តារាសម្ដែងជើងចាស់ ពីទស្សវត្សន៍ឆ្នាំ៩០ លោក សម តារា មានភរិយាជាក្មួយសម្ដេចកិត្តិ សង្គហបណ្ឌិត ម៉ែន សំអន ត្រូវបានថ្នាក់ដឹកនាំគណបក្សប្រជាជនកម្ពុជា ចាត់តាំងជាបេក្ខជន ឈរឈ្មោះតំណាងរាស្រ្តមណ្ឌលខេត្តស្វាយរៀង នៅលេខរៀងទី៤សម្រាប់ការបោះឆ្នោតថ្នាក់ជាតិ នីតិកាលទី៧ ដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ក្នុងខណៈសម្ដេចកិត្តិ សង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា ជាបេក្ខជនពេញសិទ្ធិលេខរៀងទី១ លោកស្រី ដួង វណ្ណា ជាបេក្ខជនពេញសិទ្ធិលេខរៀងទី២ លោក ជ័យ សុន ជាបេក្ខជនពេញសិទ្ធិលេខរៀងទី៣ លោកស្រី ឯក សុវណ្ណភារៈ អភិបាលរងខេត្តស្វាយរៀង ជាបេក្ខជនពេញសិទ្ធិលេខរៀងទី៥។ មុខតំណែងកន្លងមក៖ អគ្គនាយករងនៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ អនុរដ្ឋលេខាធិការ ក្រសួងមហាផ្ទៃ
