កញ្ញា ខេមរៈ ស្រីពៅ ដែលជាប្អូនស្រីបង្កើតរបស់កំពូលតារាចម្រៀង ខេមរៈ សិរីមន្ត
បានធ្លាក់ខ្លួនឈឺកាលពីប៉ុន្មានឆ្នាំកន្លងមក ប៉ុន្តែមួយរយៈចុងក្រោយនេះ ក៏លេចឭព័ត៌មានថា
សុខភាពរបស់នាងបានវិលត្រឡប់មកសភាពធម្មតាល្អប្រសើរវិញហើយ ។
តែទោះយ៉ាងណា នាងពុំបានបង្ហាញវត្តមាននៅលើកញ្ចក់ទូរទស្សន៍នោះទេ ។ថ្មីៗនេះ បងប្រុសរបស់នាង(ខេមរៈ ភារុណ)ឲ្យដំណឹងដ៏សោកសៅបំផុតតាមគណនីហ្វេសប៊ុកឈ្មោះ Chau Sophanha ថា ខេមរៈ ស្រីពៅ បានលាចាកលោកហើយ កាលពីម៉ោង១រសៀលថ្ងៃទី២៥ មករា
នៅប្រទេសឥណ្ឌា ហើយបានបញ្ជូនមក ដល់ខ្មែរវិញ នៅម៉ោង៧យប់ថ្ងៃ២៦ មករា៕
សពតារាចម្រៀង កញ្ញា ខេមរៈ ស្រីពៅ នៅម៉ោងប្រមាណជា២រសៀល ថ្ងៃទី២៨ ខែមករា ឆ្នាំ២០១៩ នេះ បានបូជារួចរាល់ហើយ ក្នុងបរិវេណវត្តសំរោងអណ្តែត ខណ្ឌសែនសុខ ក្រោម សម្រែកយំសោកសៅពីក្រុមគ្រួសារ សាច់ញាតិ មិត្តភិក្ត សិល្បករ-សិល្បការិនី និងអ្នកគាំទ្រ យ៉ាងច្រើន ។
