ដំណើរទស្សនកិច្ចទៅកាន់បរទេសជាលើកដំបូងរបស់មេដឹកនាំគីម ជុងអ៊ុន
ក្នុងប្រទេសចិនក្នុងសប្តាហ៍នេះ(2018.03.25) បានធ្វើឲ្យពិភពលោកភ្ញាក់ផ្អើល ព្រោះប្រទេសទាំងពីរពុំមានសេចក្តីថ្លែងការណ៍ណាមួយរហូតទល់ពេលដំណើរទស្សនកិច្ចត្រូវបានបញ្ចប់។
ដំណើរទស្សនកិច្ចយ៉ាងសម្ងាត់ទើបត្រូវបានទម្លាយចេញនៅនាទីចុងក្រោយ
មេដឹកនាំកូរ៉េខាងជើង និងជំទាវ Ri Sol-ju នៅថ្ងៃ ២៥ ខែមីនា
ទៅកាន់ប្រទេសចិន តាមការអញ្ជើញរបស់ប្រធានរដ្ឋស៊ី ជិនពៀន។
មេដឹកនាំរូបបានជ្រើសរើសមធ្យោបាយទស្សនកិច្ចគឺរថភ្លើង។
នេះគឺជាដំណើរទស្សនកិច្ចទៅកាន់ប្រទេសចិន
គឺជាដំណើរទស្សនកិច្ចបរទេសដំបូងចាប់តាំងពីពេលមេដឹកនាំគីម ជុងអ៊ុន
ឡើងកាន់អំណាចឆ្នាំ ២០១១។
ប្រធានរដ្ឋស៊ី ជិនពៀន និងលោកជំទាវ
បានទទួលបដិសណ្ឋារកិច្ចយ៉ាងកក់ក្តៅចំពោះលោកគីម ជុងអ៊ុន និងភរិយា
នៅមហាទីលានប្រជាជនចិន នាទីក្រុងប៉េកាំង។
មេដឹកនាំប្រទេសទាំងពីរបានដើរត្រួតពល
ដំណើរទស្សនកិច្ចរបស់លោកគីម ជុងអ៊ុន ត្រូវបានចាត់ទុកថា
ជារឿងនឹកស្មានពុំដល់ ហើយប្រព័ន្ធព័ត៌មានកូរ៉េខាងជើង និងចិន
ត្រូវបានបិទជិតទាំងអស់ រហូតទល់ពេលលោកគីម ជុងអ៊ុន ត្រឡប់ទៅប្រទេសវិញ។
លោកគីម ជុងអ៊ុន និយាយថា
ការជ្រើសរើសចិនជាគោលដៅនៃដំណើរទស្សនកិច្ចដំបូងគឺសំដៅអំពីបំណងប្រាថ្នាជំរុញចំណងទាក់ទងរវាងប្រទេសទាំងពីរ
ឲ្យមានកាវិវឌ្ឍបន្តទៅមុខឆ្ងាយទៀត
ព្រមជាមួយនោះក៏បង្ហាញឲ្យឃើញការលើកតម្កើងរបស់មេដឹកនាំកូរ៉េខាងជើងចំពោះចំណងមិត្តភាពទ្វេភាគី។
មេដឹកនាំប្រទេសជិតខាងទាំងពីរ ក៏ជាសម្ព័ន្ធមិត្តជិតស្និទ្ធ និងជាដៃគូសេដ្ឋកិច្ចយូរឆ្នាំ
ចាប់ដៃគ្នាក្នុងជំនួបនាក្រុងប៉េកាំង។
មេដឹកនាំប្រទេសទាំងពីរ
រួមនឹងមន្ត្រីជាន់ខ្ពស់ទាំងសងខាងរួមប្រជុំពិភាក្សាលើបញ្ហាទាំងឡាយក្នុងទំនាក់ទំនងទ្វេភាគី
ក៏ដូចជាក្នុងតំបន់។
ទីភ្នាក់សារព័ត៌មានស៊ីនហួរ បានចុះផ្សាយថា លោកគីម ជុងអ៊ុន អះអាង
និងសន្យាថា នឹងធ្វើឲ្យឧបទ្វីបកូរ៉េគ្មាននុយក្លេអ៊ែរ ប្រសិនបើអាមេរិក
និងកូរ៉េខាងត្បូងបង្ហាញសុឆន្ទៈ។
លោកគីម ជុងអ៊ុន និងលោកស៊ី ជិនពៀន ក៏មានជំនួបពិភាក្សាដោយឡែក ។
មេដឹកនាំប្រទេសទាំងពីរ សុទ្ធតែអះអាងពីសារៈសំខាន់នៃចំណងមិត្តភាពរវាងចិន
និងកូរ៉េខាងជើង។
មេដឹកនាំទាំងពីរួមនឹងភរិយាថតរូបទុកជាអនុស្សាវរីយ៍នៅផ្ទះភ្ញៀវ ។
លោកស៊ី ជិនពៀន និងភរិយា បរិភោគអាហារជាមួយលោកគីម ជុងអ៊ុន និងភរិយា ។
មេដឹកនាំប្រទេសទាំងពីរ ធ្វើជាអធិបតីស្វាគមន៍លោកគីម ជុងអ៊ុន និងភរិយា
។ មេដឹកនាំចិន កូរ៉េខាងជើង អង្គុយក្បែរគ្នា ក្នុងពិធីជប់លៀង
ក៏ដូចជាទស្សនាកម្មវិធីសិល្បៈ។
មេដឹកនាំទាំងពីរសើចញញឹមដាក់គ្នានៅក្នុងពិធីជប់លៀង
មេដឹកនាំគីម ជុងអ៊ុន ឲ្យដឹងថា លោកចាំបាច់មកកាន់ប្រទេសចិនដោយផ្ទាល់
ដើម្បីជូនពរលោកស៊ី ជិនពៀន ដែលទើបជាប់ឆ្នោតដឹកនាំប្រទេសចិន
ហើយក៏ដើម្បីប្រកាសប្រាប់អំពីស្ថានការណ៍បច្ចុប្បន្ននៅឧបទ្វីបកូរ៉េ ។
មេដឹកនាំទាំងពីរ រួមជាមួយប្រតិភូ ថតរូបក្នុងពិធីជប់លៀង ។
មេដឹកនាំគីម ជុងអ៊ុន និងភរិយាទៅចូលរួមទស្សនាពិព័រណ៍ផលិតផលប្រឌិតនៃវិទ្យាស្ថានវិទ្យាសាស្ត្រចិន
លោកគីម ជុងអ៊ុន ស្តាប់ការឧទ្ទេសនាមក្នុងពិព័រណ៍។
ប្រធានរដ្ឋស៊ី ជិនពៀន ចាប់ដៃលោកគីម ជុងអ៊ុន ក្នុងពេលមេដឹកនាំកូរ៉េខាងជើងបញ្ចប់ទស្សនកិច្ចមកកាន់ប្រទេសចិន។
មេដឹកនាំគីម ជុងអ៊ុន និងភរិយាគ្រវីដៃលាមេដឹកនាំចិនពីលើរថភ្លើង ៕
លោក គីម ជុងអ៊ុន នៅសិង្ហបុរី 10.06.2018
លោក គីម ជុងអ៊ុន ជួបពិភាក្សាជាមួយនាយករដ្ឋមន្រ្តី Lee
Hsien Loong ពេលអញ្ជើញដល់សិង្ហបុរី កាលពីរសៀល 10.06.2018
បន្ទប់ សណ្ឋាគារដែលលោក គីម ជុងអ៊ុន
ស្នាក់នៅក្នុងប្រទេសសិង្ហបុរី
បន្ទាប់ពីបានចុះចតនៅព្រលានយន្តហោះក្នុងប្រទេស
សិង្ហបុរី នាវេលាម៉ោង៣រសៀល ថ្ងៃ អាទិត្យ ទី១០ ខែមិថុនា ឆ្នាំ២០១៨ លោក គីម
ជុងអ៊ុន ត្រូវបានគេហែហមទៅកាន់សណ្ឋាគារមួយ ឈ្មោះថា St Regis Hotel។
នៅជាន់ទី២០ នៃសណ្ឋាគារ St Regis Hotel មានបន្ទប់
Presidential Suite ទំហំ៣៣៥ម៉ែត្រការ៉េ ដែលគេជឿជាក់ថា លោក គីម
ជុងអ៊ុន ត្រូវស្នាក់នៅទីនោះយ៉ាងហោចណាស់ ២យប់។
បន្ទប់
Presidential Suite នោះបានបំពាក់គ្រឿងបរិក្ខារ និងគ្រឿងសង្ហារិមដ៏ប្រណីតស័ក្ដិសម បំផុតសម្រាប់មនុស្សជាន់ខ្ពស់។ បន្ទប់នោះមានតម្លៃជាង
១ម៉ឺនដុល្លារសិង្ហបុរី ឬ ៨.០០០ដុល្លាអាមេរិកក្នុងមួយយប់។ ពីឆ្នាំ២០១៥ វាមានតម្លៃរហូតដល់ទៅ
១២.៤៥០ដុល្លារសិង្ហបុរី ឬជាង ៩.០០០ ដុល្លារអាមេរិកក្នុងមួយយប់៕
ទីតាំងដែលលោកដូណាល់
ត្រាំ និងលោកគីម ជុងអ៊ុន ជួបគ្នានៅសិង្ហបុរី
Capella Hotel ដែលជាសណ្ឋាគារប្រណីតលំដាប់ផ្កាយ៥
ស្ថិតនៅលើកោះ Sentosa របស់ប្រទេសសិង្ហបុរី នឹងក្លាយជាទីតាំងសម្រាប់កិច្ចប្រជុំកំពូល
នាថ្ងៃទី១២ ខែមិថុនា រវាងប្រធានា ធិបតី អាមេរិក និងមេដឹកនាំកូរ៉េខាងជើង។
ដើម្បីលុបបំបាត់ភាពងឿងឆ្ងល់ជុំវិញទីតាំងសម្រាប់កិច្ចប្រជុំកំពូល រវាងលោក ដូណាល់ ត្រាំ និងគីម ជុងអ៊ុន សេតវិមានបានប្រកាសកាលពីថ្ងៃពុធថា
សណ្ឋាគារ Capella Hotel ត្រូវបានជ្រើសរើសឲ្យធ្វើជាទីប្រជុំកំពូលមួយនេះ។
យ៉ាងណាមិញ
សណ្ឋាគារសិង្ហបុរីល្បីឈ្មោះមួយចំនួន ដូចជា
Shangri-La និង Marina Bay Sands ជាដើម ត្រូវបានគេគិតថាអាចជាកន្លែងស័ក្ដិសមបំផុត
សម្រាប់កិច្ចប្រជុំកំពូលខាងលើ ប៉ុន្តែក្រុមអ្នកជំនាញបានវិភាគឃើញថា
សណ្ឋាគារ Capella Hotel មានភាពប្រសើរជាង
ដោយគិតលើសុវត្ថិភាពជាចម្បង។
សូមបញ្ជាក់ថា សណ្ឋាគារ Capella Hotel ស្ថិតនៅលើកោះតូចមួយឈ្មោះ
Sentosa ដែលអាចឆ្លងទៅវិញទៅមករវាងទីក្រុងសិង្ហបុរី តាមរយៈស្ពានមួយខ្សែប៉ុណ្ណោះ
ដែលវាជួយសម្រួលដល់ការត្រួតពិនិត្យសន្តិសុខ៕
