ស្លឹកទៀបបារាំង គឺមានផ្ទុកសម្បូរដោយសមាសធាតុល្អប្រសើរជាច្រើនចំពោះសុខភាព រួមមាន ប្រូតេអ៊ីន ជាតិកាល់ស្យូម ជាតិស្ករ fructose ខ្លាញ់ល្អ វីតាមីន A វីតាមីន B និងសារធាតុចាំបាច់ផ្សេងៗទៀត។
ស្លឹកទៀបបារាំង មានលក្ខណសម្បត្តិជាឱសថដ៏ល្អឥតខ្ចោះមួយប្រភេទ ដែលមានអត្ថប្រយោជន៍សំខាន់ៗចំពោះសុខភាព ៖
១. ប្រយុទ្ធប្រឆាំងនឹងជំងឺមហារីកផ្សេងៗ ដូចជា ជំងឺមហារីកសុដន់ សួត និងក្រពេញប្រូ ស្តាតតាមវិធីធ្វើតែ ដោយចិញ្ច្រាំស្លឹកទៀបបារាំង ចំនួន ១០ សន្លឹក ហើយដាំវាជាមួយ នឹងទឹកធម្មតា ៣ ពែង រំងាស់ឲ្យសល់ប្រហែលជា ១ ពែង។ បន្ទាប់មក ស្រង់យកកាក ចេញ និងទុកឲ្យត្រជាក់បន្តិចសិន សឹមទទួលទានរៀងរាល់ព្រឹក សម្រាប់រយៈពេលពី ៣ ទៅ ៤ សប្តាហ៍ ។
២. ព្យាបាលជំងឺរលាកសន្លាក់ហ្គោដ ដោយគ្រាន់តែទទួលទានទឹកតែស្លឹកទៀបបារាំង នោះនឹងអាចជួយបញ្ចេញចោល ឬលាងអាស៊ីតអ៊ុយរិកចេញពីក្នុងឈាម។ វិធីធ្វើទឹកតែ នេះ គឺបេះស្លឹកទៀបបារាំងចាស់ៗ ដែលនៅមានពណ៌បៃតងពី ៦ ទៅ ១០ សន្លឹកមក លាងឲ្យស្អាត ហើយដាំឲ្យពុះជាមួយនឹងទឹកធម្មតា ២ ពែង រួចរំងាស់ឲ្យសល់ត្រឹម ១ ពែង សឹមលើកចេញពីចង្ក្រាន។ ស្រង់កាកចេញ ហើយទុកឲ្យត្រជាក់បន្តិចសិន សឹម ទទួលទាន ២ ដងក្នុងមួយថ្ងៃ (ព្រឹក និងល្ងាច)។
៣. ព្យាបាលជំងឺទឹកនោមផ្អែម ដោយទទួលទានទឹកតែស្លឹកទៀបបារាំង ព្រោះអាចជួយ បង្កើនភាពប្រែប្រួលនៃអាំងស៊ុយលីន ដែលអនុញ្ញាតឲ្យកោសិកាប្រើប្រាស់ជាតិគ្លុយកូស និងកាត់បន្ថយកម្រិតនៃជាតិស្ករក្នុងឈាម។
៤. បង្កើនប្រព័ន្ធភាពស៊ាំនៃរាងកាយ ព្រោះស្លឹកទៀបបារាំងមានផ្ទុកសារធាតុចិញ្ចឹមដែល អាចជួយបង្កើនប្រព័ន្ធភាពស៊ាំឲ្យកាន់តែប្រសើរឡើង បង្ការការឆ្លងមេរោគចូលក្នុងរាង កាយ។ យកស្លឹកទៀបបារាំងពី ៤ ទៅ ៥ សន្លឹកទៅដាំរហូតដល់ពុះជាមួយទឹកធម្មតា ៤ ពែង ទុករហូតដល់រីងសល់ទឹកត្រឹម ១ ពែង រួចស្រង់កាកចេញ ហើយទុកឲ្យត្រជាក់ បន្តិច សឹមទទួលទានឲ្យបានទៀងទាត់ម្ដងក្នុងមួយថ្ងៃ ។
