ក្តាមដូង ឬក្តាមចោរ សត្វនេះគឺជាប្រភេទសត្វកញ្ចែលើដីធំជាងគេក្នុងពិភពលោក។ ក្តាមដូងនេះរស់នៅតាមតំបន់ឆ្នេរក្បែរសមុទ្រ ប៉ុន្តែពេលខ្លះវាក៏អាចត្រូវបានគេរកឃើញនៅតំបន់ដីគោកដែលមានកំពស់100 ម៉ែត្រពីលើនីវ៉ូទឹកសមុទ្រ។ វាស៊ីដូងជាអាហារចម្បង ប្រជាជនតែងតែហៅវាថាចោរលួចដូង ដែលជាមូលហេតុដែលវាត្រូវបានគេហៅថា ក្តាមចោរ។ វាមានជំនាញខ្ពស់ក្នុងការឡើងដើមដូង ដោយមានចុងជើងរបស់វាឡើងដល់កម្ពស់ ២០ ម៉ែត្រ ដើម្បីបេះទំលាក់ផ្លែដូង។ យោងទៅតាមអ្នកស្រុកនិយាយ ពេលដែលវារើសផ្លែដូងបាន វានឹងទម្លាក់ផ្លែទៅលើដី ហើយចុះទៅដី ដើម្បីបកផ្លែដោយមានដង្កៀបយ៉ាងខ្លាំងរបស់វា។ ផ្លែដែលបករួចនឹងត្រូវនាំឡើងមកលើដើមវិញ ហើយទំលាក់ផ្លែម្តង់ទៀតដើម្បីបំបែកលលាដូង។ បន្ទាប់មកវាចុះមកស៊ីសាច់ដូង វាមិនដែលស៊ីផ្លែដូងនៅលើដើមទេ។
ក្តាមដូងពេញវ័យគឺ ៣-៦ គីឡូក្រាម។ នៅប្រទេសម៉ាឡេស៊ី ពួកវាត្រូវបានគេការពារដោយច្បាប់ហាមឃាត់ការចាប់សត្វទាំងនោះ ប៉ុន្តែអ្នកស្រុកនៅតែទិញ និងលក់សត្វទាំងនេះ ព្រោះសត្វទាំងនេះត្រូវបានកែច្នៃទៅជាអាហារឆ្ងាញ់ពិសេស។
