នៅថ្ងៃទី២៨ ខែវិច្ឆិកា ឆ្នាំ២០២០ ពិនិត្យឃើញថា ភរិយារបស់ឯកឧត្តម ឆែម សាវុធ មានជំងឺកូវីដ-១៩ បន្ទាប់ពីមានអាការៈមិនស្រួលខ្លួនរយៈពេលជាងមួយសប្ដាហ៍ ហើយលទ្ធផលជាបន្តបន្ទាប់ក៏បង្ហាញថាឯកឧត្តម ឆែម សាវុធ និងសមាជិកគ្រួសារមួយចំនួនទៀតក៏បានឆ្លងជំងឺនេះដែរ។
គិតត្រឹមថ្ងៃទី១ ខែធ្នូ ឆ្នាំ២០២០ ក្រុមគ្រួសាររបស់ឯកឧត្តម ឆែម សាវុធ អគ្គនាយកនៃអគ្គនាយកដ្ឋានពន្ធាគារ ក្រសួងមហាផ្ទៃ មានផ្ទុកមេរោគវីរុសកូវីដ១៩ ៖ ១. ឯកឧត្តម ឆែម សាវុធ ២. លោកជំទាវ ហេង គង់ ៣. លោកស្រី ឆែម សុភាព (កូនស្រីច្បងរបស់ឯកឧត្តម ឆែម សាវុធ) ៤. កែវ រតនៈបញ្ញា (កូនរបស់ឯកឧត្តម ឆែម សាវុធ) ៥. លោកស្រី ឆែម សូនីតា (កូនស្រីពៅរបស់ឯកឧត្តម ឆែម សាវុធ)
ជាមួយនោះ អ្នកបំពេញការងារពាក់ព័ន្ធ មាន ៖ ១. ឯកឧត្តម ឡូយ សុផាត តំណាងរាស្ត្រ ២. លោក សេង ឆៃយ៉ា (ជំនួយការឯកឧត្តម ឆែម សាវុធ) ៣. អ៉ឹម សាន (អ្នកបើកបរឡានរបស់ឯកឧត្តម ឆែម សាវុធ) ៤. លោកស្រី កែវសុភ័ណ្ឌ (ម្តាយមីងរបស់អ្នកបើកបរឡាន ឯកឧត្តម ឆែម សាវុធ) ៥. លោក សារ៉ុម ដាវីដ (ក្មួយប្រុសរបស់អ្នកបើកបរឡាន ឯកឧត្តម ឆែម សាវុធ) ៦. កុមារា សាយ រតនៈ (ក្មួយប្រុសរបស់អ្នកបើកបរឡាន ឯកឧត្តម ឆែម សាវុធ) ៧. លោកស្រី កាយ កេសរ (សមាជិកគ្រួសារអ្នកបើកបរឡាន ឯកឧត្តម ឆែម សាវុធ) ៨. លោកស្រី សាយ ពិសីន (សមាជិកគ្រួសារអ្នកបើកបរឡាន ឯកឧត្តម ឆែម សាវុធ) ៩. អ៊េង ស៊ុនផាក ១០. លោកស្រី អ៊ីវ ប៊ុនសូនីដា (ធ្វើការនៅធនាគារ cathay United Bank ដែលជាភរិយា លោកស៊ីម សូដាណារ៉ាត់) ១១. លោកស្រី លឹម លំអ (ភរិយាលោក តាំង សេបេនអ័ប)
នេះជាការលេចចេញនូវសញ្ញាណនៃការឆ្លងចូលក្នុងសហគមន៍ ដែលហៅថា “ ព្រឹត្តិការណ៍សហគមន៍ ២៨ វិច្ឆិកា” គឺតម្រូវថ្នាក់ដឹកនាំរដ្ឋសភា សមាជិក សមាជិការដ្ឋសភា មន្រ្តីរាជការ នៃអគ្គលេខាធិការដ្ឋានរដ្ឋសភាមួយចំនួន ថ្នាក់ដឹកនាំ មន្ត្រីរាជការស៊ីវិល មន្ត្រីនគរបាលជាតិ និងមន្ត្រីពន្ធនាគារ ដែលបានប៉ះពាល់ដោយផ្ទាល់ ឬដោយប្រយោលទៅធ្វើរោគវិនិច្ឆ័យរកវីរុសកូវីដ១៩ និងត្រូវធ្វើចត្តាឡីស័ក តាមការណែនាំរបស់ក្រសួងសុខាភិបាល ប្រកបដោយស្មារតីទទួលខុសត្រូវខ្ពស់ ក្នុងនោះក៏មានសម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃផងដែរ។
