សម្តេចវិបុលបញ្ញា សុខ អាន អតីតរដ្ឋមន្រ្តីនៃទីស្តីការគណៈរដ្ឋមន្រ្តី បានទទួលមរណភាព កាលពីថ្ងៃទី១៥ ខែមីនា ឆ្នាំ២០១៧ ក្នុងជន្មាយុ ៦៦ឆ្នាំ។ សម្តេច សុខ អាន និងលោកជំទាវ ថេង អាយអាន្នី មានកូន ៥នាក់ ( ស្រីម្នាក់ និងកូនប្រុស ៤នាក់ ) ៖ ១-លោកស្រី សុខ សូម៉ា ២-លោក សុខ ពុទ្ធិវុធ ៣-លោក សុខ សូកាន ៤-លោក សុខ សូកេន ៥-លោក សុខ សង្វារ . សុខ ពុទ្ធិវុធ (កូនប្រសាររបស់សម្តេចតេជោ នាយករដ្ឋមន្ត្រី ហ៊ុន សែន) អតីតប្រធានសហព័ន្ធស្រូវអង្ករកម្ពុជា បានទទួលការតែងតាំងជាអនុរដ្ឋលេខាធិការ ក្រសួងប្រៃសណីយ៍ និងទូរគមនា គមន៍។ ថ្ងៃទី២៩ ខែកញ្ញា ឆ្នាំ២០១៨ ព្រះមហាក្សត្របានចេញព្រះរាជក្រឹត្យត្រាស់បង្គាប់ដំឡើងឋានៈជារដ្ឋលេខាធិការនៃក្រសួងប្រៃសណីយ៍ និងទូរគមនាគមន៍។ . សុខ សូកាន ជាតំណាងរាស្រ្តមណ្ឌលខេត្តតាកែវតាំងពីឆ្នាំ២០១៥ ជំនួសលោកសូ ឃុន ដែលបានទទួលមរណភាព និងជាអនុប្រធានគណៈកម្មការទី៩នៃរដ្ឋសភា។ . សុខ សូកេន ជាបងប្អូនភ្លោះនឹង សុខ សូកាន ជាអនុប្រធាននាយកដ្ឋាន គណៈកម្មាធិការវិនិយោគ នៃក្រុមប្រឹក្សាអភិវឌ្ឍន៍កម្ពុជា ។ . សុខ សង្វារ បានទទួលការតែងតាំងជាអគ្គនាយករងអាជ្ញាធរជាតិអប្សរា នាថ្ងៃទី២៨ ខែឧសភា ឆ្នាំ២០១៥ ថ្ងៃទី១៥ ខែធ្នូ ឆ្នាំ២០២០ បានព្រះករុណា ព្រះមហាក្សត្រ សម្តេចព្រះបរមនាថនរោត្តម សីហមុនី ចេញព្រះរាជក្រឹត្យត្រាស់បង្គាប់តែងតាំងមុខតំណែងជាអនុរដ្ឋលេខាធិការ នៃក្រសួងទេសចរណ៍ ។
.jpg)
.jpg)
