លោក ប៊ុនរឿន ដែលជាមន្ត្រីនៅសាលាខណ្ឌជ្រោយចង្វា និងជាមន្ត្រីស្និទ្ធនឹងលោក ឃ្លាំង ហួត អភិបាលខណ្ឌជ្រោយចង្វារ បានឡាយហ្វេសប៊ុកសម្តែងនូវការឈឺចាប់សោកសង្រេង
បន្ទាប់ពីប្រពន្ធជាទីស្រឡាញ់របស់គាត់
បានយកឡានម៉ាកតូយ៉ូតា តាកូម៉ាទៅលក់បាត់ដោយមិនបានប្រាប់ឲ្យគាត់ដឹងនោះឡើយ។
លោកប៊ុនរឿនបានបន្ថែមទៀតថា អ្វីដែលគាត់ហួសចិត្តនោះគឺប្រពន្ធគាត់បានទៅបាត់ចោលគាត់រយៈពេលពីរថ្ងៃហើយ
មិនដឹងជាទៅទីណាដោយប្រមូលលុយទាំងអស់ក្នុងផ្ទះយកទៅអស់។
លោកក៏បានបន្ថែមទៀតថា ដោយសារតែខ្លួនស្រឡាញ់ និងទុកចិត្តប្រពន្ធខ្លាំងពេករហូតចង់ប្រគល់ជីវិតឲ្យទៅប្រពន្ធទៀត
ក៏បានដាក់ឈ្មោះទ្រព្យសម្បត្តិ របស់របរ ប្លង់ដី រថយន្ត
សៀវភៅធនាគារ រួមទាំងវិក្កយបត្រទឹកភ្លើងផងដែរ
គឺឈ្មោះប្រពន្ធគាត់ គឺអ្នកស្រីអារីយាទាំងអស់។
លោកបានបន្តថា នៅពេលនេះគឺនេះមិនដឹងថា ប្រពន្ធគាត់ អ្នកស្រីអារីយ៉ានៅទីណានោះទេ
ហើយគាត់ក៏បានប្រកាសថា ខ្ញុំប៊ុន រឿន អាយុ 40
ឆ្នាំបានប្រកាសលែងលះជាមួយអតីតភរិយាគឺអ្នកស្រីអារីយ៉ាតាមផ្លូវច្បាប់ហើយ
ដោយរៀបចំពាក្យបណ្ដឹងទៅតុលាការដើម្បីសុំលែងលះតាមផ្លូវច្បាប់។
លោកបានបញ្ជាក់ថា លោកនិងប្រពន្ធរបស់លោកមិនមានការឈ្លោះទាស់ទែងអ្វីសុំតែបន្តិចក៏គ្មានដែរ
ហើយលោកក៏មិនដឹងថា ប្រពន្ធរបស់លោកហ៊ានក្បត់ចិត្តលោក វេចលុយរត់បែបនេះនោះដែរ។
លោកប៊ុនរឿងក៏បានផ្ដាំផ្ញើទៅបុរសជាស្វាមីទាំងអស់ឲ្យពិចារណាឡើងវិញ កុំទុកចិត្តលើប្រពន្ធខ្លាំងពេក
ដូចរូបលោករហូតហ៊ានដល់ដាក់ឈ្មោះប្រពន្ធកាន់កាប់លើទ្រព្យសម្បត្តិទាំងអស់ ចុងក្រោយ
ដូចរូបលោកមានតែទឹកភ្នែក ចង់ធ្លាក់ថ្លើម និងគាំងបេះដូងដោយសារតែប្រពន្ធជាទីស្រឡាញ់ក្បត់វេចលុយរត់ដោយគ្មានប្រាប់ដំណឹងអ្វីបន្តិចសោះ។
លោកប៊ុនរឿនបញ្ជាក់ថា ពេលនេះលោកបន្សល់ទុកនូវសោកនាដកម្ម ការឈឺចាប់
និងទ្រព្យសម្បត្តិមហាសាលរបស់លោក គឺកូន៤នាក់ ម្តាយក្មេកចាស់ជរា
និងបំណុលធនាគារជិត២ម៉ឺនដុល្លា ព្រមទាំងលុយនៅក្នុងហោប៉ៅតែ១.៧០០រៀល ។ ចំណែកប្រពន្ធលោកប្រមូលលុយយកទៅអស់ រួមមានលុយលក់រថយន្ត មាស ប្រមាណ៧ទៅ៨តម្លឹង
ប្លាកទីនប្រមាណ៣ទៅ៤តម្លឹង សរុបប្រមាណ៣ទៅ៤ម៉ឺនដុល្លា។
យ៉ាងណាមិញ ទាំងអស់នេះគ្រាន់តែជាការអះអាង និងរៀបរាប់របស់លោក ប៊ុនរឿន
តែម្ខាងប៉ុណ្ណោះ ហើយមិនខុសទេ ដែលពាក្យចាស់ពោលថា
(ចង្កៀងផ្ទះអ្នកណា គឺភ្លឺផ្ទះអ្នកនោះហើយ) ខ្ញុំសុំនៅកណ្ដាលសិន
ទាល់តែទទួលបានដំណឹងពីបងយ៉ា។
ជាមួយគ្នានេះផងដែរ ការបែកបាក់របស់ពួកគាត់ទាំងពីរ
អាចកើតឡើងពិតប្រាកដមែនឬយ៉ាងណា?
បើគ្រប់យ៉ាងមិនទាន់ទទួលបានការបកស្រាយ ឬដើមហេតុ ដោយសារអ្វី
និងមិនទាន់ដឹងពីសាមីខ្លួនអ្នកនាង រ័ត្ន ស្រីយ៉ា មួយម៉ាត់សោះឡេីយ
ទោះជាយ៉ាងណា នៅពេលដែលលោក ប៊ុនរឿន Live ផ្សាយផ្ទាល់
ធ្វេីឲ្យអ្នកដែលស្គាល់លោកប៊ុនរឿន និងអ្នកនាងអារីយ៉ាជាច្រេីន
បានចូលរួមផ្ដល់មតិសម្ដែងការសោកស្ដាយ អ្នកខ្លះមិនជឿ
អ្នកខ្លះលេីកទឹកចិត្ត អ្នកខ្លះយល់ថា បែបនេះ បែបនោះ
និងបានវាយតម្លៃទៅលេីអ្នកនាងអារីយ៉ាយ៉ាងខ្លាំង
ពិតណាស់គាត់ជាបុគ្គលល្បីទាំងប្ដី ទាំងប្រពន្ធ
(ទាំងក្នុងបណ្ដាញសង្គម និងជីវិតខាងក្រៅ)
តែទោះបុគ្គលល្បីក៏មានជីវិតឯកជនរបស់ពួកគាត់ដែរ
តួយ៉ាងការបែកបាក់របស់គាត់ ហេីយការសម្រេចចិត្តធ្វើអ្វីរបស់ពួកគាត់
នេះជាសិទ្ធិរបស់ពួកគាត់
ព្រោះគ្រប់យ៉ាងយេីងទេីបតែដឹងពីម្ខាងប៉ុណ្ណោះ
ដូចការបញ្ចេញមតិរបស់មនុស្សមួយចំនួនបានវាយ តម្លៃយ៉ាងជាក់ច្បាស់។
តើការវិនិច្ឆ័យយ៉ាងដូចនេះតាមរយៈភ្នែកអ្នកឃើញតែប៉ុណ្ណេះ
ឬអ្នកដឹងច្បាស់អំពីផ្ទៃក្នុងនៃគ្រួសារមួយនេះ?
បើតាមសីលធម៌របស់មនុស្ស ការដៀល ប្រមាថ បៀតបៀននរណាម្នាក់
នេះមិនមែនជាមនុស្សប្រកបដោយសីលធម៌នោះទេ។ តើអ្នកបានដឹកនាំជីវិតអ្នកឲ្យបានល្អប្រសើរហើយឬនៅ?
តើអ្នកជាមនុស្សដែលអ្នកផងជុំវិញស្រឡាញ់រាប់អានទាំងអស់ឬទេ? ។ ខណៈមជ្ឈដ្ឋានមួយចំនួនបាននិយាយថា បេីអ្នកនាង អារីយ៉ា
ប្រមូលលុយយកទៅអស់ រួមមានលុយលក់រថយន្ត មាស ប្រមាណ៧ទៅ៨តម្លឹង
ប្លាកទីនប្រមាណ៣ទៅ៤តម្លឹង សរុប ប្រមាណ៣ទៅ៤ម៉ឺនដុល្លា ខណៈដែលគ្រួសារជំពាក់បំណុលធនាគារជិត២ម៉ឺនដុល្លារ តេីអ្នកនាង
អារីយ៉ា យកលុយទៅទុកបង់ផ្ដាច់បំណុលធនាគារពិតមែនទេ?
ព្រោះសកម្មភាពទាំងអស់ស្ថិតក្នុងមន្ទិលសង្ស័យនៅឡេីយ ខណៈដែលអ្នកនាង អារីយ៉ា បាត់ដំណឹងឈឹង មិនដឹងនៅទីណានៅឡេីយ ។
សម្រាប់ខ្ញុំអាម៉េង គឺកំពុងព្រួយបារម្មណ៍ពេលនេះ គឺអ្នកនាង
អារីយ៉ា យកលុយទៅច្រេីនយ៉ាងនេះ ខណៈដែលការផ្សព្វផ្សាយជាសាធារណៈថា
អ្នកនាង យកលុយទៅជាមួយជិត៤ម៉ឺនដុល្លាទៀត ឬយកដាក់ចូលកុងធនាគារ?
សូមគិតពីសុវត្ថិភាព របស់គាត់ផង!
សូមធ្វើការអភ័យទោសទុកជាមុននៅក្នុងសំណេរ
និងការបញ្ចេញមតិរបស់ខ្ញុំម៉េង…៕ ដោយ កូឡាប (20190520)
លោកជួន ប៊ុនរឿន អគ្គនាយកភ្នាក់ងារសារព័ត៌មានសង្គម TNB
និងជាសមាជិកក្រុមប្រឹក្សាខណ្ឌជ្រោយចង្វា
បានឡាយបង្ហោះព័ត៌មានជាសាធារណៈប្រកាសមិនទទួលស្គាល់ជាប្រពន្ធទៀត
ហើយនឹងប្តឹងទៅសាលាដំបូងរាជធានីភ្នំពេញ ដើម្បីសុំលែងលះប្រពន្ធថែមទៀតផង ។ ការឡាយបង្ហោះព័ត៌មានតាមបណ្តាញសង្គមនេះកាលពីរសៀលថ្ងៃទី១៩ ខែឧសភា
បន្ទាប់ពីបែកធ្លាយរឿងរថយន្តតាកូម៉ាមួយគ្រឿង
ដែលគាត់ប្រកាស និងប្តឹង សមត្ថកិច្ចថា «បាត់» តាមពិតប្រពន្ធរបស់គាត់ឈ្មោះ រ័ត្ន អារីយ៉ា ដែលមានឈ្មោះជាកម្មសិទ្ធិ
បានលួចយកទៅលក់ ។
គួរបញ្ជាក់ថា រថយន្តម៉ាកតូយ៉ូតាមួយគ្រឿង ពណ៌ស ពាក់ស្លាកលេខ
ភ្នំពេញ២AN.០០៩០ ដែលជាអំណោយរបស់លោក ឃ្លាំង ហួត អភិបាលខណ្ឌ ជ្រោយចង្វា
ត្រូវបានចោរលួច
បាត់ និងបង្កឲ្យមានការភ្ញាក់ផ្អើលកាលពីថ្ងៃទី១៨ ខែឧសភា ឆ្នាំ២០១៩
។ បន្ទាប់ពីបាត់រថយន្តជាទីស្រឡាញ់លោក ជួន ប៊ុនរឿន ហៅប៊ុនរឿង
ប្រុសស្អាត់ជ្រោយចង្វា ក៏បានទៅដាក់ពាក្យបណ្តឹងនៅកងរាជអាវុធហត្ថ
និងនគរបាលខណ្ឌដើម្បីឲ្យជួយស្រាវជ្រាវ
ព្រមទាំងប្រកាស និងផ្សាយព័ត៌មានតាមបណ្តាញសង្គម និងសារព័ត៌មានTNB ។
អ្វីដែលមិននឹកស្មានដល់ បន្ទាប់ពីមានការផ្សាយ និងបង្ហោះព័ត៌មាន
ស្រាប់តែមានព័ត៌មានថា រថយន្តនោះមិនមែនត្រូវចោរលួចទេ គឺឈ្មោះ រ័ត្ន
អារីយ៉ា ដែលជាភរិយា ជាអ្នកលួចយកទៅលក់ស្មោះ ព្រោះរថយន្តនោះ
បានធ្វើប័ណ្ណសម្គាល់យានយន្ត(កាតគ្រី)ដាក់ឈ្មោះប្រពន្ធ ។
តាមការឡាយព័ត៌មានរបស់លោក ជួន ប៊ុនរឿន បានឱ្យដឹងថា
រយៈពេល២ថ្ងៃមកហើយ ដែលលោកមិនបានដេកនោះទេ បន្ទាប់ពីរថយន្ត
ដែលជាអំណោយរបស់លោក ឃ្លាំង ហួត
អភិបាលខណ្ឌជ្រោយចង្វាឲ្យសម្រាប់ជិះបម្រើការមនុស្សធម៌នោះត្រូវបានចោរ លួច ។
លោក ប៊ុន រឿន ក៏បានឱ្យដឹងទៀតថា កាលពីរសៀលថ្ងៃទី១៦ ខែឧសភា
រថយន្តនោះ ត្រូវបានប្រពន្ធរបស់ខ្លួនជិះយកទៅកក់សក់ ហើយទៅបាត់ ។
នៅវេលាម៉ោងប្រមាណ៥គាត់ក៏បានទូរស័ព្ទទៅប្រពន្ធប្រាប់ថា
ចូលផ្សារទិញម្ហូប ហើយក្រោយមកម៉ោងប្រមាណ៦ថា
យករថយន្តមកទុកសាលាខណ្ឌ ហើយបាត់រហូត ទាក់ទងក៏មិនចូលដោយស្មានថា
ទៅលេងផ្ទះបងប្អូន ។
ពេលទៅរករថយន្តជិះ ក៏បានផ្អើលថា បាត់រថយន្ត
ហើយក៏បានទៅប្តឹងកងរាជអាវុធហត្ថខណ្ឌ កាលពីព្រឹកថ្ងៃទី១៨ ខែឧសភា
ព្រមទាំងផ្សព្វផ្សាយតាមបណ្តាញសារព័ត៌មាន ហើយ លោកមានសង្ឃឹមថា
ចោររត់មិនរួចនោះទេ ។ លុះម៉ោងប្រមាណ៧ទៅ៨យប់ថ្ងៃទី១៨ ខែ ឧសភា
មានទូរស័ព្ទមកថា រថយន្តនោះត្រូវបានឈ្មោះ រ័ត្ន អារីយ៉ា
ដែលជាម្ចាស់ដើមយកមកលក់ លោកក៏ភ្ញាក់ដូចធ្លាក់ថ្លើម ។
លោកបញ្ជាក់ថា រថយន្តនោះលោក ឃ្លាំង ហួត ទិញឲ្យដើម្បីបម្រើក្នុងមូលដ្ឋាន និងការងារមនុស្សធម៌ ។
នៅក្នុងការកាត់ឈ្មោះលោកថា បានដាក់ឈ្មោះប្រពន្ធខ្ញុំទាំងអស់
ព្រោះរបស់របរដែលគាត់ទិញ ដាក់ឈ្មោះប្រពន្ធទាំងអស់ ។ មុនដំបូង
មិនជឿនោះទេ តែក្រោយមកក៏បានទទួលឯកសារជាបន្តបន្ទាប់ទើបច្បាស់ថា
ប្រពន្ធជាអ្នកលក់រថយន្ត ដោយមានឯកសារទិញលក់ត្រឹមត្រូវ
ដោយរថយន្តទិញក្នុងតម្លៃ១៨.៥០០ដុល្លា លក់បាន១៦.៨០០ដុល្លា ។
នេះជាមេរៀនមួយសម្រាប់បងប្អូន ។ លោក ជួន ប៊ុនរឿន
ក៏បានឲ្យដឹងទៀតថា ពេលនោះ
ខ្ញុំសោកស្តាយដែលបាត់ឡានជាទីស្រឡាញ់
ដែលមេទិញឲ្យសម្រាប់បម្រើការងារមនុស្សធម៌ ហើយ សោកស្តាយ
ដែលមិនបានបំពេញកាតព្វកិច្ចដែលខ្វះខាត ។
លោក ជួន ប៊ុនរឿន ក៏បានប្រកាសមិនទទួលស្គាល់ប្រពន្ធ ឈ្មោះ
រ័ត្ន អារីយ៉ាទៀត ហើយសុំប្តឹងទៅតុលាការដើម្បីលែងលះ ។ លោកថា
មិនអស់ចិត្តមិនដែលឈ្លោះគ្នាសោះ សូមជួនពរឲ្យមានសេចក្កីសុខ ។
លោកបញ្ជាក់ថា ពេលនោះលោកបន្សល់ទុកនូវសោកនាដកម្ម និងការឈឺចាប់
និងទ្រព្យសម្បត្តិមហាសាលរបស់ខ្ញុំគឺកូន៤នាក់ ម្តាយក្មេកចាស់ជរា
និងបំណុលធនាគារ ព្រមទាំងលុយនៅក្នុងហោប៉ៅ១.៧០០រៀល។
ចំណែកប្រពន្ធប្រមូលលុយយកទៅអស់ រួមមានលុយលក់រថយន្ត
មាសប្រមាណ៧ទៅ៨តម្លឹង ប្លាកទីនប្រមាណ៣ទៅ៤តម្លឹង
សរុបប្រមាណ៣ទៅ៤ម៉ឺនដុល្លារ ៕ (ថ្ងៃទី ២០ ខែ ឧសភា ឆ្នាំ ២០១៩ ម៉ោង ១០:១៥ ម៉េង ធា )
