ព្រះអង្គម្ចាស់ក្សត្រីយ៍ ស៊ីសុវត្ថិ នារីបូង៉ា បានប្រសូត្រ កាលពីថ្ងៃ១០ ខែកញ្ញា ឆ្នាំ១៩៣៥ នារាជធានីភ្នំពេញ ជាព្រះរាជបុត្រីចុងក្រោយបង្អស់របស់ព្រះបាទ ស៊ីសុវត្ថិ មុនីវង្ស (ព្រះបរមខត្តិយកោដ្ឋ) និងអ្នកម្នាង នារី ស៊ីសាម៉ន ។ ព្រះបាទ សម្តេច ព្រះស៊ីសុវត្ថិ មុនីវង្ស មានព្រះរាជឱរសសរុប២៧ព្រះអង្គ ក្នុងនោះព្រះរាជបុត្រ១៣អង្គ និងព្រះរាជបុត្រី១៤អង្គ។ ព្រះអង្គម្ចាស់ក្សត្រីយ៍ ស៊ីសុវត្ថិ នារីបូង៉ា យាងចូលទីវង្គតនាព្រឹកថ្ងៃទី២៦ ខែឧសភា ឆ្នាំ២០២២ ក្នុងព្រះជន្មាយុ ៨៧ព្រះវស្សា ដោយព្រះជរាពាធ នៅសហរដ្ឋអាមេរិក។
