លោក ពេជ្រ លឹមគុណ បានបើកយន្តហោះ ធុន T28 ទៅទម្លាក់លើទីអគ្គបញ្ជាការដ្ឋានយោធានៅផ្លូវនរោត្តម ហើយទៅចុះចតនៅវាលវង់ ខេត្តក្រចេះ តំបន់រំដោះ បាក់កង់ម្ខាងដោយធ្លាក់រណ្តៅគ្រាប់បែក។គាត់ភ័យពេក គាត់លើកន្សែងបក់ ខ្លាចខ្មែរក្រហមយាមនៅទីនោះបាញ់គាត់ ។គាត់បានបា្រប់ខ្មែរក្រហមថា គាត់ឈ្មោះពេជ លឹមគុណយន្តហោះ តូចជិះម្នាក់ឯង។ ក្រោយមករស់នៅជាមួយខ្មែរក្រហម ម្ដុំផ្ទះថ្មផ្សារទល់មុខជ្រុងរបងសាលារៀនបឋមសិក្សាក្រចេះ កន្លែងធនាគារជាតិកម្ពុជា ដោយស្លៀកពាក់ខ្មៅ។ នៅដើមខែឧសភា ១៩៧៥ មានប្រារព្ធបុណ្យជ័យជំនះ១៧មេសា គាត់ក៏មានវត្តមានជាមួយក្រុមមេដឹកនាំខ្មែក្រហមតំបន់៥០៥ក្នុងវេទិកានេះ ដែលប្រព្រឹត្តឡើង ៣ថ្ងៃ ៣យប់។ គាត់ត្រូវឲ្យមកភ្នំពេញបង្រៀនខ្មែរក្រហម ហើយក៏ឆ្លៀតនាំយកទាំងអ្នករៀនបើក ទាំងយន្ដហោះកន្ទុំរុយចុះចូលប្រទេសថៃ។ ក្រោយមកបានទៅរស់នៅស្រុកបារាំង។
