ប្រាសាទអង្គរវត្តជាកេរ្ដ៍មរតកមិនអាចកាត់ថ្លៃរបស់បុព្វបុរសខ្មែរ ប្រាសាទ អង្គរវត្តនៃកម្ពុជា ជាប្រាសាទហិណ្ឌូសាសនាធំជាងគេបង្អស់លើលោក។ ប្រាសាទនេះ ត្រូវបានសាងសង់តាំងពីសតវត្សទី ១២ ដែលមកទល់ បច្ចុប្បន្ន មានអាយុកាលជិត ១ពាន់ឆ្នាំ។
ប្រាសាទអង្គរវត្ត ជាប្រាសាទសំខាន់ជាងគេមួយក្នុងចំណោមប្រាសាទទាំងឡាយនៅក្នុងតំបន់អង្គរដែលអ្នកទេសចរមកទស្សនា ។ ម្យ៉ាងទៀតប្រាសាទនេះមានកិត្តិស័ព្ទល្បីពេញពិភពលោក ហើយមានភាពអស្ចារ្យ រហូតដល់គេគិតថាប្រាសាទនេះមិនមែនជាស្នាដៃរបស់មនុស្ស គឺជាដៃរបស់អាទិទេព
។ ជាការពិតណាស់ប្រាសាទអង្គរវត្តបានកសាងឡើងនៅឆ្នាំ១១១៣
ដល់ ១១៥០ក្នុងរាជ្យព្រះបាទសូរ្យវ័ន្មទី២ ដែលមានមរណនាមថាបរមវិស្ណុលោក
។ ប្រាសាទអង្គរវត្តឈ្មោះដើម " ប្រាសាទបរមវិស្ណុលោក " ឈ្មោះដែលគេហៅថាអង្គរវត្តនេះត្រូវបានគេស្គាល់ច្រើននៅក្នុងពេលបច្ចុប្បន្ននេះ
មិនថាបរទេស ឬប្រជាជនខ្មែរឡើយ ។
ចំពោះប្រជាជនខ្មែរ ពិសេសអ្នកសៀមរាបច្រើននិយាយថា ទៅលេង
” អង្គរតូច ” ”
អង្គរធំ ” ដែលមានន័យថា គេហៅអង្គរតូចសំដៅទៅលើអង្គរវត្ត និងអង្គរធំសំដៅទៅលើប្រាសាទបាយ័ន្តដែលប្រជាជនហៅថាអង្គរធំនោះ គឺគេមិនបានគិតទៅដល់ប្រាសាទផ្សេងៗឯទៀត ក្រៅពីប្រាសាទបាយ័ន្តឡើយ
គឺថាបើទៅលេងអង្គរធំគឺសំដៅទៅលើបាយ័ន្តហើយ ។ ចំពោះពាក្យដែលហៅទូទៅ ទៅលើអង្គរវត្ត គឺក្នុងនោះមានវត្ថុ អនុវស្សរីយ៏ជាច្រើននៅក្នុងប្រាសាទអង្គវត្ត។
កូរទឹកដោះ
