ប្រទេសចិន បានពង្រីកចំណាយប្រាក់ ៦០,៣៣ពាន់យ័ន ស្មើនឹង៨,៧៤ពាន់លានដុល្លា ក្នុងដំណើរទប់ស្កាត់ការរីករាលដាលនៃវីរុសថ្មី។
ចំនួនការស្លាប់បណ្ដាលមកពីការរីករាល់ដាននៃវីរុសកូរ៉ូណា បានកើនឡើងដល់ ១០៦ នាក់ នៅសប្ដាហ៍នេះ ស្របពេលដែលរដ្ឋាភិបាលចិន បានបន្តឲ្យឈប់សម្រាកចូលឆ្នាំថ្មីកាន់តែវែង។ ហើយក្នុងកិច្ចខិតខំប្រឹងប្រែងទប់ស្កាត់ការរីករាលដាលនៃវីរុសថ្មីនេះ ពាណិជ្ជកម្មធំៗ កាន់តែត្រូវបានបិទច្រើនឡើង ៗ ឬក៏ប្រាប់បុគ្គលិកឲ្យធ្វើការពីផ្ទះ ។
ប្រទេសចិន ក៏បានត្រៀមថវិកាសរុបចំនួន ៣០០ លានយ័ន (ប្រហែល ៤៤ លានដុល្លាអាមេរិក) ដើម្បីគាំទ្រដល់ការប្រយុទ្ធប្រឆាំងវីរុសកូរូណា នៅក្នុងទីក្រុងវូហាន។
