថ្មីៗនេះមានហេតុការណ៍
ដ៏គួរឱ្យភ្ញាក់ផ្អើលបានកើតឡើងក្រោយពេលដែល លោក ថៃ នរសត្យា
បង្ហាញមុខភរិយាស្រស់ស្អាតឈ្មោះ ទេព សុធីតា
ដោយលោកបានរៀបចំពិធីសំពះផ្ទឹមនាពេលព្រឹក
និងល្ងាចរៀបចំពិធីឡើងផ្ទះវីឡាថ្មី នៅសង្កាត់ចោមចៅ
ខណ្ឌពោធិសែនជ័យ រាជធានីភ្នំពេញ កាលពីថ្ងៃទី១៥ ខែមិថុនា ។
តែទោះជាយ៉ាងណាមិញ ក្រោយពេលមានការផ្សព្វផ្សាយ នូវព័ត៌មានខាងលើ
អ្នកស្រី ងិន ម៉ានីយ៉ា ដែលជាអតីតភរិយារបស់លោកថៃ នរសត្យា
ក៏បានបង្ហាញការភ្ញាក់ផ្អើល ក្នុងនោះគាប់ជួននៅថ្ងៃនេះ
ក៏ជាថ្ងៃខួបកំណើតកូនស្រី អ្នកស្រី ងិន ម៉ានីយ៉ា ក៏បានធ្វើការជូនពរ
និងរៀបរាប់ពីអារម្មណ៍ រហូតដល់បានទម្លាយរឿងរ៉ាវយ៉ាងដូច្នេះថា៖
«កាលពី ២៤ឆ្នាំមុន នៅពេលថ្មើរនេះម៉ាក់បានប្រសូតកូនស្រីម្នាក់
ដែលស្អាតគួរជាទីស្រឡាញ់របស់គ្រួសារ
បងប្រុសកូនទាំងពីរនាក់សើចញញឹម
ប្រលែងនឹងកូនមិនទៅណាឆ្ងាយពីអូនឡើយ ព្រោះខ្លាចមានគេ
មកដណ្ដើមយកកូនទៅ ព្រោះតែមានចាស់ៗជន្លលេងថា យកប្អូនហើយយកៗ
ហេតុនេះទើបបងប្រុសកូនទាំងពីរ
មិនទៅណាឆ្ងាយពីកូនទេគឺនៅយាមអង្រឹងកូនម្ខាងម្នាក់។
ម៉ាក់សប្បាយចិត្តខ្លាំងណាស់ ទោះបីម៉ាក់ស្ថិតនៅក្នុងភាព
ល្វើយខ្សោយអស់កម្លាំងយ៉ាងណា ក៏ដោយក៏មានកម្លាំងចិត្ត
និងមានសុភមង្គលបំផុត ព្រោះតែមានកូនប្ដីនៅជុំគ្នា។
ពេលនោះប៉ារបស់កូនៗល្អខ្លាំងណាស់
គឺជាឪពុកម្នាក់ដែលស្រឡាញ់ប្រពន្ធ ស្រឡាញ់កូន ស្រឡាញ់ក្រុមគ្រួសារ
គួរជាទីឱ្យគោរពជាទីបំផុត។ ប៉ុន្តែបន្ទាប់ពីកូនធំបន្តិចមក
ម៉ាក់ក៏បានទៅជួបគ្រួសារម្ដាយមីងបង្កើត
គឺប្អូនរបស់ម្ដាយម៉ាក់បង្កើត រស់នៅឯកំពង់ឆ្នាំង ដោយសារម៉ាក់យាយកូន
គាត់ទាមទាររកប្អូននឹកប្អូនគាត់ខ្លាំងពេក
ម៉ាក់ក៏តាមដើរស្វែងរករហូត ទើបជួបគ្រួសារមួយនោះ
ហើយក៏នាំយកចូលផ្ទះ។ តែបំផុតកូនដឹងហើយ ដូចសព្វថ្ងៃនេះ
ស្រីម្នាក់នោះសាហាវខ្លាំងបំផុត
គឺគេមិនបានគិតពីក្រុមគ្រួសារយើងទេ វានៅក្មេងសោះ ហើយមានប្ដីទៀត
បែរជាលួចសហាយស្មន់នឹងគ្នា នៅលើផ្ទះម៉ាក់
ទីបំផុតអ្វីៗដូចសព្វថ្ងៃនេះ។ បានហើយឈប់និយាយពីគេ
យើងនិយាយពីម៉ែកូនយើងវិញ ថ្ងៃនេះជាថ្ងៃកំណើតកូនម៉ាក់ សូមជូនពរកូន
ដោយកូនជួបតែសេចក្ដីសុខ និងជោគជ័យគ្រប់យ៉ាងក្នុងជីវិត
ពួកយើងបានជួបព្យុះភ្លៀងបក់បោក មកលើគ្រួសារយើង ជួបគ្រប់គ្នារួចហើយ
ហេតុនេះចាប់ពីពេលនេះ ទៅសូមឱ្យគ្រួសារយើង បានសុខរវាងម្តាយនិងកូន
មានតែការយល់ចិត្តស្រឡាញ់គ្នា ផ្ដល់កម្លាំងចិត្តឲ្យគ្នា
ជួយគ្នាគ្រប់ពេលលំបាក។ ម្ដាយម្នាក់នេះប្ដេជ្ញាថា
នឹងរស់ដើម្បីពួកកូនសប្បាយចិត្ត ជាមួយនឹងកូន
ដោយមិនគិតពីអ្វីទាំងអស់ អ្វីដែលកន្លងហួសហើយ
ឲ្យវាទៅចុះម៉ាក់លែងឈប់គិតនឹកនាវាទៀតហើយ ម៉ាក់សន្យា។
រីករាយថ្ងៃខួបកំណើតកូនស្រី កូនទាំងបី
គឺជាបេះដូងម្ដាយគឺជាជីវិតម្ដាយ»។
