១. ទទួលទានទឹកឱ្យបានច្រើនគ្រប់គ្រាន់ជាប្រចាំ
នេះជាគន្លឹះដ៏ងាយបំផុតមួយដើម្បីដោះស្រាយបញ្ហាជ្រួញកន្ទុយភ្នែក! អ្វីដែលអ្នកត្រូវធ្វើ គឺគ្រាន់តែទទួលទានទឹកឱ្យបានគ្រប់គ្រាន់រាល់ថ្ងៃ ដើម្បីរក្សាសំណើមនៃស្បែកទប់ស្កាត់ភាព ជ្រួញត្រង់កៀនកន្ទុយភ្នែក។ ក្រៅពីទឹកធម្មតា អ្នកក៏អាចទទួលទានតែរុក្ខជាតិនិងទឹកផ្លែឈើស្រស់ៗផងដែរ។
២. លាបទឹកដោះគោលើស្នាមជ្រួញទាំងនោះ
អ្វីដែលអ្នកត្រូវធ្វើ គឺគ្រាន់តែជ្រលក់សំឡីក្នុងទឹកដោះគោស្រស់ រួចលាបផ្ដិតៗវាលើស្នាម ជ្រួញ។ ក្រៅពីល្អសម្រាប់សុខភាពឆ្អឹង ការទទួលទានទឹកដោះគោស្រស់ក៏ចាំបាច់សម្រាប់រាងកាយ ក្នុងការផលិតកូឡាជែនកាន់តែច្រើន និងរក្សាភាពបត់បែន នៃស្បែកបានយ៉ាង ប្រសើរផងដែរ។
៣. លាបប្រេងដូង
ប្រេងដូង គឺល្អណាស់សម្រាប់ផ្ដល់សំណើមដល់ស្បែក។ អ្វីដែលអ្នកត្រូវធ្វើ គឺគ្រាន់តែលាបប្រេងដូងលើកៀនកន្ទុយភ្នែកជាការស្រេច។
៤. លាបប្រទាលកន្ទុយក្រពើ
ប្រទាលកន្ទុយក្រពើជាប្រភពដ៏ប្រសើរនៃវីតាមីន E ដែលល្អសម្រាប់សុខភាពស្បែកទប់ស្កាត់ស្នាមជ្រីវជ្រួញ។ អ្វីដែលអ្នកត្រូវធ្វើ គឺគ្រាន់តែលាបសាច់ ឬជែលប្រទាលកន្ទុយក្រពើលើ ស្នាមជ្រួញទុកចោល សម្រាប់រយៈពេលពី ២ ទៅ ៣ នាទីសិន សឹមលាងសម្អាតចេញជាការស្រេច។
៥. ប្រើប្រាស់ត្រសក់
អ្វីដែលអ្នកត្រូវធ្វើ គឺគ្រាន់តែហាន់ត្រសក់ជាបន្ទះស្ដើងៗរួចបិតលើស្នាមជ្រួញ។ ការទទួលទានត្រសក់ជាប្រចាំក៏ជាវិធីដ៏ប្រសើរផងដែរ។ ត្រសក់ជាប្រភពនៃជាតិទឹក និងវីតាមីន C ដែលមានប្រសិទ្ធភាពទប់ស្កាត់សញ្ញានៃភាពចាស់តាមវ័យ។
