ហូ ចំរើន មានសេរីភាពឡើងវិញហើយ កាលពីព្រលប់ថ្ងៃទី២៨ ខែតុលា ឆ្នាំ២០២០ បន្ទាប់ពី តុលាការប្រកាសផ្តន្ទាទោសដាក់ពន្ធនាគារ ២ឆ្នាំ ៦ខែ និងសងលុយទៅដើមបណ្តឹងជិត ១០០លានដុល្លា ពីបទល្មើសឆបោកប្រាក់ក្រុមហ៊ុនចិនជាង២០០ លានដុល្លា អាមេរិក តាមបណ្តឹងដាច់ដោយឡែកពីគ្នារបស់អ្នកវិនិយោគជនជាតិចិនចំនួន២នាក់ និងជនជាតិកូរ៉េម្នាក់ ក្នុងរូបភាពអភិវឌ្ឍន៍មន្ទីរពេទ្យទំនើបនៅទីក្រុង តាខ្មៅ និងគម្រោងអភិវឌ្ឍន៍មួយចំនួនទៀត។
ហូ ចំរើន អាយុ ៣៨ឆ្នាំ ជាមន្ត្រីយោធាក្រសួងការពារជាតិ ថ្នាក់ឧត្តមសេនីយ៍ឯក ត្រូវបានព្រះមហាក្សត្រតែងតាំងជាឧកញ៉ា នៅថ្ងៃទី១២ ខែមេសា ឆ្នាំ២០១៨ និងមានមុខងារជាទីប្រឹក្សាថ្នាក់ដឹកនាំកំពូល។
ក្រោយជាប់ឃុំនៅពន្ធនាគារ ព្រះមហាក្សត្របានចេញព្រះរាជក្រឹត្យបញ្ចប់មុខតំណែងទាំងអស់រាប់ទាំងមុខងារជាឧកញ៉ាផងដែរ។
