ស្ទឹងត្រែង ឆ្នាំ២០១០
រូងភ្នំសត្វក្ងោកមាស ស្ថិតនៅភ្នំជម្រកសត្វ នៃភូមិឆ្វាំង ឃុំសំអាង ស្រុកថាឡាបរិវ៉ាត់ ចម្ងាយពីទីរួមខេត្តប្រមាណជាង៥០គីឡូម៉ែត្រ ។ រូងភ្នំនេះ បើមើលពីក្រៅ ហាក់បីដូចជាមានភាពអាថ៌កំបាំង ក៏ប៉ុន្តែយើងអាចចូលទៅខាងក្នុងបាន។ អ្នកដែលបានចូលក្នុងរូងភ្នំ នឹងឃើញសភាពប្លែកៗ លើផ្ទាំងថ្មដូចជាល្អាង មានងងឹត និងភ្លឺ ឬក៏វល្លិ៍ធ្លាក់ពីលើដើមឈើ ក្រោមម្លប់ត្រជាក់នៃសំណើមទឹក។ ទីនោះពីមុនសុទ្ធតែព្រៃមានសត្វជាច្រើនប្រភេទរស់នៅ តែសព្វថ្ងៃបានក្លាយជាដីចម្ការដាំដំណាំ ហើយនៅព្រៃសេសសល់គឺសហគមន៍រៀបចំអភិរក្សឲ្យក្លាយទៅជាតំបន់ទេសចរ។
