ស្ពានកញ្ចក់វែងជាងគេបំផុត នៅលើពិភពលោក ត្រូវបានបើកឲ្យដំណើរការហើយ នៅក្នុងប្រទេសចិន ឆ្លងកាត់ទន្លេ Lianjiang ក្នុងទីក្រុង Qingyuan ខេត្ត Guangdong មានប្រវែង ៥២៦ ម៉ែត្រ តភ្ជាប់ផ្នែក២នៃ Huangchuan Three Gorges ដែលជាឈ្មោះបុរាណនៃទន្លេ Lianjian ។
ស្ពានកញ្ចក់នេះបានចំណាយពេលអស់ ៣ឆ្នាំ ក្នុងការសាងសង់ពីកញ្ចក់ថ្លា៩៩,១៥% ដែលមានកម្រាស់ ៤,៥សង់ទីម៉ែត្រ ហើយមានតម្លៃ ៣០០ លានយ័ន (ស្មើនឹង ៤៣ លានដុល្លាអាមរិក) អាចផ្ទុកភ្ញៀវទេសចររហូត ៥០០ នាក់ នៅក្នុងពេលតែមួយ។ កំណត់ត្រាពិភពលោក Guiness ក៏បានប្រគល់វិញ្ញាបនប័ត្រដល់រដ្ឋាភិបាលក្នុងតំបន់ ក្នុងអំឡុងពេលបើកសម្ភាធកាលពីថ្ងៃទី១៨ ខែកក្កដា ឆ្នាំ២០២០ ។
នៅក្នុងរយៈពេលប៉ុន្មានឆ្នាំនេះ ចិនបានបើកសម្ពោធស្ពានកញ្ចក់ប្រហែល ២.៣០០ កន្លែង នៅក្នុងប្រទេស ។
