សម្តេចរាជបុត្រី ព្រះរៀម នរោត្តម បុប្ផាទេវី ទេពនាថវដ្តីឯក ព្រះអង្គ ព្រះប្រសូតនៅថ្ងៃទី៨ ខែមករា ឆ្នាំ១៩៤៣ នារាជធានីភ្នំពេញ ។ ទ្រង់ជាព្រះរាជបុត្រីច្បង នៃព្រះករុណា ព្រះបាទសម្តេចព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យ បូរណភាព ដែនដី និងឯកភាពជាតិខ្មែរ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត និងអ្នកម្នាង ផាត់ កាញ៉ុល នាដការី នៃរបាំព្រះរាជទ្រព្យ។
សម្ដេចរាជបុត្រី ព្រះរៀម នរោត្តម បុប្ផាទេវី បានសោយព្រះពិរាល័យក្នុងព្រះជន្ម ៧៦ព្រះវស្សា នាវេលាម៉ោង ១២និង៣០ នាទី ថ្ងៃទី១៨ ខែវិច្ឆិកា ឆ្នាំ២០១៩ ក្នុងមន្ទីរពេទ្យព្រះរាជាណាចក្រថៃ ដោយព្រះរោគាពាធ។ ទ្រង់មានបុត្រាបុត្រីទាំងអស់ ៥អង្គ ៖ ១. ស៊ីសុវត្ថិ មុនី កុសុម៉ា (Sisowath Moni Kossoma) ២. ស៊ីសុវត្ថិ កល្យាណ ទេវី (Sisowath Kalyan Tevi) ៣. កែវ ជិនស៊ីថា ហ្វ័រស៊ីនីតទី (Keo Chinsita Forsinetti) ៤. ស៊ីសុវត្ថិ ជីវណ្ណារិទ្ធ (Sisowath Chivannariddh) ៥. ស៊ីសុវត្ថិ វិច្ឆរាវុទ្ធ(Sisowath Veakchiravuddh) ។
ពិធីដង្ហែព្រះអដ្ឋិនៃសម្តេចរាជបុត្រី ព្រះរៀម នរោត្តម បុប្ផាទេវី ទេពនាថវដ្តីឯក ទៅតម្កល់ទុកក្នុងព្រះចេតីយ៍ វត្តព្រែកប្រាំង ស្ថិតក្នុងស្រុកពញាឮ ខេត្តកណ្ដាល នាព្រឹកថ្ងៃព្រហស្បតិ៍ ថ្ងៃទី២៦ ខែវិច្ឆិកា ឆ្នាំ២០២០។
