កែប ឆ្នាំ ២០១០
ទីក្រុងកែប ឆ្នាំ១៩៦៥ កន្លែងងូតទឹកសាប នៅជាប់ម្ខាងថ្នល់ឆ្នេរងូតទឹក
និមិត្តសញ្ញា «ខេត្តកែប»
ខេត្តកែប គឺជាខេត្តមួយដ៏តូចបំផុតរបស់កម្ពុជា ដែលគ្របដណ្ដប់ផ្ទៃដីប្រមាន ៣៣៦ គ.ម២ (១៣០ ម៉ាយ) និងមានប្រជាជនចំនួន ៤០ ២៨០ នាក់។ គឺជាខេត្តមួយក្នុងចំណោមខេត្តថ្មីៗ បំផុតនៃកម្ពុជា រួមជាមួយ ប៉ៃលិន ព្រះសីហនុ និង ត្បូងឃ្មុំ ដែលត្រូវបានបង្កើតឡើងតាម ព្រះរាជក្រឹត្យថ្ងៃ ២២ ធ្នូ ២០០៨ បំបែកចេញពីខេត្តកំពត ។ ទីរួមខេត្តគឺក្រុងកែប ហើយក៏ មានឧទ្យានជាតិមួយដែរ ដែលគេហៅថាឧទ្យានជាតិកែប។
ខេត្តកែបជាខេត្តមួយក្នុងចំណោមខេត្តទាំង៤ ដែលស្ថិតនៅតាមឆ្នេរសមុទ្រភាគនិរតីនៃប្រទេស កម្ពុជា ជាប់ព្រំដែនកម្ពុជា-វៀតណាម។ ក្រុងកែបធ្លាប់ជាទីក្រុងឆ្នេរសមុទ្រដ៏ពេញនិយមរបស់កម្ពុជា។ ឆ្នេរសមុទ្រនៅក្រុងកែបជាឆ្នេរព្រៃកោងកាង និងគ្រួសខ្មៅៗ ។ ក្រុងកែបសំបូរគ្រឿង សមុទ្រថោកៗតែឆ្ងាញ់ ជាពិសេសគឺ ក្ដាមសមុទ្រ។
ខេត្តកែបក៍មានផលិតផលជាច្រើនផងដែរដូចជា ម្រេច អំបិល ទុរេន ស្វាយ ដូង សាវម៉ាវ ហើយនិងមានតំបន់ទេសចរណ៏ ជាច្រើនដូចជា ឆ្នេរសមុទ្រ ភ្នំ កោះ រូងភ្នំ និងរមណីយដ្ឋាន ជាច្រើន ។
ខេត្តកែបបែងចែកជា ស្រុក មួយ និង ក្រុង មួយ ៖
_ ដំណាក់ចង្អើរ គឺជាស្រុកមួយធំបំផុតក្នុងខេត្តនេះ ហើយបែងចែកទៅជាពីរ ឃុំ គឺឃុំ អង្កោល នៅខាងលិច និង ឃុំពងទឹកនៅខាងកើត និង ១១ ក្រុម។
_ កែប ក្រុងកែប ស្ថិតនៅចំកណ្ដាលនៃខេត្ត បែងចែកទៅជាបីសង្កាត់ គឺ សង្កាត់កែប នៅខាងកើត សង្កាត់អូរក្រសារ និងសង្កាត់ព្រៃធំ នៅខាងលិច និងប្រាំក្រុម។
ខេត្តកែបមានប្រជុំកោះ និងកូនកោះតូចៗចំនួន ១៤ គឺ កោះកុក កោះត្បាល់ កោះទន្សាយ កោះពោធិ៍ កោះម៉ាកប្រាង កោះម៉ាតាយ កោះសារ៉ាង កោះសេះ កោះស្ងួត កោះស្វាយ កោះស្វាយព្រៃ កោះហាលត្រី កោះអង្គ្រង កោះខ្ទះ។
កោះទន្សាយ
