អ៊ុំ គន្ធា ជាអតីតតារាចម្រៀងយេៗជាមួយស្ទាយស្លៀកពាក់ដ៏សិចស៊ីមួយរូបធ្លាក់ខ្លួនឈឺជាមួយជំងឺដ៏កាចសាហាវប្រចាំទសវត្សរ៍ អស់រយៈ១៨ឆ្នាំ គិតមកត្រឹមថ្ងៃទី៤ ខែវិច្ឆិកា ឆ្នាំ ២០២០ ដែលជាហេតុធ្វើឲ្យអ្នកនាងបាត់មុខពីសិល្បៈ និងព្រាត់ប្រាស់ស្វាមី រហូតយ៉ុងចិត្តដើរផឹកស្រា រសាត់វិលវល់ដូចខ្យល់បក់ និងឈានប្រព្រឹត្តគ្រឿងញៀន ក្លាយជាមនុស្សម្នាក់ប៉ោឡែ មើលលែងស្គាល់ ។ ប៉ុន្តែ ដោយសារមានការយកចិត្តទុកដាក់ពីថ្នាក់ដឹកនាំ ក៏ដូចសប្បុរសជននានាជួយជ្រោមជ្រែង ជីវិតប្រៀបដូចកំពុងរស់នៅក្នុងឋានរករបស់ អ៊ុំ គន្ធា បានត្រូវស្រោចស្រង់ និងទទួលបានការធ្វើនៅក្នុងអង្គភាពប្រឆាំងអំពើពុករលួយផងដែរ។ បច្ចុប្បន្ន អតីតតារាចម្រៀង អ៊ុំ គន្ធា កំពុងរស់នៅជាមួយបងប្អូន នៅភូមិវិមានទ្រង់ សង្កាត់ក្រាំង ខណ្ឌសែនសុខ រាជធានីភ្នំពេញ។
