លៀម ប៊ុនរឿន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្ត ពោធិ៍សាត់ ត្រូវបានអង្គភាពប្រឆាំងអំពើពុករលួយ (ACU) ឃាត់ខ្លួននៅព្រឹកថ្ងៃទី២៧ ខែកក្កដា ឆ្នាំ២០១៩ នៅភោជនីយដ្ឋានមហាលាប ក្រុងពោធិ៍សាត់ វេលាម៉ោងប្រមាណ ៩.៣៥នាទីព្រឹក រួមជាមួយអនុប្រធានមន្ទីរទទួលការងារសំណង់ឈ្មោះ ជាង វុទ្ធី និង មន្ត្រីសុរិយោដីខេត្តទទួលបន្ទុកច្រកឈ្មោះ តែ ប៊ុនថេង នៅក្នុងមន្ទីរ។
ការឃាត់ខ្លួននេះ ពាក់ព័ន្ធនឹងករណីទារលុយចំនួន១០ម៉ឺនដុល្លា ជាថ្នូរចេញច្បាប់សាងសង់ ។
ការឃាត់ខ្លួននេះ ពាក់ព័ន្ធនឹងករណីទារលុយចំនួន១០ម៉ឺនដុល្លា ជាថ្នូរចេញច្បាប់សាងសង់ ។
លោក លិ សុខា ចៅក្រមស៊ើបសួរនៃសាលាដំបូងរាជធានីភ្នំពេញ ចេញដីកាឃុំខ្លួនដាក់ពន្ធនាគារព្រៃស ម១ជាបណ្តោះអាសន្ន កាលថ្ងៃទី៣១ ខែកក្កដា ឆ្នាំ២០១៩ កន្លងទៅ។
លោក លៀម ប៊ុនរឿន ប្រធានមន្ទីរ
អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់ លោក លៀម ប៊ុនរឿន ត្រូវតុលាការកាត់ទោសដាក់ពន្ធនាគារ ៨ឆ្នាំ និងរឹបអូសទ្រព្យសម្បត្តិផងដែរ ដោយសារតែពាក់ព័ន្ធនឹងការប្រព្រឹត្តអំពើពុករលួយ ។
សាលាដំបូងរាជធានីភ្នំពេញ កាលពីថ្ងៃទី២៧ ខែកុម្ភៈ ឆ្នាំ២០២០ បានសម្រេចប្រកាសសាលក្រមផ្តន្ទាទោសជនជាប់ចោទឈ្មោះ លៀម ប៊ុនរឿន អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់ ដាក់ពន្ធនាគាររយៈពេល៨ឆ្នាំ និងពិន័យជាប្រាក់ចំនួន៨លានរៀលបង់ចូលថវិការដ្ឋ ក្រោមការចោទប្រកាន់ពីបទសម្អាតប្រាក់ បទរំលោភអំណាច និងបទវិតិក្រម ព្រមទាំងរឹបអូសទ្រព្យសម្បត្តិមួយចំនួនទុកជាទ្រព្យសម្បត្តិរដ្ឋ ៖
១. អចលនវត្ថុ ដីផ្ទះ មានទីតាំងស្ថិតនៅបុរីប៉េងហួត ប៉ុស្តិ៍វិទ្យុស្ទឹងមានជ័យ នៅរាជធានី ភ្នំពេញ។
២. អចលនវត្ថុ ដីផ្ទះ មានទីតាំងស្ថិតនៅភូមិដូងជ្រុំ ខេត្តពោធិ៍សាត់ ។
៣. អចលនវត្ថុ ដីផ្ទះ មានទីតាំងស្ថិតនៅភូមិស្ពានថ្ម ខេត្តពោធិ៍សាត់ ។
៤. រថយន្ត ម៉ាក Lexus 570 ពណ៌មាស ស៊េរីឆ្នាំ២០១០ មួយគ្រឿង។
៥. រថយន្តម៉ាក KIA Morning ពណ៌ស សេរីឆ្នាំ២០១២ មួយគ្រឿង និង
៦. ទ្រព្យសម្បត្តិមួយចំនួនទៀត។
ចៅក្រមជំនុំជម្រះនៃតុលាការកំពូលលោក យូ អ៊ុតដារ៉ា និងតំណាងមហាអយ្យការលោក ជុំ សំបាន នៅព្រឹកថ្ងៃទី២៨ ខែតុលា ឆ្នាំ២០២០ បានសម្រេចបើកសវនាការប្រកាសសាលដីកាលើបណ្ដឹងប្តឹងសារទុក្ខរបស់ជនជាប់ចោទឈ្មោះ លៀម ប៊ុនរឿន ភេទប្រុស អាយុ៤០ឆ្នាំ អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់ ដែលជាប់ចោទពីបទសម្អាតប្រាក់ បទរំលោភអំណាច និងបទវិតិក្រម។
ការសម្រេចនេះធ្វើឡើងនៅចំពោះមុខជនត្រូវចោទ ក្រោយពីបើកសវនាការសាកសួរដេញ ដោលជនជាប់ចោទចប់សព្វគ្រប់រួចមក ដោយកំណត់តម្កល់សាលដីកា ថ្ងៃទី២១ ខែតុលា ឆ្នាំ២០២០កន្លងមក។
លោក លៀម ប៊ុនរឿន ធ្លាប់ទទួលតំណែងជា ៖
– ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់
កាលពីថ្ងៃទី២៥ ខែមេសា ឆ្នាំ២០១៦។
– ប្រធានមន្ទីរមុខងារសាធារណៈ ខេត្តពោធិ៍សាត់ ថ្ងៃទី១៤ ខែកក្កដា ឆ្នាំ២០១៤
– អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តឧត្តរ
មានជ័យ មុនថ្ងៃទី១៤ ខែកក្កដា ឆ្នាំ២០១៤។
– ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តពោធិ៍សាត់
កាលពីថ្ងៃទី២៥ ខែមេសា ឆ្នាំ២០១៦។
– ប្រធានមន្ទីរមុខងារសាធារណៈ ខេត្តពោធិ៍សាត់ ថ្ងៃទី១៤ ខែកក្កដា ឆ្នាំ២០១៤
– អនុប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តឧត្តរ
មានជ័យ មុនថ្ងៃទី១៤ ខែកក្កដា ឆ្នាំ២០១៤។
លោក ជាង វុទ្ធី អនុប្រធានមន្ទីរ
លោក តែ ប៊ុនថេង មន្ត្រីសុរិយោដីខេត្ត
