លមរណភាពតាមច្បាប់រាជវង្ស ព្រះស៊ីសុវត្ថិ មុនីរ៉េតត្រូវគ្រងរាជ្យបន្តពីព្រះរាជបិតា តែបារាំងមិនព្រម ព្រោះទ្រង់មិនចុះសម្រុងនឹងបារាំងសេស។ ម្យ៉ាង ករណីអ្នកឡើងសោយរាជ្យបន្តពីព្រះបាទ មុនីវង្ស ពាក់ព័ន្ធនឹងស្ថានការណ៍នយោបាយ និងយោធានៅប្រទេសបារាំង និងនៅអឺរុបទាំងមូល (ពេលនោះ គឺសង្គ្រាមលោកលើកទី២ (ពីឆ្នាំ១៩៣៩ ដល់ ១៩៤៥) ។ នៅឆ្នាំ ១៩៤២ ពេលដែលត្រូវជ្រើសរើសអ្នកគ្រងរាជ្យ បារាំងត្រូវចុះចាញ់ការឈ្លានពានរបស់អាឡឺម៉ង់ ដែលដាក់រដ្ឋាភិបាលអាយ៉ងមួយឲ្យគ្រប់គ្រងមួយភាគ និងមួយភាគទៀតដោយកងទ័ពអាឡឺម៉ង់ផ្ទាល់ ។លោក Decoux អគ្គទេសាភិបាលឥណ្ឌូចិន គាត់នៅទទួលស្គាល់រដ្ឋាភិបាលអាយ៉ងអាឡឺម៉ង់គាត់ជាអ្នកសម្រេចយកព្រះសីហនុ ។ រាជបុត្ររបស់ព្រះមុនីវង្ស ជាអ្នកជិតស្និតនឹងពួករបបដែលដួលរលំចាញ់សង្គ្រាម ហើយភាគច្រើននាំគ្នាភៀសព្រះកាយទៅតំបន់អាណានិគមបារាំងនៅអាហ្រ្វីកអស់ហើយ។
