សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញសេចក្តីសម្រេច នាថ្ងៃទី ២៤ ខែមិថុនា ឆ្នាំ២០១៩ តែងតាំង ឯ.ឧ. គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ ជំនួស ឯ.ឧ. ញឹម វណ្ណដា ដែលត្រូវបានដកចេញ។ ឯ.ឧ. គន់ គីម ក៏ជាអនុប្រធាន និងជាអគ្គលេខាធិការ សមាគមអតីតយុទ្ធជនកម្ពុជា។ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នាថ្ងៃទី២៦ ខែតុលា ឆ្នាំ២០២២ បានចេញព្រះរាជក្រឹត្យផ្តល់គោរមងារកិត្តិយស នៃរាជបណ្ឌិត្យសភាកម្ពុជា ជូនឯ.ឧ. គន់ គីម ជា «កិត្តិសង្គហបណ្ឌិត» ។
