នាថ្ងៃ៩ ខែកុម្ភៈ ឆ្នាំ២០២២ នៅព្រះដំណាក់វាលស្បូវ ផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ អង្គសមាជវិសាមញ្ញបានសម្រេចជ្រើសតាំងព្រះអង្គម្ចាស់ នរោត្តម ចក្រាវុធ ជាព្រះប្រធានគណបក្សហ្វ៊ុនស៊ិនប៉ិច ដឹកនាំបន្តវេនពីសម្តេចក្រុមព្រះ នរោត្តម រណឬទ្ធិ ជាព្រះបិតាដែលបានសោយព្រះទិវង្គត នៅថ្ងៃទី២៨ ខែវិចិ្ឆកា ឆ្នាំ២០២១ ។ អង្គសមាជវិសាមញ្ញក៏បានប្រកាសតែងតាំងសមាសសភាពអនុប្រធានគណបក្ស៣រូបទៀតផងដែរ រួមមាន សហជីវិន ឆឹង ចំរើន សហជីវិន ប៉ោ ប៊ុនស្រ៊ឺ និងសហជីវិន ពៅ អៀងគ្រី។
