មរណភាពលោកជំទាវ ប៊ុន សុថា ហៅ ប៊ុន សាមហ៊ឹង លោកជំទាវ ប៊ុន សុថា ហៅ ប៊ុន សាមហ៊ឹង ប្អូនស្រីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ទទួលមរណភាព ក្នុងជន្មាយុ៦៧ឆ្នាំ ដោយរោគាពាធ នៅវេលាម៉ោង ៦.១៣នាទីល្ងាច ថ្ងៃទី៣ ខែកុម្ភៈ ឆ្នាំ២០២៣។ សពលោកជំទាវតម្កល់ទុកធ្វើបុណ្យតាមប្រពៃណីនៅផ្ទះលេខ៦៦ ផ្លូវលេខ ៥២៨ កែងនឹងផ្លូវលេខ២៨៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ។ សពនឹងដង្ហែ ទៅបញ្ចុះនៅវត្តបទុមវតី នាថ្ងៃទី៧ ខែកុម្ភៈ ឆ្នាំ២០២៣។ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានបងប្អូនបង្កើត៥នាក់ ក្នុងនោះស្រី៣នាក់ និងប្រុស២នាក់ ៖ ១. សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ២. ឯ.ឧ.គ្រី ទូច ភរិយាលោកជំទាវ ទ្រី ង៉ូវណាំ ៣. បងប្រុសទី៣ ត្រូវប៉ុលពតសម្លាប់ ៤. លោកស្រី ប៊ុន សាមលេន ស្វាមី លោក គឹម ទូច ៥. លោកជំទាវ ប៊ុន សុថា ហៅ ប៊ុន សាមហ៊ឹង ស្វាមី ឯ.ឧ. តាន់ បញ្ញាវុធ ។
