១-តមទទួលទានអាហារ ដែលមានក្លិនឆួល បារី និងស្រា មើមខ្ទឹម និងខ្ទឹមបារាំង សម្បូរទៅ ដោយជាតិស៊ុលហ្វីដ ( Sulfide )។ ក្រោយពេលទទួលទាន ពោះវៀនស្រូបយកអស់ ហើយឆ្លងតាមរយៈប្រព័ន្ធឈាម បញ្ចូលទៅដល់សួត ទើបបញ្ចេញមកក្រៅរាងកាយវិញ ក៏បង្កើតបានជាក្លិនស្អុយមាត់។ ម្យ៉ាងវិញទៀត ចំពោះចំណីអាហារដែលមានជាតិហិរ ដូចជា ម្ទេស ខ្ញី បារី និងសុរា ងាយនឹងបង្កើនការបញ្ចេញញើស ហើយក៏បង្កើនក្លិន អាក្រក់ដល់ខ្លួន។
២-ត្រូវទទួលទានបន្លែស្រស់ និងផ្លែឈើឲ្យបានច្រើន ព្រោះវាអាចជួយសម្រួលក្នុងការ បត់ជើងធំ ដែលអាចបំបាត់ក្លិនស្អុយមាត់ បង្កដោយចំណីអាហារមានរស់ជាតិឆួល និង ខ្លាញ់ច្រើន (ជាចំណីអាហារបណ្តាលឲ្យប្រព័ន្ធរំលាយអាហារដំណើរការមិនបានស្រួល)។
ម៉្យាងវិញទៀត នៅក្នុងបន្លែស្រស់ និងផ្លែឈើ សម្បូរទៅដោយជីវជាតិA និងC ដែលអាច ការពារកុំឲ្យកើតជំងឺរាក់ស៊ីធ្មេញ ព្រមទាំងមិនឲ្យមានក្លិនស្អុយមាត់ទៀតផង។
៣-ទទួលទានសាច់គោ ឬពងមាន់ ដើម្បីជួយបំពេញកង្វះខាតសារធាតុស័ង្កសី(Zinc) ដែល អាចជះឥទ្ធិពលអាក្រក់ដល់សមត្ថភាព នៃការបញ្ចេញជាតិពុលពីក្នុងរាងកាយ ហើយ បណ្តាលឲ្យរាងកាយមានក្លិនមិនល្អ។
៤-ក្នុងមួយថ្ងៃ ត្រូវទទួលទានទឹកឲ្យបានច្រើន (៨កែវ) ឬបៀមស្ករកៅស៊ូ ដើម្បីធ្វើឲ្យទឹក មាត់រអិល ឬកំហាក អាចនាំមេរោគចេញពីក្រអូមមាត់ ដែលបណ្ដាលមកពីការបន្ថយ ទម្ងន់ ការទទួលទានសុរា និងជំងឺផ្តាសាយ ( ប្រភពបណ្តាលឲ្យស្ងួតបំពង់ក និងមាន ក្លិនមាត់មិនល្អ ) ហើយធ្វើឲ្យក្រអូមមាត់មានក្លិនប្រហើរឡើងវិញ។
៥- វិធីរក្សាក្លិនខ្លួន តាមក្បួនចិនសែ ៖
– ក្លិនស្អុយមាត់ ត្រូវបៀមស្លឹកតែ ៣-៤ ត្រួយ រួចហើយទំពារយឺតៗ ម្យ៉ាងទៀត អាច ទទួលទានទឹកផ្លែថ្លុង និងទឹកការ៉ុត ដើម្បីកំចាត់ធាតុក្តៅ និងបំបាត់ក្លិនអាក្រក់។
– ក្លិនស្អុយក្លៀក ត្រូវប្រើមើមខ្ញី (ហាន់ជាបន្ទះៗ) យកមកជូតនៅត្រង់ក្លៀក ក្នុងមួយ ថ្ងៃជូត២ដង។
– ក្លិនស្អុយជើង ត្រូវដាក់សាច់ជូរស ១ដុំទម្ងន់៦០ក្រាម ត្រាំទៅក្នុងទឹកមួយចានកន្ធុន (ធំល្មម) ។ បន្ទាប់មក ត្រាំជើងនៅក្នុងកន្ធុននោះ។ ត្រាំមួយថ្ងៃ១ដង ហើយត្រាំម្តងៗ រយៈពេល៣០នាទី។ ត្រាំរបៀបនេះជាបន្តបន្ទាប់ រហូតដល់ ៣ទៅ ៥ថ្ងៃ ទើបមាន ប្រសិទ្ធភាព អាចបំបាត់ក្លិនជើងស្អុយបាន។
