របៀបគ្រប់គ្រងកម្រិតជាតិអាស៊ីតអ៊ុយរិចតាមបែបធម្មជាតិ
កម្រិតជាតិអាស៊ីតអ៊ុយរិចខ្ពស់អាចបង្កឱ្យមានបញ្ហាសុខភាពផ្សេងៗជាច្រើន
។ តើអ្វីទៅជាកម្រិតជាតិអាស៊ីតអ៊ុយរិចខ្ពស់? យោងតាមគ្លីនិក Mayo Clinic កម្រិតជាតិអាស៊ីតអ៊ុយរិចខ្ពស់ ឬហៅថា Hyperuricemia គឺជាការលើសជាតិអាស៊ីតអ៊ុយរិចក្នុងឈាម។
អាស៊ីតនេះជាធម្មតាត្រូវបានផលិតឡើងអំឡុងការបំបែកសារធាតុធម្មជាតិឈ្មោះថា
Purine ជាសារធាតុរកឃើញក្នុងចំណីអាហារខុសៗគ្នាជាច្រើន។
នៅពេលអ្វីៗគ្រប់យ៉ាងបានបំពេញមុខងារបានល្អធម្មតានៅក្នុង សរីរាង្គ
អាស៊ីតអ៊ុយរិចនឹងរលាយក្នុងឈាម និងឆ្លងកាត់តាមរយៈក្រលៀន។
តាមវិធីនេះ
អាស៊ីតនេះនឹងត្រូវបញ្ចេញពីរាងកាយតាមរយៈទឹកនោម។
ប៉ុន្តែជួនកាលយើងទទួលទានអាហារដែលអាចបង្កឱ្យមានកម្រិតជាតិអាស៊ីតអ៊ុយរិចខ្ពស់ ។
ហើយអាហារមួយក្នុងចំណោមអាហារអាក្រក់បំផុត ចំពោះសុខភាពគឺស្ករស ។
ការទទួលទានស្ករសច្រើនអាចបណ្តាលឱ្យឡើងកម្រិតជាតិអាស៊ីតអ៊ុយរិចខ្ពស់ ។
កម្រិតជាតិស្ករខ្ពស់អាចបង្កើនកម្រិតជាតិអាស៊ីតអ៊ុយរិច
ហើយវានឹងបណ្តាលឱ្យថយចុះកម្រិតជាតិអាស៊ីតនី តិចអុកស៊ីត (Nitic Oxide) បង្កើនកម្រិតប្រូតេអ៊ីន Angiotensin
និងធ្វើឱ្យថយចុះភាពហាប់របស់កោសិកាសាច់ដុំ
ដែលនាំឱ្យកើតជំងឺលើសឈាម និងខូចក្រលៀន។
ការឡើងកម្រិតជាតិអាស៊ីតអាចបណ្តាលឱ្យកើតជំងឺផ្សេងៗជាច្រើន
និងបញ្ហាសុខភាពរាប់មិនអស់។
កម្រិតជាតិអាស៊ីតធម្មតាគឺ
៖
- បុរស : 3.4–7.0mg/dL
- ស្ត្រី : 2.4–6.0 mg/dL
មានគ្រឿងផ្សំធម្មជាតិ
ដែលមានសារៈប្រយោជន៍ក្នុងការកាត់បន្ថយ
និងគ្រប់គ្រងកម្រិតជាតិអាស៊ីតក្នុងសរីរាង្គ។
គ្រឿងផ្សំទាំងនេះគឺជាគ្រឿងផ្សំដ៏អស្ចារ្យ និងមានប្រសិទ្ធភាពបំផុត។
ទឹកខ្មេះប៉ោម
គ្រឿងផ្សំល្អដល់សុខភាពដ៏កំពូលមួយនេះអាចផ្តល់នូវអត្ថប្រយោជន៍សុខភាពជាច្រើន
។ ទឹកខ្មេះប៉ោមដើរតួជាឱសថបន្សាបជាតិពុលបែបធម្មជាតិ
ដែលអាចជួយកម្ចាត់កាកសំណល់មិនល្អដូចជា អាស៊ីតអ៊ុយរិចចេញពីរាងកាយ។ ដូច្នេះ
តាមរយៈការទទួល ទានទឹកខ្មេះប៉ោម អាស៊ីតអ៊ុយរិចនឹងត្រូវបានរំលាយ ហើយទឹកខ្មេះនេះនឹងជួយទប់ស្កាត់មិនឱ្យជាតិអាស៊ីតអ៊ុយរិចពូនផ្តុំនៅតាមសន្លាក់នោះឡើយ
តាមរយៈការជួយសម្រួលដល់ ចរន្តលំហូរឈាម និងការបន្សុទ្ធឈាម។
ទឹកខ្មេះប៉ោមផ្ទុកទៅដោយបរិមាណអាស៊ីតម៉ាលីកខ្ពស់
(Malic Acid) ដែលមានអត្ថប្រយោជន៍ក្នុងការរំលាយ និងកម្ចាត់អាស៊ីតអ៊ុយរិច។
ទឹកខ្មេះប៉ោមក៏ជួយស្តារឡើងវិញនូវតុល្យភាពអាស៊ីតអាល់កាលីន (Alkaline)
ក្នុងរាងកាយ និងផ្តល់នូវគុណប្រយោជន៍ប្រឆាំងអុកស៊ីតកម្ម
និងប្រឆាំងការហើមរលាកផងដែរ។
របៀបប្រើ : ដាក់ទឹកខ្មេះប៉ោម ១
ស្លាបព្រាបាយចូលទៅក្នុងទឹកផឹក១កែវ (០,៣០ លីត្រ) ។ ផឹកទឹកនេះ
៣ ដងរៀងរាល់ថ្ងៃ។
របៀបធ្វើទឹកខ្មេះប៉ោមដោយខ្លួនឯង ៖
- កាត់ប៉ោមជាកង់ៗ
(មិនកំណត់ចំនួន តែបើចង់បានទឹកច្រើន ដាក់ប៉ោមច្រើន)
- ស្ករត្នោត ១ ស្លាបព្រាបាយ
ដាក់ទឹកចូលចានស្ករត្នោតប្រហែល
២ លីត្រ រួចយកប៉ោមដាក់ចូល។ បន្ទាប់មកយកថង់ប្លាស្ទិកគ្រប់ពីលើឱ្យជិត
រួចចោះរន្ធបន្តិចបន្តួចពីលើ។ ទុកចោលពី ៧ ទៅ ១០ ថ្ងៃ។
បន្ទាប់មកស្រឹតយកតែទឹកប៉ោម ហើយចាក់ចូលកូនដបរក្សាទុករយៈពេល ៦ សប្តាហ៍
ក្រោយមកលោកអ្នកនឹងទទួលបានទឹកខ្មេះប៉ោមធម្មជាតិ៕
ប្រភព៖
ហ៊ែលស៊ីឡាយហេតឡាញ
