អ្នកថតរូបម្នាក់បានប្តឹងតារាចម្រៀងអាមេរិចឈ្មោះ Arina Grande ដោយគ្រាន់តែតារា ចម្រៀងរូបនោះយករូបថតរបស់ខ្លួនឯងចំនួន២សន្លឹកបង្ហោះនៅលើ Instagram ។
អ្នកថតរូបឈ្មោះ Robert Barbera បានអះអាងថា Arina Grande
បានយករូបថតនាងទៅបង្ហោះដោយគ្មានការអនុញ្ញាតពីគាត់ ព្រោះគាត់ជាអ្នកថតរូបនោះ ។ លោកបានប្តឹងតារាងចម្រៀងវ័យក្មេងនោះពីបទរំលោភសិទ្ធិ
និងបានទារសំណងចំនួន ៣៤.០០០ដុល្លា ក្នុងមួយសន្លឹក
ឬក៏ទារយកប្រាក់ចំណូលទាំងអស់ដែលនាងរកបានពីការបង្ហោះរូបថតនោះនៅលើ
Instagram ។
តារាងចម្រៀងដ៏ល្បីនោះត្រូវបានគេចោទប្រកាន់ថា បានបង្ហោះរូបថតនោះកាលពីខែសីហាឆ្នាំមុន។ រូបថតនោះ ក្រោយមកត្រូវបានគេលុបចេញ
ប៉ុន្តែវាបានទទួលការចុច Like លើសចំនួន ៣លាន ។ Arina Grande
មិនទាន់បានធ្វើការឆ្លើយតបទៅនឹងការចោទប្រកាន់នៅឡើយទេ។
Arina Grande
គឺជាតារាចម្រៀងដ៏ល្បីឈ្មោះរបស់អាមេរិចម្នាក់ដែលមានការពេញនិយមក្នុងចំណោមប្រជាជនអាមេរិច
ហើយមានអ្នក Follow នៅលើ Instagram រហូតដល់ ១៥៤លាននាក់៕ (អត្ថបទប្រែសម្រួលដោយ សុភ័ក្រ)
